ଖେଲୋ ଇଣ୍ଡିଆରେ ଖେଳିବେ ୨ ଓଡ଼ିଆ । ପ୍ରଥମଥର ପାଇଁ ଭାଗନେବେ ଆନ୍ତର୍ଜାତୀୟ ସାଇକିଲିଷ୍ଟ ଦିନେଶ ଓ ସ୍ୱସ୍ତି । ପ୍ରତିଯୋଗିତା ପୂର୍ବରୁ ପ୍ରଶଂସକଙ୍କ ଶୁଭେଚ୍ଛା
କନକ ବ୍ୟୁରୋ: ପ୍ରଥମ ଥର ପାଇଁ ଖେଲୋ ଇଣ୍ଡିଆରେ ଭାଗନେବେ ଓଡିଶାର ୨ ଆନ୍ତର୍ଜାତୀୟ ସାଇକିଲିଷ୍ଟ । ଏବେ ଆସାମର ଗୌହାଟୀରେ ଖେଲୋ ଇଣ୍ଡିଆ ୟୁଥ ଗେମ୍ସର ତୃତୀୟ ସଂସ୍କରଣ ପ୍ରତିଯୋଗିତା ଖେଳାଯାଉଛି । ଯେଉଁଥିରେ ୧୬ଟି କ୍ରିଡା ପ୍ରତିଯୋଗିତା ରହିଛି । ପ୍ରଥମ ଥର ପାଇଁ ଓଡିଶା ତଥା ରାଉରକେଲାର ୨ ଆନ୍ତର୍ଜାତୀୟ ସାଇକିଷ୍ଟ ଦିନେଶ କୁମାର ଓ ସ୍ୱସ୍ତି ସିଂହ ଏହି ପ୍ରତିଯୋଗିତାରେ ଭାଗ ନେବାକୁ ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଦିନେଶ କୁମାର ୨୦୧୮ ଜାନୁଆରୀରେ ଆମେରିକାର ବାହମସରେ ହୋଇଥିବା ବିଶ୍ୱ ସାଇକିଲିଂ ପ୍ରତିଯୋଗିତାରେ ୧୮ ବର୍ଷରୁ କମ ବର୍ଗରେ ଇଣ୍ଡିଭିଜୁଆଲ ପର୍ଶୁଟରେ ବ୍ରୋଞ୍ଜ ପଦକ ହାସଲ କରିଥିଲେ । ୨୦୧୮ରେ ଏସିଆନ ସାଇକିଲିଂ ଚାମ୍ପିଅନସିପରେ ୨ କିଲୋମିଟର ଇଣ୍ଡିଭିଜୁଆଲ ପର୍ଶୁଟ ଓ ମାଷ୍ଟର୍ଡ ପ୍ରତିଯୋଗିତାରେ ସେ ରୌପ୍ୟ ଓ କାଂଶ୍ୟ ପଦକ ହାସଲ କରିଥିଲେ ।
ସେହିପରି ସ୍ୱସ୍ତି ସିଂହ ୧୭ବର୍ଷରୁ କମ ବୟସ ବର୍ଗରେ ୨୦୧୮ ମସିହାରେ ଦିଲ୍ଲୀରେ ଆୟୋଜିତ ଟ୍ରାକ ଏସିଆ ସାଇକିଲିଂ ଚାମ୍ପିଅନସିପରେ ୨ କିଲୋମିଟର ଇଣ୍ଡିଭିଜୁଆଲ ଓ ୬ କିଲୋମିଟର ସ୍କ୍ରଚ ପ୍ରତିଯୋଗିତାରେ ସ୍ୱର୍ଣ୍ଣ ଓ କାଂସ୍ୟ ଆଣିଥିଲେ । ୨୦୧୮ ଏସିଆନ ଚାମ୍ପିଅନସିପରେ ୩ କିଲୋମିଟର ଇଣ୍ଡିଭିଜୁଆଲ ପର୍ଶୁଟରେ ସେ କାଂସ୍ୟ ପଦକ ହାସଲ କରିଥିଲେ । ପ୍ରଥମ ଥର ପାଇଁ ଖେଲୋ ଇଣ୍ଡିଆରେ ଭାଗ ନେଉଥିବାରୁ ଉଭୟ ଖେଳାଳି ମେଡାଲ ପାଇବା ପାଇଁ ଆଶାବାଦୀ ଅଛନ୍ତି । ଉଭୟଙ୍କ କୋଚ ଆନ୍ତର୍ଜାତୀକ ସାଇକିଲଷ୍ଟ ସୁଶୀଲ କୁମାର ଦାସ ମଧ୍ୟ ଏହି ଦୁଇ ଖେଳାଳିଙ୍କ ସଫଳତା କାମନା କରିଛନ୍ତି ।