ହାଏରେ ଦାରିଦ୍ର୍ୟ…….! ଏହି ଦେଶର ଲୋକେ ଭୋକ ମେଣ୍ଟାଇବା ପାଇଁ ଖାଆନ୍ତି “ମାଟିର ବିସ୍କୁଟ”
ଦେଶରେ ପ୍ରତିଦିନ ଅନେକ ଲୋକ ଭୋକରେ ମୃତ୍ୟୁବରଣ କରୁଛନ୍ତି, ତେବେ ଅନ୍ୟପଟେ କିଛିି ଲୋକ ଖାଦ୍ୟକୁ ନଷ୍ଟ କରି ଦେଉଛନ୍ତି । କିଛି ନଭାବି ଆମେ ଖାଦ୍ୟକୁ ଫୋପାଡି ଦେଇଥାଉ । ଆମେ ଏତିକି ମଧ୍ୟ ଭାବିପାରୁନୁ କି, ଏମିତି କିଛି ଦେଶ ରହିଛି, ଯାହା ଦାରିଦ୍ର୍ୟ ସୀମା ରେଖାର ଖୁବ ତଳେ ଅଛି । ଯେଉଁଠି ଲୋକଙ୍କ ଭାଗ୍ୟରେ ଦାନା ମୁଠାଏ ବି ଖାଇବାକୁ ନଥାଏ ।
Kanak News is now on WhatsApp
Join and get latest news updates delivered to you via WhatsApp
ଆମେ ଆପଣଙ୍କୁ ଏଭଳି ଏକ ଦେଶ ବିଷୟରେ ଜଣାଇବାକୁ ଯାଉଛୁ, ଯେଉଁଠି ଲୋକମାନେ ଭୋକ ମେଣ୍ଟାଇବା ପାଇଁ କିଛି ଏଭଳି ଜିନିଷ ଖାଇବାକୁ ବାଧ୍ୟ ହେଉଛନ୍ତି କି ଆପଣ ଶୁଣିଲେ ଆଶ୍ୱର୍ଯ୍ୟ ହୋଇଯିବେ । ଅନାହାରରେ ପୀଡିତ ଏହି ଦେଶର ଲୋକେ ସେହି ଭୋକ ମେଣ୍ଟାଇବା ପାଇଁ ମାଟିରେ ତିଆରି ହୋଇଥିବା ବିସ୍କୁଟ ଖାଇବାକୁ ବାଧ୍ୟ ହେଉଛନ୍ତି । ସେ ଦେଶ ହେଉଛି ହୈତୀ । ହୈତୀର ଲକ୍ଷ ଲକ୍ଷ ଲୋକ କୁପୋଷଣର ଶିକାର ହେଉଛନ୍ତି ଏବଂ ଏହା ସହ ପୁଷ୍ଟିକର ଖାଦ୍ୟର ଖର୍ଚ୍ଚ ବି ଉଠାଇ ପାରୁନାହାଁନ୍ତି । ଏଠାରେ ଆପଣଙ୍କୁ କହି ରଖୁଛୁ କି, ହୈତୀ ଦେଶର ଗଣତି ସେହି ଦରିଦ୍ର ଦେଶ ମଧ୍ୟରେ ହୁଏ , ଯେଉଁଠାରେ ଲକ୍ଷ ଲକ୍ଷ ଲୋକ ଦୁଗର୍ନ୍ଧରେ ରହିବା ଓ ମଇଳା ଆବର୍ଜନା ଖାଇବାକୁ ବାଧ୍ୟ ହେଉଛନ୍ତି ।
ତେବେ ଆଜି ମଧ୍ୟ ହୈତୀରେ ତିନି ଲକ୍ଷ ଲୋକଙ୍କ ପାଖରେ ଖାଇବା ପାଇଁ ପର୍ଯ୍ୟାପ୍ତ ପରିମାଣର ଭୋଜନ ନାହିଁ । ଭୋକ ଏଠାରେ ସବୁଠାରୁ ବଡ଼ ସମସ୍ୟା ରୂପେ ଉଭା ହୋଇଛି । ଯାହାକି ୧୦ ପ୍ରତିଶତ ହୈତୀବାଦୀ ଦେଶର ମୋଟ ଆୟର ୭୦ ପ୍ରତିଶତ ଭାଗ ରୋଜଗାର କରନ୍ତି, କିନ୍ତୁ ଦୁର୍ଭାଗ୍ୟର କଥା ଏହା କି, ଏକ ବା ଦୁଇ ଡୋଲାରରୁ ବି କମ୍ ଆୟରେ ଜୀବନଯାପନ କରନ୍ତି । ସେଥିପାଇଁ ସେଠାରେ କୁପୋଷଣର ସମସ୍ୟା ସବୁଠାରୁ ଅଧିକ ଓ ଏହି ସମସ୍ୟାରୁ ବଂଚିବା ପାଇଁ ମାଟିର ବନାଯାଇଥିବା ବିସ୍କୁଟ ହିଁ ତାଙ୍କର ଏକମାତ୍ର ରାସ୍ତା । ପୁଷ୍ଟିକର ଆହାର ଯେପରିି ଫଳ, ଦୁଧ, ଦହି, ପନିପରିବା ଏମାନଙ୍କ ପାଇଁ ବିଳାସପୁର୍ଣ୍ଣ ଖାଦ୍ୟ ରୂପେ ବିବେଚିତ ହୁଏ । ଏହି କଠିନ ପରିସ୍ଥିତିରୁ ରକ୍ଷା ପାଇବା ପାଇଁ କିଛି ହୈତୀବାସୀ ଲୁଣ, ବନସ୍ପତି ତେଲ ଓ ମାଟିର ମିଶ୍ରଣ ଭଳି ପୁରୁଣା ରେସିପିର ସହାୟତା ନେଇଥାନ୍ତି । ଯାହାକୁ ସେଠିକାର ଲୋକ ବୋନ ବୋନ ଟ୍ୟାରିସ ଅର୍ଥାତ ମାଟିର ବିସ୍କୁଟ କୁହନ୍ତି । ମାଟିରେ ବିସ୍କୁଟ ବନାଉଥିବା ଏକ ମହିଳା ସିଲେନ ଡେନିସ ଏକ ୱଲର୍ଡ ଫୋକସର ଏକ ସାକ୍ଷାତକାରରେ କହିଥିଲେ କି ଯେତେବେଳେ ତାଙ୍କ ପାଖରେ କିଛି ଖାଇବାକୁ ନଥାଏ, ସେତେବେଳେ ମାଟିର ବିସ୍କୁଟ ତାଙ୍କ ଭୋକ ମେଣ୍ଟାଏ ।
ଏଥିରେ ଭିଟାମିନ ଓ କ୍ୟାଲସିୟମ ରହିଛି :
ମହିଳାମାନେ ମାଟି ଓ ପାଣିକୁ ମିଶାଇ ବିସ୍କୁଟ ତିଆରି କରିବା ପରେ ସୂର୍ଯ୍ୟ କିରଣରେ ଶୁଖାଇବା ପାଇଁ ଭୂମିରେ ଢାଳି ଦିଅନ୍ତି । ହୈତୀର କିଛି ଅଂଚଳରେ ଏହାକୁ ବିକ୍ରି ମଧ୍ୟ କରାଯାଏ । ଏହି ମାଟିକୁ ଏକ ସ୍ଥାନରୁ ପାହାଡିଆ ଅଂଚଳକୁ ନେଇ ଯାଆନ୍ତି । ଯେଉଁ ମହିଳାମାନେ ଏହାକୁ ତିଆରି କରନ୍ତିି, ତାଙ୍କ ମତରେ ଏହି ମାଟିର ବିସ୍କୁଟରେ ପ୍ରଚୁର ମାତ୍ରାରେ କ୍ୟାଲସିୟମ ଓ ଭିଟାମିନ ଥାଏ । ଏହା ବ୍ୟତୀତ ତାଙ୍କ ପାଖରେ କିଛି ଉପାୟ ନଥିବାରୁ ସେମାନେ ଦୁଃଖିତ । ଅନେକ ଲୋକ ଏହାକୁ ଖାଇବାକୁ ଲଜ୍ଜ୍ୟା ଅନୁଭବ କରନ୍ତି । ବିଶେଷଜ୍ଞଙ୍କ କହିବାନୁସାରେ, ମାଟି ବିସ୍କୁଟ ଶରୀରକୁ ବହୁତ କ୍ଷତି ପହଂଚାଇଥାଏ, ଦାନ୍ତ ଖରାପ ହୁଏ, ମାଟିରେ ବ୍ୟାପୁଥିବା ରୋଗ, କୁପୋଷଣ ଓ ଗମ୍ଭୀର ରୋଗ ବଢ଼ିବାର ସମସ୍ୟା ଥାଏ ।
