କେତେ ସାକ୍ଷର ଭାରତ ? ଜାଣନ୍ତୁ କେଉଁ ରାଜ୍ୟରେ ଅଛନ୍ତି ସର୍ବାଧିକ ଶିକ୍ଷିତ, ଓଡିଶାର ସ୍ଥାନ କେତେ
ଅଶିକ୍ଷା ରୂପକ ଅନ୍ଧକାରକୁ ଦୂର କରିବା ପାଇଁ ପୂରା ବିଶ୍ୱ ପାଳନ କରୁଛି ୫୨ ତମ ଅର୍ନ୍ତଜାତୀୟ ସାକ୍ଷରତା ଦିବସ । ପୂରା ଦୁନିଆରୁ ଅଶିକ୍ଷା ସମାପ୍ତ କରିବାର ସଂକଳ୍ପ ନେଇ ସାକ୍ଷରତା ଦିବସ ପାଳନ ହେଉଛି । ଶିକ୍ଷା ପ୍ରତି ଲୋକ ମାନଙ୍କର ଧ୍ୟାନ ଆର୍କଷିତ କରିବାକୁ ପ୍ରତିବର୍ଷ ସେପ୍ଟେମ୍ବର ୮ ତାରିଖରେ ବିଶ୍ୱ ସାକ୍ଷରତା ଦିବସ ପାଳନ କରାଯାଇଥାଏ । ୧୯୬୬ ମସିହାରେ ପ୍ରଥମ ଥର ପାଇଁ ୟୁନେସ୍କା ଦ୍ୱାରା ଆରମ୍ଭ ହୋଇଥିଲା ଏହି ଦିବସ ।
Kanak News is now on WhatsApp
Join and get latest news updates delivered to you via WhatsApp
ପୂରା ବିଶ୍ୱରୁ ନିରକ୍ଷରତା ଦୂର କରିବା ପାଇଁ ଏହି ଦିବସ ପାଳନ କରିବାକୁ ୧୯୬୫ ସେପ୍ଟେମ୍ବର ୮ରେ ଇରାନରେ ବିଭିନ୍ନ ଦେଶର ଶିକ୍ଷା ମନ୍ତ୍ରୀଙ୍କୁ ନେଇ ହୋଇଥିବା ସମ୍ମିଳନୀରେ ଏହା ଉପରେ ଚର୍ଚ୍ଚା ହୋଇଥିଲା । ପରେ ୧୯୬୬ରେ ୮ ସେପ୍ଟେମ୍ବରକୁ ବିଶ୍ୱ ସାକ୍ଷରତା ଦିବସ ଭାବେ ପାଳନ କରିବାକୁ ଘୋଷଣା କରିଥିଲା ୟୁନେସ୍କୋ ।
ଗରିବୀକୁ ଦୂର କରିବା , ଶିଶୁ ମୃତ୍ୟୁହାର କମାଇବା, ଜନସଂଖ୍ୟା ବୃଦ୍ଧିକୁ ନିୟନ୍ତ୍ରଣ କରିବା, ଲିଙ୍ଗଗତ ପ୍ରଭେଦକୁ ଦୂର କରିବା ପାଇଁ ଶିକ୍ଷାର ଆବଶ୍ୟକତା ରହିଛି । କାରଣ କେବଳ ଉନ୍ନତ ଶିକ୍ଷା ମାଧ୍ୟମରେ ହିଁ ଏଭଳି ସମସ୍ୟାକୁ ଦୂର କରାଯାଇପାରିବ । ଏକ ନୂଆ ସମାଜ ଗଠନ ପାଇଁ ଶିକ୍ଷାର ଆବଶ୍ୟକତା ଅନେକାଂଶରେ ରହିଛି । ଶିକ୍ଷା କେବଳ ପଢିବା ଓ ଲେଖିବା ମଧ୍ୟରେ ସୀମିତ ରହିନଥାଏ । ଏହା ଲୋକମାନଙ୍କୁ ନିଜ ଅଧିକାର ପ୍ରତି ସଚେତନ କରିବା ସହ ସାମାଜିକ ବିକାଶ ପାଇଁ କ୍ଷେତ୍ର ପ୍ରସ୍ତୁତ କରିଥାଏ । ସଂଯୁକ୍ତ ରାଷ୍ଟ୍ରର ରିପୋର୍ଟ ଅନୁଯାୟୀ, ଏବେ ବିଶ୍ୱର ମୋଟ ୪ ଆରବ ଲୋକ ସାକ୍ଷର ଥିବା ବେଳେ ଏବେ ମଧ୍ୟ ୧ ଆରବ ଲୋକ ଶିକ୍ଷାରୁ ବଞ୍ଚିତ ହୋଇଛନ୍ତି ।
ରିପୋର୍ଟ ଅନୁଯାୟୀ, ବିଶ୍ୱର ୧୨୭ ଦେଶ ମଧ୍ୟରୁ ୧୦୧ ଦେଶ ଏଭଳି ରହିଛି ଯେଉଁଠାରେ ଲୋକମାନେ ପୂର୍ଣ୍ଣ ସାକ୍ଷରତା ହାସଲ କରିବାରୁ ବଞ୍ଚିତ ହୋଇଛନ୍ତି । ଆଉ ଏହା ମଧ୍ୟରେ ଭାରତ ସାମିଲ ରହିଛି । ୨୦୧୧ ସୁଦ୍ଧା ଭାରତର ସାକ୍ଷରତା ହାର ଥିଲା ୭୪ ପ୍ରତିଶତ । କିନ୍ତୁ ବ୍ରିଟିଶ ଶାସନ ସମୟରେ ଏହା ମାତ୍ର ୧୨ ପ୍ରତିଶତରେ ସୀମିତ ଥିଲା । ଏବେ ଦେଶର ରାଜ୍ୟ ଗୁଡିକ ଉପରେ ନଜର ପକାଇଲେ କେରଳରେ ସାକ୍ଷର ହାର ସର୍ବାଧିକ ୯୩,୯୧ ପ୍ରତିଶତ ଥିବା ବେଳେ ବିହାରରେ ସର୍ବନିମ୍ବ ୬୩.୮୨ ପ୍ରତିଶତ ଲୋକ ସାକ୍ଷର ଅଛନ୍ତି । ସେହିଭଳି ୨୦୧୧ ଜନଗଣନା ଅନୁଯାୟୀ ଓଡିଶା ୭୩.୪୫% ସାକ୍ଷରତା ହାର ସହ ପୂରା ଦେଶରେ ୨୫ ତମ ସ୍ଥାନରେ ରହିଛି ।