କନକ ବ୍ୟୁରୋ : ନିର୍ଭୟା ମାମଲାର ଦୋଷୀ ମୁକେଶ, ପବନ, ଅକ୍ଷୟ ଓ ବିନୟଙ୍କୁ କେବେ ଦିଆଯିବ ଫାଶୀ? ସାରାଦେଶ ଏହାକୁ ଅନାଇ ରହିଛି । ସମସ୍ତଙ୍କ ମନରେ ସେହି ଗୋଟିଏ ପ୍ରଶ୍ନ- ସଇତାନଙ୍କୁ ଫାଶୀ ଦେବାରେ ବିଳମ୍ବ କାହିଁକି ଓ ଫାଶୀ କେବେ? ଏବେ ଫାଶୀକୁ ନେଇ କୋର୍ଟଙ୍କ ରାୟକୁ ଅପେକ୍ଷା କରାଯାଇଛି । ହେଲେ ଏହାରି ଭିତରେ ଉତର ପ୍ରଦେଶ ଡିଜିଙ୍କୁ ଚିଠି ଲେଖି ଜହ୍ଲାଦ ଯୋଗାଇ ଦେବାକୁ ଅନୁରୋଧ କରିଛନ୍ତି ତିହାର ଜେଲର ସୁପରିଟେଣ୍ଡେଣ୍ଟା
Kanak News is now on WhatsApp
Join and get latest news updates delivered to you via WhatsApp
୨୧ ନଭେମ୍ବର ୨୦୧୨ । ପୁଣେର ୟେରୱାଡା ଜେଲ । ସ୍ୱାଧୀନ ଭାରତରେ ପ୍ରଥମଥର ବିନା ଜହ୍ଲାଦରେ କାହାରିକୁ ଦିଆଗଲା ଫାଶୀ । ମୁମ୍ବାଇ ଆକ୍ରମଣର ଦୋଷୀ ଅଜମଲ କସାବକୁ ଫାଶୀ ଖୁଣ୍ଟରେ ଝୁଲାଇ ଦେବାପାଇଁ ୟେରୱାଡା ଜେଲର ଜଣେ କର୍ମଚାରୀ ହିଁ ଫାଶୀର ଲିଭର ଟାଣିଥିଲେ । ସେହିଭଳି ଅଫଜଲ ଗୁରୁ ଓ ୟାକୁବ ମେମନକୁ ମଧ୍ୟ ଫାଶୀ ଦିଆଯାଇଥିଲା । ଦେଶରେ ଶେଷଥର ପାଇଁ ଦିଆଯାଇଥିବା ତିନିଟି ଫାଶୀ ଘଟଣାରେ କୌଣସି ପେଶାଦାର ଜହ୍ଲାଦଙ୍କ ଆବଶ୍ୟକତା ପଡିନଥିଲା । ସଇତାନଙ୍କୁ ଫାଶୀ ଖୁଣ୍ଟରେ ଝୁଲାଇବାର କାମ ଅତି ସହଜରେ କରିଦେଇଥିଲେ ଜେଲ କର୍ମଚାରୀ । ଯଦିଓ ବିନା ଜହ୍ଲାଦରେ ଦିଆଯାଇଥିବା ଏହି ତିନି ଫାଶୀ ଘଟଣାରା କାହାଣୀ ଥିଲା ସମାନ । କାରଣ ଫାଶୀ ଖୁଂଟରେ ଝୁଲିଥିବା ଏହି ତିନି ଦୋଷୀ ଥିଲେ ଆତଙ୍କବାଦୀ । ତେବେ କ’ଣ ଏଥିପାଇଁ ପେଶାଦାର ଜହ୍ଲାଦଙ୍କ ଆବଶ୍ୟକତା ପଡିଲାନି? ଆତଙ୍କବାଦୀ ହୋଇଥିବାରୁ ଜେଲ କର୍ମଚାରୀଙ୍କ ହାତରେ ଦିଆଗଲା ମୃତ୍ୟୁ ଦଣ୍ଡ? କାରଣ ଏହି ତିନିଜଣଙ୍କ ଫାଶୀ ପୂର୍ବରୁ ଦିଆଯାଇଥିବା ଫାଶୀ ଘଟଣାର କାହାଣୀ ଥିଲା ଭିନ୍ନ ।
୧୪ ଅଗଷ୍ଟ ୨୦୦୪ । ଅଲିପୁର ସେଂଟ୍ରାଲ ଜେଲ, କୋଲକାତା । ଜଣେ ନାବାଳିକା ସ୍କୁଲ ଛାତ୍ରୀଙ୍କୁ ଦୁଷ୍କର୍ମ ମାମଲାରେ ଧନଞ୍ଜୟ ଚାଟାର୍ଜୀକୁ ଅଲିପୁର ସେଂଟ୍ରାଲ ଜଲରେ ଦିଆଯାଇଥିଲା ଫାଶୀ । ସେତେବେଳେ ଏହି ସଇତାନକୁ ଫାଶୀ ଖୁଂଟରେ ଝୁଲାଇଥିଲେ ଜଣେ ଜହ୍ଲାଦ । ତାଙ୍କ ନାଁ ଥିଲା ନାଟା ମଲ୍ଲିକ । ୧୫ ବର୍ଷ ତଳେ ଦିଆଯାଇଥିବା ଏହି ଫାଶୀ, କୌଣସି ଜହ୍ଲାଦ ହାତରେ କାର୍ଯ୍ୟକାରୀ ହେବାର ଶେଷ ଘଟଣା । ଏହାପରେ ଯେଉଁ ତିନିଟି ଫାଶୀ ଦଣ୍ଡାଦେଶ କାର୍ଯ୍ୟକାରୀ ହୋଇଛି, ସେଥିରେ କୌଣସି ଜହ୍ଲାଦଙ୍କୁ ବ୍ୟବହାର କରାଯାଇ ନାହିଁ ।
କୁହାଯାଉଛି ତିନିଟି ମାମଲାରେ ଦୋଷୀ ଆତଙ୍କବାଦୀ ହୋଇଥିବାରୁ ସୁରକ୍ଷା ଦୃଷ୍ଟିରୁ କୌଣସି ଜହ୍ଲାଦଙ୍କୁ ବ୍ୟବହାର କରାଯାଇ ନଥିଲା । ଫାଶୀକୁ କାର୍ଯ୍ୟକାରୀ କରୁଥିବା ଜହ୍ଲାଦ ପରିବାର ଆତଙ୍କବାଦୀ ସଂଗଠନର ଆକ୍ରୋଶର ଶିକାର ହେବା ଆଶଙ୍କାରେ ଏଭଳି କରାଯାଇଥାଇପାରେ । ଏବେ ୧୫ ବର୍ଷ ପରେ ପୁଣି ଜହ୍ଲାଦଙ୍କୁ ଖୋଜା ପଡିଛି । ଖବର ଅନୁସାରେ ଉତର ପ୍ରଦେଶ ଜେଲ ଡିଜିଙ୍କୁ ଚିଠି ଲେଖିଛନ୍ତି ଦିଲ୍ଲୀ ତିହାର ଜେଲର ସୁପରିନଟେଂଣ୍ଡେଂଟ । ୯ ଡିସେମ୍ବରରେ ଏହି ଚିଠି ଲେଖି ସେ ଦୁଇଜଣ ଜହ୍ଲାଦ ମାଗିଛନ୍ତି । କାରଣ ସାରା ଦେଶରେ ଏବେ ଉତର ପ୍ରଦେଶରେ ହିଁ ଦୁଇଜଣ ପେଶାଦାର ଜହ୍ଲାଦ ଅଛନ୍ତି । ଏମାନେ ହେଲେ ପବନ କୁମାର ଓ ଇଲିଆସ ଓରଫ ଅଲ୍ଲି । ଉତର ପ୍ରଦେଶ ପୋଲିସ ସୂତ୍ରରୁ ଜଣାପଡିଛି ଯେ, ତିହାର ଜେଲରୁ ଆସିଥିବା ଚିଠିରେ ଏହି ଦୁଇଜଣଙ୍କ ନାଁ ଲେଖାଯାଇଛି । ଏହା ପୂର୍ବରୁ ଦେଶରେ ଯେତେ ଫାଶୀ ତିଆଯାଇଛି ତାକୁ କାର୍ଯ୍ୟକାରୀ କରିଥିଲେ ବପନର ଜେଜେ କାଲୁ ଜହ୍ଲାଦ, ବାପା ମାମୁ ଜହ୍ଲାଦ, ପଞ୍ଜାବର ଫକିର ଜହ୍ଲାଦ, କୋଲକାତାର ନାଟା ଜହ୍ଲାଦ । ହେଲେ ଏମାନଙ୍କ ଭିତରୁ ଏବେ କେହି ଜୀବତ ନାହାନ୍ତି । ତେବେ ଜେଜେ କିମ୍ବା ବାପାଙ୍କ ସହ ପୁର୍ବରୁ ଫାଶୀ ଦଣ୍ଡାଦେଶ କାର୍ଯ୍ୟକାରୀ କରିଛି ପବନ ଜହ୍ଲାଦ । ହେଲେ ଏକୁଟିଆ କେବେ ଏହି କାମ କରିନାହିଁ ।