ସାବଧାନ ! କେତେଥର ଭାଙ୍ଗୁଛନ୍ତି ଟ୍ରାଫିକ ନିୟମ ? ଆପ ଦ୍ୱାରା ଜାଣିବ ଟ୍ରାଫିକ ପୋଲିସ, ହୋଇପାରେ ଲାଇସେନ୍ସ ରଦ୍ଦ।
ଗାଡି ଚାଳକ ମାନେ ଏଣିକି ଟ୍ରାଫିକ ନିୟମ ଭାଙ୍ଗି ପାରିବେ ନାହିଁ । ଯଦି ଭାଙ୍ଗିବେ ତେବେ ଚାଳକଙ୍କ ଲାଇସେନ୍ସ ରଦ୍ଦ କରାଯିବ । ଗାଡି ଚାଳକ ମାନେ କେତେଥର ଟ୍ରାଫିକ ନିୟମ ଭାଙ୍ଗିଛନ୍ତି ତାହା ଜଣିବା ପାଇଁ ପୁଲିସକୁ ଏବେ ଚାଳକଙ୍କ ଦସ୍ତାବିଜ ଖୋଜିବାକୁ ପଡିବ ନାହିଁ । ମୋବାଇଲ ଆପ ଜରିଆରେ ଜଣାପଡିବ ଚାଳକ କେତେଥର ଟ୍ରାଫିକ ସିଗ୍ନାଲକୁ ଉଲଙ୍ଘନ କରିଛନ୍ତି । ପ୍ରତ୍ୟେକ ଟ୍ରାଫିକ ପୋଲିସ ମାନଙ୍କ ମୋବାଇଲରେ ଏହି ଆପ ଉପଲବ୍ଧ ରହିବ । ଏହି ଆପରେ ପ୍ରତ୍ୟେକଟି ଗାଡିର ତଥ୍ୟ ଉପଲବ୍ଧି କରାଯିବ । ଗାଡି ଚାଳକ ମାନେ ଜେତେଥର ଟ୍ରାଫିକ ନିୟମ ଭଙ୍ଗ କରିବେ ସେତେ ଥର ଏଥିରେ ସବୁ ଅପଡେଟ ହୋଇ ରହିବ ।
Kanak News is now on WhatsApp
Join and get latest news updates delivered to you via WhatsApp
ଜାମ୍ମୁ କାଶ୍ମୀର ଟ୍ରାଫିକ ପୋଲିସ ନିୟମ ଉଲେଙ୍ଘନ କରୁଥିବା ଚାଳକମାନଙ୍କୁ ଧରିବା ପାଇଁ ଏକ ଭିନ୍ନ ଆପ ତିଆରି କରୁଛି । ଏହି ଆପରେ ପ୍ରତ୍ୟେକଟି ଗାଡିର ତଥ୍ୟ ଥିବା କାରଣରୁ ଗାଡିର ନମ୍ବର ଏହି ଆପରେ ଫିଡିଙ୍ଗ କରିବା ମାତ୍ରେ ଚାଳକଙ୍କ ସମସ୍ତ ତଥ୍ୟ ସାମ୍ନାକୁ ଆସିଯିବ । ଚାଳକ କେତେଥର ଟ୍ରାଫିକ ନିୟମ ଉଲଙ୍ଘନ କରିଛି, କେଉଁଠି କରିଛି, କେଉଁ କାରଣରୁ କରିଛି ଏବଂ ଏହା ଉପରେ କଣ କାର୍ଯ୍ୟାନୁଷ୍ଠାନ ନିଆଯାଇଛି ଏପରି ସମସ୍ତ ତଥ୍ୟ ସମ୍ନାକୁ ଆସିଯିବ । ଯଦି କୌଣସି ଚାଳକ ତିନିଥରରୁ ଅଧିକ ଟ୍ରାଫିକ ନିୟମ ଭଙ୍ଗ କରିଥିବ ତେବେ ତାଙ୍କର ଲାଇସେନ୍ସ ରଦ୍ଦ କରାଯିବ କିମ୍ବା ତାଙ୍କ ଲାଇସେନ୍ସ ରଦ୍ଧ କରିବା ପାଇଁ ଆରଟିଓକୁ ନିବେଦନ କରାଯିବ ।
ଏସଏସପି ଟ୍ରାଫିକ ଜୋଗେନ୍ଦରଙ୍କ ସିଂହଙ୍କ କହିବା ଅନୁସାରେ, ସଡକ ଦୁର୍ଘଟଣାରେ ହେଉଥିବା ମୃତ୍ୟୁର ପ୍ରମୁଖ କାରଣ ହେଉଛି ହେଲମେଟ ନପିନ୍ଧି ଗାଡି ଚଲାଇବା ଏବଂ ସିଟ ବେଲ୍ଟର ବ୍ୟବହାର ନକରିବା । ବିନା ହେଲମେଟ କିମ୍ବା ସିଟବେଲ୍ଟ ବ୍ୟବହାର ନକରି ଗାଡି ଚଲାଉଥିବା ବେଳେ ଯଦି କଣସି ଚାଳକ ଟ୍ରାଫିକରେ ଧରା ପଡେ ତେବେ ଟଙ୍କା ଦେଇ ଚାଲାଣ କାଟି ପଳାଇଥାନ୍ତି । ବାରମ୍ବାର ଚାଲାଣ କାଟିବା ପରେ ମଧ୍ୟ ଲୋକମାନେ ସଧୁରିନଥାନ୍ତି । କିନ୍ତୁ ଏବେ ଚାଳକଙ୍କ କୌଣସ ଚାଲାଣ କଟାଯିବ ନାହିଁ । ଟ୍ରାଫିକ ନିୟମ ଭଙ୍ଗ କଲେ ସିଧାସଳଖ ଲାଇସେନ୍ସକୁ ରଦ୍ଦ କରିଦିଆଯିବ ।
ରାଜ୍ୟରେ ୧୫ ଲକ୍ଷ ବାହାନ ପଞ୍ଜିକୃତ
ଏହି ଆପରେ ପ୍ରାୟ ୧୫ଲକ୍ଷରୁ ଅଧିକ ବାହନ ପଞ୍ଜିକୃତ କରାଯାଇଛି । ସେଥିମଧ୍ୟରୁ ୧ ଲକ୍ଷ ବ୍ୟବସାୟୀକ ବାହନ ରହିଛି । ଗତ ତିନିମାସ ହେବ ଏହି ପ୍ରକ୍ରିୟା ଆରମ୍ବ ହୋଇଛି କିନ୍ତୁ ଆଶା କରାଯାଉଛି ଆଉ ତିନିମାସ ମଧ୍ୟରେ ଏହା ସମ୍ପୁର୍ଣ୍ଣ ଭାବେ କାର୍ଯ୍ୟକାରୀ ହୋଇଯିବ ।