କ୍ୟାପଟେନ୍ କୋହଲି ଏବଂ କୋଚ୍ ରବିଶାସ୍ତ୍ରୀଙ୍କୁ ସିଓଏର ନୋଟିସ ! ଟିମ ସଦସ୍ୟଙ୍କ ପତ୍ନୀ ଓ ବାନ୍ଧବୀଙ୍କ ବିଦେଶ ଗସ୍ତର ବିସ୍ତୃତ ବିବରଣୀ ଦେବାକୁ ନିର୍ଦ୍ଦେଶ ।
ଟିମ ଇଣ୍ଡିଆ ଅଧିନାୟକ ବିରାଟ କୋହଲି ଏବଂ କୋଚ୍ ରବି ଶାସ୍ତ୍ରୀଙ୍କୁ ନୋଟିସ ପଠାଇଛି ସୁପ୍ରିମକୋର୍ଟ ଦ୍ୱାରା ନିଯୁକ୍ତ କମିଟି ଅଫ ଆଡମିନିଷ୍ଟ୍ରେସନ ବା ସିଓଏ । ନୋଟିସରେ ବିଦେଶ ଗସ୍ତ ସମୟରେ ଟିମ ସଦସ୍ୟମାନଙ୍କ ପତ୍ନୀ ଓ ବାନ୍ଧବୀଙ୍କ ଗସ୍ତର ବିସ୍ତୃତ ବିବରଣୀ ମଗାଯାଇଛି । ସିଓଏର ଏହି ନିଷ୍ପତି ନା କେବଳ ବିସିସିଆଇକୁ ବିସ୍ମିତ କରିଛି ବରଂ ଜଷ୍ଟିସ ଲୋଧା ପ୍ୟାନେଲ ମଧ୍ୟ ଚକିତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ପୂର୍ବତନ ଚିଫ ଜଷ୍ଟିସ ଆରଏମ ଲୋଧା କହିଛନ୍ତି, ଏବେ ଏହି ମାମଲାର ନିଷ୍ପତି ବୋର୍ଡର ଲୋକପାଳ ଡିକେ ଜୈନ ନେବା ଠିକ ହେବ । ଜଷ୍ଟିସ ଲୋଧା କମିସନଙ୍କ ପ୍ରସ୍ତାବିତ ନୂଆ ସମ୍ବିଧାନ ବିରୋଧୀ ପଦକ୍ଷେପକୁ ଲୋକପାଳ ରୋକିବା ଉଚିତ । ସେପଟେ ବିସିସିଆଇ ଅଧିକାରୀ କହିଛନ୍ତି, ବିଦେଶ ଗସ୍ତରେ ଟିମ୍ ଇଣ୍ଡିଆର ସଦସ୍ୟ ପ୍ରେମିକା ଓ ପତ୍ନୀଙ୍କୁ ସାଥିରେ ନେବା ଦଳ ପାଇଁ କ୍ଷତିକାରକ ସାବ୍ୟସ୍ତ ହୋଇଛି । ଟିମ ଇଣ୍ଡିଆର ୱେଷ୍ଟଇଣ୍ଡିଜ ଗସ୍ତ ପୂର୍ବରୁ ଏହି ବିବାଦ ଉଠିଛି । ବିଶ୍ୱକପ ସେମିଫାଇନାଲରେ ଭାରତର ପରାଜୟ ପରେ ୱେଷ୍ଟଇଣ୍ଡିଜ ଗସ୍ତ ପାଇଁ ଆସନ୍ତାକାଲି ଖେଳାଳି ଚୟନ କରାଯିବ ।