ଗାଈଙ୍କୁ ବିଷାକ୍ତ ଇଂଜେକ୍ସନ୍ ଦେବା ଘଟଣା ! ପ୍ରଦୀପ ମହାରଥୀ, ଦାମ ରାଉତ ଓ ବିଷ୍ଣୁପଦ ସେଠୀଙ୍କ ବିରୋଧରେ ବିଜେପିର ଏତଲା
କନକ ବ୍ୟୁରୋ : ଗୋରୁଗାଈଙ୍କୁ ବିଷାକ୍ତ ଇଞ୍ଜେକସନ୍ ଦେବା ଘଟଣାରେ କ୍ୟାପିଟାଲ୍ ଥାନାରେ ଅଭିଯୋଗ କରିଛି ବିଜେପି କୃଷକ ମୋର୍ଚ୍ଚା । ମନ୍ତ୍ରୀ ପ୍ରଦୀପ ମହାରଥୀ, ଦାମ ରାଉତ ଓ ପଶୁସମ୍ପଦ ସଚିବ ବିଷ୍ଣୁପଦ ସେଠୀଙ୍କ ନାଁରେ ଏହି ଅଭିଯୋଗ ହୋଇଛି । ବିଜେପି ଉପସଭାପତି ସମୀର ମହାନ୍ତି ଇଞ୍ଜେକସନ୍ ବିଷ କି ନୁହେଁ ତାହା ମନ୍ତ୍ରୀ ଦାମୋଦର ରାଉତ ସ୍ପଷ୍ଟ କରିନ୍ତୁ ବୋଲି ଦାବି କରିଛନ୍ତି । ସେ କହିଛନ୍ତି, ପଶୁଡାକ୍ତର ହିସାବରେ ତାଙ୍କର ଗଭୀର ଜ୍ଞାନ ଥିବ । ତେଣୁ ଏହାର ତଦନ୍ତ ରିପୋର୍ଟକୁ ଯଥାଶୀଘ୍ର ସାର୍ବଜନୀନ କରିବାକୁ ସେ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଗାଇଗୋରୁଙ୍କ ବିଷାକ୍ତ ଇଂଜେକ୍ସନ ଦେବା ଘଟଣାରେ ବିଜେପିର ଅଭିଯୋଗ ଉପରେ ପ୍ରତିକ୍ରିୟା ରଖିଛନ୍ତି କୃଷିମନ୍ତ୍ରୀ ଦାମୋଦର ରାଉତ । କହିଛନ୍ତି, ନକଲି ସମ୍ବାଦକୁ ନେଇ ବିଜେପି ମୁଖପାତ୍ର ଏଭଳି ଅଭିଯୋଗ ଆଣିବା ନିନ୍ଦନୀୟ । ସେ ଏହା ବି କହିଛନ୍ତି ଯେ, ତାଙ୍କ ଇସ୍ତଫା ମାଗୁଥିବା ବିଜେପି ମୁଖପାତ୍ର ଜାଣିବା କଥା ଯେ, ସେ ଜଣେ ପଶୁ ଡାକ୍ତର, ତାଙ୍କ ସେଭଳି ମାନସିକତା ନାହିଁ ବୋଲି କହିଛନ୍ତି ଡାକ୍ତର ଦାମୋଦର ରାଉତ । ସୋସିଆଲ ମିଡିଆରେ ଅଭିଯୋଗ ଆଣିଥିବା ପ୍ରାଣୀଧନ ନିରୀକ୍ଷକ ନିର୍ଦ୍ଦାରିତ ସମୟ ଭିତରେ କାର୍ଯ୍ୟ ସଠିକ୍ ଭାବେ ତୁଲାଇ ନାହାନ୍ତି, ଏନେଇ ନିର୍ଦେଶକ ତାଙ୍କୁ କୈଫତ ମାଗିବାରୁ ସେ ସରକାରଙ୍କ ବିରୋଧରେ ସୋସିଆଲ୍ ମିଡିଆରେ ଭିଡିଓ ଭାଇରାଲ କରିଛନ୍ତି ।
ଗତ ୭ ତାରିଖରେ ଗାଈଙ୍କୁ ବିଷାକ୍ତ ଇଞ୍ଜେକସନ୍ ଦିଆଯାଇଛି ବୋଲି କହିଥିଲେ ପ୍ରାଣୀଧନ ନିରୀକ୍ଷକ ପବିତ୍ର ମୋହନ୍ । ଗାଈଗୋରୁଙ୍କ ଥେଲେରିଆ ରୋଗ ନିରାକରଣ ପାଇଁ ଏହି ଇଞ୍ଜେକସନ ଦିଆଯାଇଛି ବୋଲି ସେ କହିଥିଲେ । ପୁରୀର ପ୍ରାଣୀଧନ ଚିକିତ୍ସକ ପବିତ୍ର ମୋହନ୍ ନିଜେ ଏହାର ଖୁଲାସା କରି ସୋସିଆଲ୍ ମିଡିଆରେ ଏହାକୁ ଅପଲୋଡ୍ ମଧ୍ୟ କରିଛନ୍ତି । କହିଛନ୍ତି, ଏହି ଘଟଣା ପାଇଁ ମନ୍ତ୍ରୀ ପ୍ରଦୀପ ମହାରଥୀ ଓ ବିଷ୍ଣୁପଦ ସେଠୀ ଦାୟୀ । ସରକାର ଇଂଜେକ୍ସନ ବିକ୍ରି କରିବାକୁ ବାଧ୍ୟ କରିଥିବା ସେ କହିଛନ୍ତି ।
ପବିତ୍ର ମୋହନ୍ ଏହି ଭିଡିଓ ନିଜେ ସୁଟ୍ କରି ସୋସିଆଲ୍ ମିଡିଆରେ ଅପଲୋହ୍ କରି ବଡ ବଡିଆଙ୍କ ପୋଲ୍ ଖୋଲିଦେଇଛନ୍ତି । ଗାଈଙ୍କ ଠାରେ ଦେଖାଯାଇଥିବା ଥେଲେରିଆ ରୋଗର ନିରାକରଣ ପାଇଁ ଭେକସିନ୍ ଆସିଥିଲା । ଆଉ ଏହାକୁ ଜୋରଜବରଦସ୍ତ ଚାଷୀଙ୍କୁ ବିକ୍ରି ପାଇଁ ବାଧ୍ୟ କରାଯାଇଥିଲା । ଏଥିପାଇଁ ଦାୟୀ ହେଉଛନ୍ତି ପୂର୍ବତନ କୃଷିମନ୍ତ୍ରୀ ପ୍ରଦୀପ ମହାରଥୀ, ପୂର୍ବତନ ଭେଟନାରୀ ଡାଇରେକ୍ଟର୍ ବିଷ୍ଣୁପଦ ସେଠୀ ଏବଂ ବର୍ତ୍ତମାନର ଡାଇରେକ୍ଟର୍ ।
ଟିକା ଗୁଡିକୁ ଉପଯୁକ୍ତ ବ୍ୟବସ୍ଥାରେ ରଖା ନଯିବାରୁ ସେଗୁଡିକ ବଷାକ୍ତ ପାଲିଟିଗଲା । କିନ୍ତୁ କେହି ଶୁଣିଲେ ନାହିଁ । ବାଧ୍ୟ କଲେ ଗାଈକୁ ଦେବା ପାଇଁ । ଆଉ ଫଳ ସ୍ୱରୂପ ୨୮ରୁ ଅଧିକ ଗାଈଙ୍କ ମୃତ୍ୟୁ ହୋଇଗଲା । ଏସପଂର୍କରେ ବର୍ତ୍ତମାନର କୃଷିମନ୍ତ୍ରୀ ଡାକ୍ତର ଦାମୋଦର ରାଉତ କହିଛନ୍ତି ସେ ଏହା ଆଗରୁ ଜାଣିଛନ୍ତିି ଏବଂ ତଦନ୍ତ ପାଇଁ ନିର୍ଦେଶ ଦିଆଯାଇଛି ।
ପ୍ରାଣୀଧନ ନିରୀକ୍ଷକ ପବିତ୍ର ମୋହନ ବେହେରାଙ୍କ ସୋସିଆଲ୍ ମିଡିଆରେ ଏହି ଭିଡିଓ ଆମ ସରକାରୀ ବ୍ୟବସ୍ଥାର ଅସଲ ରୂପକୁ ପଦାରେ ପକାଇ ଦେଇଛି ।