କନକ ବ୍ୟୁରୋ : ଛାତ୍ରଛାତ୍ରୀଙ୍କ ରେଜଲ୍ଟ ବାହାରିବା ପୂର୍ବରୁ ମାର୍କ ଭାଇରାଲ ହେଉଛି ସୋସିଆଲ ମିଡିଆରେ । ଏଭଳି ସଂଗୀନ ଅଭିଯୋଗ ଆସିଛି ଉତ୍କଳ ବିଶ୍ୱବିଦ୍ୟାଳୟର ସାଇକଲୋଜି ବିଭାଗର ସହାୟକ ପ୍ରଫେସର ମହେଶ୍ୱର ଶତପଥୀଙ୍କ ନାଁରେ । ବିଭିନ୍ନ ଘଟଣାରେ ସବୁବେଳେ ଚର୍ଚ୍ଚାରେ ଥିବା ଉତ୍କଳ ବିଶ୍ୱବିଦ୍ୟାଳୟ ଏବେ ପ୍ରଫେସରଙ୍କ କାରନାମାକୁ ନେଇ ଚର୍ଚ୍ଚାରେ ।
Kanak News is now on WhatsApp
Join and get latest news updates delivered to you via WhatsApp
ଏନେଇ ପିଜି କାଉନସିଲ ଅଧ୍ୟକ୍ଷ ରଞ୍ଜନ ବଳ ସଂପୃକ୍ତ ପ୍ରଫେସରଙ୍କୁ କାରଣ ଦର୍ଶାଅ ନୋଟିସ ମଧ୍ୟ ଜାରି କରିଛନ୍ତି । ସାତ ଦିନ ମଧ୍ୟରେ ପ୍ରଫେସର ଶତପଥୀଙ୍କଠୁ ଜବାବ ମଗାଯାଇଛି । ତେବେ କେବଳ ଛାତ୍ରଛାତ୍ରୀଙ୍କ ରେଜଲ୍ଟ ପୋଷ୍ଟ କରିବା ନୁହେଁ ନିଜ ସହଯୋଗୀ ପ୍ରଫେସରଙ୍କ ବିରୋଧରେ ଫେସବୁକରେ ଲେଖିବା ଅଭିଯୋଗ ମଧ୍ୟ ଆସିଛି ପ୍ରଫେସରଙ୍କ ବିରୁଦ୍ଧରେ । ଏପଟେ ସମସ୍ତ ଘଟଣାକୁ ଖଣ୍ଡନ କରିଛନ୍ତି ପ୍ରଫେସର ମହେଶ୍ୱର ଶତପଥୀ ।