ଦୀର୍ଘଦିନର କଳ୍ପନାଜଳ୍ପନାର ହେଲା ଅନ୍ତ । ଧର୍ମଶାଳାରେ ପୁଣି ଖୋଲିବ କ୍ରସର
ଯାଜପୁର ଧର୍ମଶାଳା ଅଂଚଳରେ ପୁଣି ଖୋଲିବ କ୍ରସର
କନକ ବ୍ୟୁରୋ : ଯାଜପୁର ଧର୍ମଶାଳା ଅଂଚଳରେ ପୁଣି ଖୋଲିବ କ୍ରସର । ଦୀର୍ଘ ଦିନର କଳ୍ପନାଜଳ୍ପନା ପରେ ମିଳି ସାରିଛି ମଞ୍ଜୁରି । ଇଡକୋ ଜରିଆରେ କ୍ରସର ମାଲିକଙ୍କୁ ଯୋଗାଇ ଦିଆଯିବ ଜମି । ପରିବେଶ ପ୍ରଦୂଷଣକୁ ଦୃଷ୍ଟିରେ ରଖି ପ୍ରଶାସନ ବନ୍ଦ କରିଥିବା ଶତାଧିକ କ୍ରସର ମଧ୍ୟରୁ ଥଇଥାନ ହେବେ ୧୬୧ କ୍ରସର । ଏଥିପାଇଁ ଜିଲ୍ଲା ପ୍ରଶାସନର ପ୍ରସ୍ତୁତି ଆରମ୍ଭ ହୋଇ ସାରିଛି । ଥଇଥାନ ହେବ କ୍ରସର ହବ୍ । ହାଇକୋର୍ଟଙ୍କ ନିର୍ଦ୍ଦେଶ ପରେ ଯାଜପୁର ଧର୍ମଶାଳାରେ ୧୬୧ଟି କ୍ରସର ଥଇଥାନ ହେବ ।
Kanak News is now on WhatsApp
Join and get latest news updates delivered to you via WhatsApp
ପ୍ରଦୂଷଣ ଯୋଗୁଁ ପ୍ରଶାସନ ୨୦୧୪ ମସିହାରେ ବନ୍ଦ ପଡିଥିବା ଶତାଧିକ କ୍ରସର ମଧ୍ୟରୁ ୪୮ଟି କ୍ରସରକୁ ପରିବେଷର ମଞ୍ଜୁରି ମିଳି ସାରିବା ପରେ କ୍ରସର ହବ୍ ପାଇଁ ପ୍ରଶାସନ ଉଦ୍ୟମ ଆରମ୍ଭ କରିଛି । ଜାତୀୟ ରାଜପଥ ଏବଂ ଗାଁଠାରୁ ଗୋଟିଏ କିଲୋମିଟର ଦୂରରେ କ୍ରସର ବସାଇବାର ନିଷ୍ପତି ନେଇଛି ପ୍ରଶାସନ । କ୍ରସରର ଥଇଥାନ ଓ ଜମି ଯୋଗାଇକୁ ନେଇ କୋର୍ଟଙ୍କ ଗ୍ରୀନ୍ ସିଗ୍ନାଲ ମିଳିବା ପରେ କାମ ଆଗେଇଛି ।
କ୍ରସର ହବ୍କୁ ଧର୍ମଶାଳା ବିଧାୟକ ସମର୍ଥନ କରୁଥିବା ବେଳେ, ପ୍ରଦୂଷଣ ସହ ସମସ୍ତ କାରବାରରେ ସ୍ୱଚ୍ଛତା ଆଣିବାବାକୁ କ୍ରସର ହବ୍ କରାଯିବ ବୋଲି ଯାଜପୁର ଜିଲ୍ଲାପାଳ କହିଛନ୍ତି । ଅନେକ କ୍ରସର ନିୟମକୁ ଉଲଂଘନ କରୁଥିବାରୁ ୫ ବର୍ଷ ତଳୁ ଶତାଧିକ କ୍ରସରକୁ ସିଲ କରିଥିଲା ପ୍ରଶାସନ । ଫଳରେ କ୍ରସର ବ୍ୟବସାୟୀ ବ୍ୟବସାୟ ବନ୍ଦ ହେବା ପରେ ହାଇକୋର୍ଟର ଦ୍ୱାରସ୍ଥ ହୋଇଥିଲେ ।