ବର୍ଷା କାରଣରୁ ପରୀକ୍ଷା ଦେଇପାରିନଥିବା ଛାତ୍ରଛାତ୍ରୀଙ୍କୁ ମିଳିବ ଆଉ ଏକ ସୁଯୋଗ ! ଜାଣନ୍ତୁ କେଉଁଠି ହେଲା ଏପରି ବ୍ୟବସ୍ଥା ।
ମୁମ୍ବାଇରେ ହେଉଥିବା ପ୍ରବଲ ବର୍ଷା କାରଣରୁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଲୋକମାନେ ଘରୁ ବାହାରକୁ ବାହାରି ପାରୁନାହାଁନ୍ତି । ପିଲାମାନେ ସ୍କୁଲ କଲେଜ ଯାଇପାରୁ ନାହାଁନ୍ତି । ଏଥି ମଧ୍ୟରେ କିଛିଦିନ ତଳେ ମୁମ୍ବାଇ ବିଶ୍ୱବିଦ୍ୟାଳୟରେ ପରୀକ୍ଷା ଆରମ୍ଭ ହୋଇଥିଲା । କିନ୍ତୁ ଭାରି ବର୍ଷା କାରଣରୁ କିଛି ଛାତ୍ରଛାତ୍ରୀ ପରୀକ୍ଷା ଦେବାକୁ ଆସିପାରି ନଥିଲେ । ତେଣୁ ଯେଉଁ ଛାତ୍ରଛାତ୍ରୀ ବର୍ଷା କାରଣରୁ ପରୀକ୍ଷା ଦେବାକୁ ଆସିପାରି ନାହାଁନ୍ତି ସେମାନଙ୍କୁ ବିଶ୍ୱବିଦ୍ୟାଳୟ ଆଉ ଏକ ସୁଯୋଗ ପ୍ରଦାନ କରିଛି ।
Kanak News is now on WhatsApp
Join and get latest news updates delivered to you via WhatsApp
ମୁମ୍ବାଇର ଉପନଗର ଅନେ୍ଧରୀରେ ଭାରି ବର୍ଷା କାରଣରୁ ଗତ ମଙ୍ଗଳବାର ସକାଳେ ଓଭର ବ୍ରିଜର ଏକ ଅଂଶ ରୋଡ ଉପରେ ଭାଙ୍ଗି ଖସିପଡିଥିଲା । ଏହି କାରଣରୁ ମୁମ୍ବାଇରେ ଜାତାୟତ ଏକ ପ୍ରକାର ବନ୍ଦ ହୋଇଯାଇଥିଲା । କେବଳ ସେତିକି ନୁହେଁ ଭାରି ବର୍ଷା କାରଣରୁ ରାସ୍ତାରେ ଅତ୍ୟଧିକ ପାଣି ଜମା ହୋଇଯାଇଥିବାରୁ ଟ୍ରେନ ,ବସ ଆଦିର ଯିବାଆସିବା ସମ୍ପୁର୍ଣ୍ଣ ଭାବେ ବନ୍ଦ ହୋଇଯାଇଥିଲା ଏବଂ ଅନେକ ଯାଗାରେ ବହୁ କ୍ଷୟ କ୍ଷତି ମଧ୍ୟ ହୋଇଥିଲା ।
ବିଏମସିର କହିବା ଅନୁସାରେ, ଭାରି ବର୍ଷା କାରଣରୁ ଅନେକ ସ୍ଥାନରେ ବହୁ କ୍ଷୟକ୍ଷତି ହୋଇଛି । ଡ୍ରେନରେ ଅଳିଆ ଜମିବା କାରଣରୁ ପାଣି ରାସ୍ତା ଉପରେ ଜମା ହୋଇ ରହିଛି । ଯାହା ଫଳରେ ଯାତାୟତରେ ବାଧା ସୃଷ୍ଟି ହୋଇଛି ।
ମୁମ୍ବାଇର ଏପରି ପରିସ୍ଥିତି ପାଇଁ ବହୁ ଧନଜୀବନ ନଷ୍ଟ ହୋଇଛି । ଯାହା ଫଳରେ ଛାତ୍ରଛାତ୍ରୀ ମାନେ କଲେଜ ଯାଇପାରୁ ନାହାଁନ୍ତି । ଗତ କିଛି ଦିନ ତଳେ ବର୍ଷା କାରଣରୁ ମୁମ୍ବାଇ ବିଶ୍ୱବିଦ୍ୟାଳୟରେ ଚାଲିଥିବା ପରୀକ୍ଷାରେ ମଧ୍ୟ ଅନେକ ଛାତ୍ରଛାତ୍ରୀ ପହଞ୍ଚି ପାରିନଥିଲେ । ଯାହା ଫଳରେ ବାଧ୍ୟ ହୋଇ ପରୀକ୍ଷାକୁ ଘୁଞ୍ଚାଇ ଅନ୍ୟ ଏକ ତାରିଖରେ ପରୀକ୍ଷା କରାଯିବ ବୋଲି ନିର୍ଦ୍ଦେଶ ଦେଇଛି ବିଶ୍ୱବିଦ୍ୟାଳୟ ।