କନକ ବ୍ୟୁରୋ : ପାଣି ପାଇଁ ରାଜରାସ୍ତାରେ ଗ୍ରାମବାସୀ । କନ୍ଧମାଳ ଜିଲ୍ଲା ଆଲାମୀ ପଂଚାୟତର ରୁଜାଙ୍ଗି ଗାଁରେ ସୃଷ୍ଟି ହୋଇଛି ଏଭଳି ପରିସ୍ଥିତି । ଗରା,ବାଲ୍ଟି ଧରି ଫୁଲବାଣି–ବ୍ରହ୍ମପୁର ରାଜପଥ ଅବରୋଧ କରିଛନ୍ତି ଶତାଧିକ ମହିଳା । ଖରା ବଢିବା ସାଙ୍ଗକୁ ସ୍ଥାନୀୟ ଅଂଚଳରେ ଜଳକଷ୍ଟ ବି ବଢିବାରେ ଲାଗିଛି । ପିଇବା ପାଣି ଟୋପେ ପାଇଁ ଡହଳ ବିକଳ ହେଉଛନ୍ତି ଲୋକେ । ଗତ ତିନି ଚାରି ଦିନ ହେବ ପାଣି ନଆସିବାରୁ ଅସନ୍ତୋଷ ବୃଦ୍ଧି ପାଇ ଆନ୍ଦୋଳନର ରୂପ ନେଇଛି ।
Kanak News is now on WhatsApp
Join and get latest news updates delivered to you via WhatsApp
ରୁଜାଙ୍ଗି ଅଂଚଳରେ ଅନ୍ୟ କୌଣସି ସୁବିଧା ନଥିବାରୁ ପ୍ରଶାସନ ପକ୍ଷରୁ ତୁରନ୍ତ ପାନୀୟ ଜଳ ଯୋଗାଇ ଦେବା ପାଇଁ ଦାବି କରିଛନ୍ତି ଗ୍ରାମବାସୀ । ଦାବି ପୂରଣ ନହେଲେ ଆଗାମୀ ଦିନରେ ଆନ୍ଦୋଳନକୁ ଜୋରଦାର କରାଯିବ ବୋଲି ସେମାନେ ଚେତାବନୀ ଦେଇଛନ୍ତି । ତେବେ ଘଟଣାସ୍ଥଳରେ ପୋଲିସ ପହଂଚି ଗ୍ରାମବାସୀଙ୍କୁ ବୁଝାଇବା ପରେ ରାସ୍ତା ଅବରୋଧ ହଟିଛି । ହେଲେ ଗ୍ରାମ୍ୟ ଜଳଯୋଗାଣ ବିଭାଗର କୌଣସି ଅଧିକାରୀ କିମ୍ବା କର୍ମଚାରୀ ଘଟଣାସ୍ଥଳରେ ପହଂଚି ନଥିବା ସୂଚନା ମିଳିଛି ।
ଏହା ସହ ଦେଖନ୍ତୁ ଏହି ଭିଡିଓ –