ସରିଲା ପ୍ରଥମ ପର୍ଯ୍ୟାୟ ଅପରେସନ : ଜଙ୍ଗଲରୁ ବାଘ ନପାଇ ଫେରିଲେ ଓୟୁଏଟି ଓ ନନ୍ଦନକାନନର ସ୍ୱତନ୍ତ୍ର ବିଶେଷଜ୍ଞ ଦଳ
ଡିଏଫଓ କହିଲେ, ଦ୍ୱିତୀୟ ପର୍ଯ୍ୟାୟ ଅପରସେନ ନେଇ କରାଯିବ ଚିନ୍ତା
କନକ ବ୍ୟୁରୋ: ବାଘ ଧରିବାକୁ ଆରମ୍ଭ ହୋଇଥିବା ପ୍ରଥମ ପର୍ଯ୍ୟାୟ ଅପରେସନ ଶେଷ ହୋଇଛି । ବାଘକୁ ନପାଇ ଜଙ୍ଗଲରୁ ଫେରିଛନ୍ତି ନନ୍ଦନକାନନ ଓ ଓୟୁଏଟିର ସ୍ୱତନ୍ତ୍ର ବିଶେଷଜ୍ଞ ଦଳ । ଦ୍ୱିତୀୟ ପର୍ଯ୍ୟାୟ ଅପରେସନ ନେଇ ଚିନ୍ତା କରାଯିବ ବୋଲି ଡିଏଫଓ କହିଛନ୍ତି ।ବାଘ ଧରିବାକୁ ନନ୍ଦନକାନନରୁ ସ୍ୱତନ୍ତ୍ର ଟ୍ରାଙ୍କୁଲାଇଜର ଟିମ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଭୁବନେଶ୍ୱର ପଳାସପଲ୍ଲୀ ଅଂଚଳରେ ସିସିଟିଭିରେ କଲରାପତରିଆ ବାଘ ବୁଲୁଥିବାର ଦୃଶ୍ୟ ଦେଖିବା ପରେ ସ୍ଥାନୀୟ ଅଂଚଳର ଲୋକ ଆତଙ୍କିତ ହୋଇପଡିଛନ୍ତି । ବାଘଟି ବିମାନବନ୍ଦର ପାଖ ଜଙ୍ଗଲରେ ଥିବାର ଅନୁମାନ କରାଯାଉଛି । ରାତି ୪ଟାରେ ବାଘଟିକୁ ସିଆଇଏସଏଫ ଯବାନ ଦେଖିଥିବା କହିଛନ୍ତି ।
ରାତି ସାରା ସେହି ଅଂଚଳରେ ପାଟ୍ରୋଲିଂ କରିଛି ବନ ବିଭାଗର ଟିମ୍ । ସ୍ଥାନୀୟ ଅଂଚଳର ଲୋକମାନେ ମଧ୍ୟ ରାତିସାରା ଅନିଦ୍ରା ରହି ବାଘ ଖୋଜିଛନ୍ତି । ବନ ବିଭାଗର ୩ଟି ଟିମ୍ ଓ ନନ୍ଦନକାନନର ଗୋଟିଏ ଟିମ ସର୍ଚ୍ଚ ଅପରେସନ୍ ଜାରି ରଖିଛନ୍ତି ।