କନକ ବ୍ୟୁରୋ : ରାଜ୍ୟରେ ଗ୍ରୀଷ୍ମ ପ୍ରବାହ ଲାଗି ରହିଥିବାବେଳେ ପାନୀୟଜଳ ସମସ୍ୟା ଉତ୍କଟ ରୂପ ନେଲାଣି । ଚୁଆ ଓ ପୋଖରି ପାଣିକୁ ଲୋକେ ପାନୀୟ ଜଳ ଭାବେ ବ୍ୟବହାର କରି ବିଭିନ୍ନ ରୋଗର ଶିକାର ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗ୍ରୀଷ୍ମ ପ୍ରବାହ ଦିନକୁ ଦିନ ବୃଦ୍ଧି ପାଉଥିବା ବେଳେ ଜଳ କଷ୍ଟ ମଧ୍ୟ ଲୋକଙ୍କ ଉପରେ ଦାଉ ସାଧିଛି । କଳାହାଣ୍ଡି ଜିଲ୍ଲା କୋକସରା ବ୍ଲକର ଲଡ଼ୁଗାଁ ପଂଚାୟତବାସିନ୍ଦା ପାଣି ଟୋପେ ପାଇଁ ବହୁ ଅସୁବିଧା ଭୋଗୁଛନ୍ତି । ଗାଁର ସମସ୍ତ ନଳକୂପ ଅଚଳ ହୋଇପଡିରହିଥିବା ବେଳେ ସପ୍ତାହେ ହେବ ପାଣି ଯୋଗାଣ ବନ୍ଦ ମଧ୍ୟ ବନ୍ଦ ରହିଛି । ଫଳରେ ନଦୀ ଜଳକୁ ପାନୀୟ ଜଳ ଭାବେ ବ୍ୟବହାର କରୁଛନ୍ତି ଲୋକେ । ନଦୀ ପାଣି ପାଇଁ ଯିବାକୁ ପଡୁଛି ମାଇଲ ମାଇଲ ଦୂର । ସେପଟେ ରାସ୍ତାକାମ ପାଇଁ ନିକଟସ୍ତ ନଦୀରୁ ପାଣି ବ୍ୟବହାର କରାଯାଉଥିବା ବେଳେ ନଦୀ ତଳ ମୁଣ୍ଡାକୁ ଥିବା ଜଳ ଉତ୍ସ ବନ୍ଦ ହୋଇଯାଉଥିବା ଅଭିଯୋଗ ହେଉଛି ।
ସେହିପରି ଗଂଜାମ ଜିଲ୍ଲା ସାନଖେମୁଣ୍ଡି ବ୍ଲକ ଆମ୍ବଗାଁରେ ମଧ୍ୟ ସମାନ ଅବସ୍ଥା ଦେଖିବାକୁ ମିଳିଛି । ପିଇବା ପାଣି ନପାଇ ଲୋକେ ଚୁଆ ପାଣିକୁ ପାନୀୟ ଜଳ ଭାବେ ବ୍ୟବହାର କରୁଛନ୍ତି । ଗାଁରେ ଥିବା ଗୋଟିଏ ମାତ୍ର ନଳକୂପ ଅଧିକାଂଶ ସମୟ ଅକାମି ହୋଇ ପଡିରହୁଛି । ଫଳରେ ପାଣିମୁନ୍ଦେ ପାଇଁ ଲୋକେ ହନ୍ତସନ୍ତ ହେଉଛନ୍ତି ।
ପ୍ରତିବର୍ଷ ଖରାଦିନ ଆରମ୍ଭ ହେବା ମାତ୍ରେ ପାନୀୟ ଜଳ ପାଇଁ ଲୋକେ ବିଭିନ୍ନ ସମସ୍ୟା ଭୋଗୁଥିବା ବେଳେ ସରକାର ଏହାର ସ୍ଥାୟୀ ସମାଧାନ କରିବା ଜରୁରୀ ହୋଇପଡିଛି ।