ଆସୁଛି ସ୍ୱାଧୀନତା ଦିବସ ! ଅଗଷ୍ଟ ୧୫ ପୂର୍ବରୁ ଆପଣଙ୍କ ଘରେ ପହଞ୍ଚିବ ନିଶୁଳ୍କ ତ୍ରିରଙ୍ଗା, କରନ୍ତୁ କିଛି ଏଭଳି କାମ ।
ଆଗକୁ ଆସୁଛି ସ୍ୱାଧୀନତା ଦିବସ । ଅଗଷ୍ଟ ୧୫ ତାରିଖ ପୂର୍ବରୁ ଭାରତୀୟ ଜନତା ପାର୍ଟିର ନେତା ସି,ଆର.ପାଟିଲ ତ୍ରିରଙ୍ଗା ଅଭିଯାନ ଆରମ୍ଭ କରିଛନ୍ତି । ଏହି ଅଭିଯାନ ଅନୁଯାୟୀ, ଅଗଷ୍ଟ ୧୫ ତାରିଖ ପୂର୍ବରୁ ଆପଣଙ୍କ ଘରେ ନିଶୁଳ୍କ ତ୍ରିରଙ୍ଗା ପହଞ୍ଚାଇ ଦିଆଯିବ । ଏହି ଅଭିଯାନର ନାମ ‘ହର ଘର ତ୍ରିରଙ୍ଗା, ହର ଗାଓଁ ତ୍ରିରଙ୍ଗା’ ରଖାଯାଇଛି । ଯାହାର ମୁଖ୍ୟ ଉଦ୍ଦେଶ୍ୟ ହେଉଛି ଦେଶର କୋଣ ଅନୁକୋଣରେ ତ୍ରିରଙ୍ଗା ପହଞ୍ଚାଇବା । ଯେଉଁଥିରେ ଦେଶର ପ୍ରତିଟି ନାଗରିକ ଗର୍ବର ସହ ଅଗଷ୍ଟ ୧୫ ତାରିଖ ଦିନ ପତକା ଉଡାଇ ପାରିବେ ।
Kanak News is now on WhatsApp
Join and get latest news updates delivered to you via WhatsApp
ନିଶୁଳ୍କ ତ୍ରିରଙ୍ଗା ପାଇବା ପାଇଁ ଆପଣଙ୍କୁ କେବଳ କ୍ରେପ୍ଟିଲ ଡଟ୍ କମ୍ ୱେବସାଇଟରେ ଯାଇ ରେଜିଷ୍ଟର କରିବା ପାଇଁ ପଡିବ । ଏହି ଅଭିଯାନ ବାବଦରେ ସୂଚନା ଦେବା ସହ ବିହାରର ବିଜେପି ରାଜ୍ୟ ସହ ପ୍ରଭାରୀ ସି.ଆର. ପାଟିଲ ଟ୍ୱିଟ କରି କହିଛନ୍ତି ଯେ, ଅଳ୍ପ ଦିନରେ ଆପଣଙ୍କ ଏବଂ ଆମ ସମସ୍ତଙ୍କର ତ୍ରିରଙ୍ଗା ଆପଣଙ୍କ ପାଖରେ ପହଞ୍ଚିଯିବ । ୧୫ ଅଗଷ୍ଟ ପୂର୍ବରୁ ସମସ୍ତଙ୍କ ପାଖରେ ତ୍ରିରଙ୍ଗା ରହିଥିବ ।
ନିଶୁଳ୍କ ତ୍ରିରଙ୍ଗା ପାଇବା ପାଇଁ ପ୍ରଥମେ ଆପଣଙ୍କୁ ୱେବସାଇଟକୁ ଯିବାକୁ ହେବ । ୱେବସାଇଟରେ ଯିବା ପରେ ସେଠାରେ ଆପଣଙ୍କୁ ଏକ ଫର୍ମ ଦେଖାଯିବ, ଯେଉଁଥିରେ ଆପଣଙ୍କୁ ଆପଣଙ୍କ ନାମ, ଘରର ଠିକଣା, ରାଜ୍ୟ, ଦେଶ, ମୋବାଇଲ୍ ନମ୍ବର ଭଳି କେତେକ ସୂଚନା ଦେବାକୁ ହେବ । ଏହା ପରେ ଆପଣଙ୍କୁ ଫର୍ମକୁ ସବମିଟ୍ କରିବାକୁ ହେବ । ଫର୍ମ ସବମିଟ୍ ହେବା ପରେ ଆପଣଙ୍କ ଘରେ ନିଶୁଳ୍କ ତ୍ରିରଙ୍ଗା ପହଞ୍ଚିଯିବ ।