ମହାରାଷ୍ଟ୍ର ମହାନାଟକ: ‘ହାତ-ଧନୁ ଓ ଘଣ୍ଟା’, କ’ଣ ରହିଛି କ୍ଷମତା ଭାଗବଣ୍ଟା?
ତିନି ଦଳର ଶୀର୍ଷ ନେତାଙ୍କ ସହ ଏହି କାର୍ଯ୍ୟକ୍ରମ ବାବଦରେ ଚର୍ଚ୍ଚା କରିବା ପରେ ଶନିବାର ସୁଦ୍ଧା ସେମାନଙ୍କ ମତାମତ ଆସିଯିବ ଓ ନଭେମ୍ବର ୧୯ ତାରିଖ ସୁଦ୍ଧା ଏକ ଚୂଡାନ୍ତ ରୂପରେଖ ସ୍ଥିର ହେବ ବୋଲି ଅନୁମାନ କରାଯାଉଛି ।
କନକ ବ୍ୟୁରୋ: ମହାରାଷ୍ଟ୍ରରେ ରାଷ୍ଟ୍ରପତି ଶାସନ ଲାଗୁ ସତ୍ୱେ, ସରକାର ଗଠନ ପାଇଁ ଚାଲିଥିବା ପ୍ରୟାସ, ଗୁରୁବାର ନିର୍ଣ୍ଣାୟକ ସ୍ଥିତିରେ ପହଂଚିଛି । ଯେତେବେଳେ କଂଗ୍ରେସର ଦାବି ମୁତାବକ ଶିବସେନା, ଏନସିପି ଓ କଂଗ୍ରେସର ନେତାମାନେ ଏକାଠି ବସି କମନ ମିନିମମ ପ୍ରୋଗ୍ରାମ ବା ସାଧାରଣ ସର୍ବନିମ୍ନ କାର୍ଯ୍ୟକ୍ରମ ସ୍ଥିର କରିଛନ୍ତି । ତିନି ଦଳ ଭିତରେ ୪୦ ସୂତ୍ରୀ ସିପିଏମ ସ୍ଥିର ହେବା ପରେ ସରକାଗ ଗଠନ ଦିଗରେ ଏକ ବଡ ପଦକ୍ଷେପ ନିଆଯାଇଛି । ତିନି ଦଳର ଶୀର୍ଷ ନେତାଙ୍କ ସହ ଏହି କାର୍ଯ୍ୟକ୍ରମ ବାବଦରେ ଚର୍ଚ୍ଚା କରିବା ପରେ ଶନିବାର ସୁଦ୍ଧା ସେମାନଙ୍କ ମତାମତ ଆସିଯିବ ଓ ନଭେମ୍ବର ୧୯ ତାରିଖ ସୁଦ୍ଧା ଏକ ଚୂଡାନ୍ତ ରୂପରେଖ ସ୍ଥିର ହେବ ବୋଲି ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ତିନି ଦଳ ଏକାଠି ହେବାପାଇଁ ସାଧାରଣ ସର୍ବନିମ୍ନ କାର୍ଯ୍ୟସୂଚୀ ସ୍ଥିର ହେବା ପରେ କ୍ଷମତା ବଂଟନ କିଭଳି ହେବ ତାକୁ ନେଇ ଉତ୍କଣ୍ଠା ଲାଗିରହିଛି । ତେଣୁ ହେଉଥିବା ଚର୍ଚ୍ଚା ଅନୁସାରେ
କ୍ଷମତା ବଂଟନର ଫର୍ମୁଲା
– ୧୪ + ୧୪ + ୧୨ ଫର୍ମୁଲାରେ ଆଗକୁ ବଢିବେ ତିନିଦଳ
– ଅର୍ଥାତ ନୂଆ ସରକାରରେ ଶିବସେନାକୁ ମିଳିବ ୧୪ଟି ମନ୍ତ୍ରୀ ପଦ
– ସେହିପରି ଏନସିପିକୁ ୧୪ ଓ କଂଗ୍ରେସକୁ ୧୨ ମନ୍ତ୍ରୀ ପଦ ମିଳିପାରେ
– ଶିବସେନାକୁ ମୁଖ୍ୟମନ୍ତ୍ରୀ ପଦ ମିଳିବା ନେଇ ଚର୍ଚ୍ଚା
– ଏନସିପି ଓ କଂଗ୍ରେସରୁ ଜଣେ ଲେଖାଏଁ ଉପମୁଖ୍ୟମନ୍ତ୍ରୀ ସମ୍ଭାବନା
– ବିଧାନସଭାରେ ବାଚସ୍ପତି ପଦ କଂଗ୍ରେସକୁ ମିଳିପାରେ
– ଉପବାଚସ୍ପତି ପଦ ଶିବସେନାକୁ ଦେବା ନେଇ ଚର୍ଚ୍ଚା
– ଏନସିପିକୁ ମିଳିବ ବିଧାନପରିଷଦ ଅଧ୍ୟକ୍ଷ ପଦବୀ
– ଶିବସେନାକୁ ଛାଡି ଦେଇପାରନ୍ତି ବିଧାନପରିଷଦ ଉପାଧ୍ୟକ୍ଷ ପଦ
୫୬ ଆସନ ସହ ମେଂଟରେ ବଡଦଳ ହୋଇଥିବାରୁ ଶିବସେନାକୁ ମିଳିବ ମୁଖ୍ୟମନ୍ତ୍ରୀ ପଦ । ଆଉ ସଂପୂର୍ଣ୍ଣ ୫ ବର୍ଷ ପାଇଁ ମୁଖ୍ୟମନ୍ତ୍ରୀ ଆସନରେ ବସିବେ ଉଦ୍ଧବ ଠାକରେ । ଅନ୍ୟ ମେଂଟ ସହଯୋଗୀଙ୍କୁ ମିଳିପାରେ ଗୋଟିଏ ଲେଖାଏଁ ଉପମୁଖ୍ୟମନ୍ତ୍ରୀ ପଦ ।
ଏହାରି ଭିତରେ ସବୁଠୁ ଅଧିକ ଚର୍ଚ୍ଚାର ବିଶୟ ହୋଇଛି, ବିଚାରଧାରାରେ ଭିନ୍ନତା ଥାଇ ସୁଦ୍ଧା କେମିତି ଗୋଟିଏ ବିନ୍ଦୁରେ ଏକାଠି ସହମତ ହେଲେ ତିନି ଦଳ? ଏଭଳି ଆଶଙ୍କା ଉପରୁ ପରଦା ଉଠାଇଛନ୍ତି ବରିଷ୍ଠ କଂଗ୍ରେସ ନେତା ପୃଥ୍ୱୀରାଜ ଚୌହାନ । ସିପିଏମ ସ୍ଥିର କରିବା ପାଇଁ ଶିବସେନା ଓ ସହଯୋଗୀ ଦଳର ନିର୍ବାଚନୀ ଇସ୍ତାହାରକୁ ବିଚାରକୁ ନିଆଯାଇଥିଲା । ଆଗାମୀ ୫ ବର୍ଷ ପାଇଁ ରାଜ୍ୟରେ ଏକ ସ୍ଥିର ଓ ସ୍ୱଚ୍ଛ ସରକାର ଦେବାପାଇଁ ବିସ୍ତୃତ ଆକ୍ସନ ପ୍ଲାନ ପ୍ରସ୍ତୁତ ହୋଇଥିଲା ।
ତେବେ ଏମିତି କଛି ପ୍ରସଙ୍ଗ ରହିଥିଲା ଯାହାକୁ ଗ୍ରହଣ କରିବାକୁ ମଧ୍ୟ ରାଜି ହୋଇନଥିଲେ ଏନସିପି ଓ କଂଗ୍ରେସ । ଶିବସେନାର ସହମତିରେ ଏସବୁ ପ୍ରସଙ୍ଗକୁ ସିପିଏମରୁ ବାଦ ଦିଆଯାଇଛି ।
କେଉଁ ପ୍ରସଙ୍ଗରେ ସହମତି?
– ୫ ବର୍ଷ କାଳ ଶିବସେନାକୁ ମୁଖ୍ୟମନ୍ତ୍ରୀ ପଦ ମିଳିବା ନେଇ ସହମତ ହୋଇଛନ୍ତି କଂଗ୍ରେସ ଓ ଏନସିପି
– କଂଗ୍ରେସ ଓ ଏନସିପିରୁ ଉପମୁଖ୍ୟମନ୍ତ୍ରୀ ହେବା ପ୍ରସ୍ତାବରେ ମଧ୍ୟ ସମ୍ମତି ଜଣାଇଛି ଶିବସେନା
– ନୂଆ ସରକାର କ୍ଷମତାକୁ ଆସିବା ପରେ ମୁସଲମାନଙ୍କୁ ୫% ସଂରକ୍ଷଣ ପାଇଁ ଏକମତ ହୋଇଛନ୍ତି
– ତେବେ ସଭରକରଙ୍କୁ ଭାରତରତ୍ନ ପ୍ରଦାନ ନେଇ ଶିବସେନାର ପ୍ରତିଶ୍ରୁତିରେ ସହମତ ହୋଇନାହାନ୍ତି ଉଭୟ କଂଗ୍ରେସ ଓ ଏନସିପି
– ନୂଆ ମନ୍ତ୍ରିମଣ୍ଡଳର ସଦସ୍ୟ ସଂଖ୍ୟା ୪୦ ରଖିବାକୁ ଉଭୟ ପକ୍ଷ ଅର୍ଥାତ ଶିବସେନା ଓ ଏନସିପି-କଂଗ୍ରେସ ରାଜି ହୋଇଛନ୍ତି
ତିନିଦଳର ବରିଷ୍ଠ ନେତା ମିଶି ପ୍ରସ୍ତୁତ କରିଥିବା ସର୍ବନିମ୍ନ କାର୍ଯ୍ୟସୂଚୀ ସଂପର୍କିତ ଡ୍ରାଫ୍ଟ ରିପୋର୍ଟକୁ ସୋନିଆ ଗାନ୍ଧି, ଶରଦ ପାୱାର ଓ ଉଦ୍ଧବ ଠାକରେଙ୍କୁ ହସ୍ତାନ୍ତର କରାଯିବ । ଏହା ଉପରେ ସେମାନେ ତାଙ୍କ ମତାମତ ଦେବା ପରେ ରବିବାର ସୁଦ୍ଧା ଚୂଡାନ୍ତ ଡ୍ରାଫ୍ଟ ରିପୋର୍ଟ ପ୍ରସ୍ତୁତ କରାଯିବ । ଏହାପରେ ସେହି ରବିବାର ହି ଶରଦ ପାୱାରଙ୍କୁ ଭେଟି ଆଲୋଚନା କରିପାରନ୍ତି ଉଦ୍ଧବ ଠାକରେ । ଏବଂ ଦୁହେଁ ନଭେମ୍ବର ୧୯ ତାରିଥ ସୁଦ୍ଧା ଦିଲ୍ଲୀ ଯାଇ ସୋନିଆ ଗାନ୍ଧିଙ୍କୁ ଭେଟି ସରକାର ଗଠନ ପାଇଁ ଆଗାମୀ ରଣନୀତି ସ୍ଥିର କରିବେ ବୋଲି ଜଣାପଡିଛି ।