କନକ ବ୍ୟୁରୋ : ଆସନ୍ତା ଡିସେମ୍ବର ମାସ ୨୨ ତାରିଖରେ କଟକ ବାରବାଟୀ ଷ୍ଟାଡିୟମରେ ଖେଳାଯିବ ଭାରତ ୱେଷ୍ଟଇଣ୍ଡିଜ ଦିନିକିଆ ମ୍ୟାଚ୍ । ଏନେଇ ଆଜି ସାମ୍ବାଦିକ ସମ୍ମିଳନୀରେ ବିସ୍ତୃତ ସୂଚନା ଦେଇଛି ଓଡିଶା କ୍ରିକେଟ୍ ଆସୋସିଏସନ୍ । ଏହି ହାଇଭୋଲଟେଜ୍ ମ୍ୟାଚ୍ ପାଇଁ ଅନଲାଇନ୍ ଟିକେଟ୍ ବୁକି ପ୍ରକ୍ରିୟା ଶେଷ ହୋଇଥିବା ବେଳେ ଆଉ କିଛି ଦିନ ପରେ ଅଫଲାଇନରେ ଟିକେଟ୍ କିଣିପାରିବେ ଦର୍ଶକ ।
Kanak News is now on WhatsApp
Join and get latest news updates delivered to you via WhatsApp
ତେବେ ଟିକେଟ୍ କିଣିବା ପାଇଁ କ୍ରୀଡାପ୍ରେମୀଙ୍କ ଭିଡକୁ ନଜରରେ ରଖି ଟିକେଟ୍ ପାଇଁ ୧୨ଟି କାଉଣ୍ଟର କରାଯିବ ବୋଲି କହିଛି ଓଡିଶା କ୍ରିକେଟ୍ ଆସୋସିଏସନ୍ । ତେବେ ଯେଉଁମାନେ ଟିକେଟ୍ କିଣିବେ ସେମାନଙ୍କୁ ନିଜର ପରିଚୟ ପତ୍ର ଦେଖାଇବାକୁ ହେବ । ଆଉ ଜଣେ ବ୍ୟକ୍ତି ସର୍ବାଧିକ ୨ଟି ଟିକେଟ୍ ନେଇପାରିବେ । ଏହା ସହ ପ୍ରତି ଗ୍ୟାଲେରୀରେ ହେଲ୍ପ ଡେସ୍କ ରଖିବା ନେଇ ସୂଚନା ଦେଇଛି ଓସିଏ ।