ଲ୍ୟାଣ୍ଡର ସହ ଚନ୍ଦ୍ରଯାନ-୨ ର ସଂପର୍କ ଭାଙ୍ଗିଥିଲେ ବି ଅନ୍ତର୍ଜାତୀୟ ଗଣମାଧ୍ୟମ କଲା ଇସ୍ରୋର ପ୍ରଶଂସା ! କହିଲା , ଇସ୍ରୋ ଯାହା କଲା ତାହା କରିବା ତ ଦୂରର କଥା କେହି ଭାବି ପାରିବେ ନାହିଁ ।
ଭାରତର ମହତ୍ତ୍ୱାକାଂକ୍ଷୀ ମିଶନ୍ ଚନ୍ଦ୍ରଯାନ-୨ ଶୁକ୍ରବାର ମଧ୍ୟରାତ୍ରରେ ଚନ୍ଦ୍ରଠାରୁ ମାତ୍ର ୨.୧ କି.ମି. ଦୂରତାରେ ହିଁ ଥିବାବେଳେ ସଂପର୍କ ଛିନ୍ନ ହୋଇ ଯାଇଥିଲା । ଲ୍ୟାଣ୍ଡର ବିକ୍ରମକୁ ୧.୩୮ ମିନିଟ୍ ସମୟରେ ଚନ୍ଦ୍ରକୁ ଆଣିବାକୁ ଚେଷ୍ଟା କରାଯାଇଥିଲେ ମଧ୍ୟ ଚନ୍ଦ୍ରଠାରୁ ମାତ୍ର ୨.୧ କିଲୋମିଟର ପୂର୍ବରୁ ହିଁ ଇସ୍ରୋ ସହ ତାହାର ସଂପର୍କ ବିଚ୍ଛିନ୍ନ ହୋଇଯାଇଥିଲା । ବର୍ତ୍ତମାନ ପର୍ଯ୍ୟନ୍ତ ବୈଜ୍ଞାନିକ ମାନେ ବିକ୍ରମ ଏବଂ ପ୍ରଜ୍ଞାନ ଲ୍ୟାଣ୍ଡର ସହ ସଂପର୍କ କରିବା ପାଇଁ ଅହରହ ଚେଷ୍ଟା ଚଲାଇଛନ୍ତି କିନ୍ତୁ ଏହା ଯଦି ସକ୍ରିୟ ହୁଏ ତେବେ କୌଣସି ଚମତ୍କାର ଠାରୁ ଏହା କମ୍ ହେବନି । ଏଭଳି କିଛି ଘଟଣାର ଆଶଙ୍କା ପୂର୍ବରୁ ହିଁ ବୈଜ୍ଞାନିକଙ୍କ ମନରେ ଆସିଥିଲା ଯେ ଲ୍ୟାଣ୍ଡର ବିକ୍ରମ ଚନ୍ଦ୍ରରେ ପହଁଚିବାର ୧୫ ମିନିଟ୍ ଖୁବ୍ ଗୁରୁତ୍ୱପୂର୍ଣ୍ଣ ସମୟ ହେବ । ଭାରତକୁ ଏହି ମିଶନ୍ ରୁ ଝଟକା ମିଳିବା ପରେ ଅନ୍ତର୍ଜାତୀୟ ଗଣମାଧ୍ୟମରେ ଇସ୍ରୋର ଖୁବ୍ ପ୍ରଶଂସା କରାଯାଉଛି । ଆମେରିକା ମାଗେଜିନ୍ ୱାୟାର୍ଡ ଅନୁସାରେ ଏହି ମିଶନ୍ ରେ ଏବେ ସବୁକିଛି ଶେଷ ହୋଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଲ୍ୟାଣ୍ଡର ବିକ୍ରମର ଅନ୍ତିମ ସମୟ ସଫ୍ଟ ଲ୍ୟାଣ୍ଡିଙ୍ଗ୍ ନକରିପାରିବାରୁ ଏହାର ପୂର୍ବରୁ ହିଁ ଇସ୍ରୋ ସହ ସଂପର୍କ ଚ୍ଛିନ୍ନ ହୋଇଯାଇଥିଲା । ତେବେ ଏହି ଖବର ଏବେ ପୁରା ଦୁନିଆରେ ଚର୍ଚ୍ଚା ସାଉଁଟିଛି । ଅନ୍ତର୍ଜାତୀୟ ଗଣମାଧ୍ୟମ ଏବେ ଇସ୍ରୋର ଖୁବ୍ ପ୍ରଶଂସା କରି କହୁଛି ଯେ ଇସ୍ରୋ ଚନ୍ଦ୍ରର ଅତ୍ୟନ୍ତ ସମ୍ବେଦନ ଅଂଶରେ ଲ୍ୟାଣ୍ଡିଙ୍ଗ୍୍ କରିବାର ସାହସ ଦେଖାଇଛି ଯାହାକୁ ଆଉ କେହି କରିବା କଥା ଭାବି ପାରିବେନାହିଁ । ଏହି ମିଶନରେ ଏବେ ବି ଆଶା ଲାଗିରହିଛି । ଲ୍ୟାଣ୍ଡର ବିକ୍ରମର ସଫ୍ଟ ଲ୍ୟାଣ୍ଡିଙ୍ଗ୍ ରେ ହେଉ କିମ୍ବା ପ୍ରଜ୍ଞାନ ରୋବର୍ ସଂପର୍କ ଶେଷ ହେବା କାରଣରୁ ଇସ୍ରୋକୁ ଏଥିପାଇଁ ଝଟକା ଲାଗିଥିଲେ ମଧ୍ୟ ମିଶନ୍ ଏବେ ବି ଶେଷ ହୋଇନାହିଁ ।