କନକ ବ୍ୟୁରୋ: ହିଜବୁଲକୁ ଆତଙ୍କବାଦୀ ସଂଗଠନ ଘୋଷଣା କଲା ଆମେରିକା । ଜମ୍ମୁ-କଶ୍ମୀରରେ ଆତଙ୍କବାଦ ଚଳାଇଥିବା ହିଜବୁଲ ମୁଜାହିଦ୍ଦିନକୁ ବିଦେଶୀ ଆତଙ୍କବାଦୀ ସଙ୍ଗଠନ ଘୋଷଣା କରିଛି ଟ୍ରମ୍ପ ପ୍ରଶାସନ ।

Advertisment

ଇମିଗ୍ରେସନ୍ ଆଣ୍ଡ୍ ନ୍ୟାସନାଲିଟି ଆକ୍ଟ ଧାରା ୨୧୯ ଏବଂ ଏକଜିକ୍ୟୁଟିଭ୍ ଅର୍ଡର-୧୩ ହଜାର ୨୨୪ ଅନୁଯାୟୀ ହିଜବୁଲ ମୁଜାହିଦ୍ଦିନକୁ ଡିଜାଇନେଟେଡ୍ ଗ୍ଲୋବାଲ ଟେରରିଷ୍ଟ ବା ଏସଡିଜିଟି ଘୋଷଣା କରିଛି ଆମେରିକା ବିଦେଶ ବିଭାଗ ।

ଆମେରିକାରେ ହିଜବୁଲ ମୁଜାହିଦ୍ଦିନର ସମସ୍ତ ସଂପତି ବାଜ୍ୟାପ୍ତି କରିବା ସହ ଏହି ଆତଙ୍କୀ ସଂଗଠନର ଗତିବିଧି ଉପରେ କଟକଣା ଲାଗୁ ହୋଇଛି । ଏହା ସହ ଏହି ସଂଗଠନ ସହ କେହି କୌଣସି ଉପାୟରେ ସଂପୃକ୍ତ ହୋଇପାରିବେନି ବୋଲି କଡ଼ା ନିର୍ଦ୍ଦେଶ ଦିଆଯାଇଛି ।