କନକ ବ୍ୟୁରୋ : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଲେ ସାଂସଦ ତଥାଗତ ସତପଥୀ । ଦିଲ୍ଲୀସ୍ଥିତ ବାସଭବନରେ ନବୀନଙ୍କୁ ଭେଟିଛନ୍ତି ତଥାଗତ । ଗତ କିଛିଦିନ ତଳେ ତଥାଗତଙ୍କ ଟ୍ୱିଟକୁ ନେଇ ବିଜେଡି ରାଜନୀତିର ଝଡ ସୃଷ୍ଟି ହୋଇଥିଲା । ଏଥିରେ ସେ ଭାରତୀୟ ଜନତା ପାର୍ଟି ବିଜେଡିକୁ ଭାଙ୍ଗିବାକୁ ଚେଷ୍ଟା କରୁଥିବା ଉଲ୍ଲେ୍ଖ କରିଥିଲେ । ବିଜେଡିର ଜଣେ ସାଂସଦ ସହଯୋଗ କରୁଥିବା ସେ କହିଥିଲେ । ଏହା ପରେ ପରେ କେନ୍ଦ୍ରାପଡା ସାଂସଦ ବୈଜୟନ୍ତ ପଣ୍ଡା ମଧ୍ୟ ପ୍ରତିକ୍ରିୟା ରଖି ଥିଲେ ଏବଂ ପରୋକ୍ଷରେ ତଥାଗତଙ୍କୁ ଟାର୍ଗେଟ କରି ଟ୍ୱିଟ୍ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ ଏକ ଦୈନିକ ଖବରକାଗଜରେ ବିଜେଡିର ଆତ୍ମସମୀକ୍ଷା ପାଇଁ ପରାମର୍ଶ ଦେଇ ବୈଜୟନ୍ତ ଏକ ପ୍ରବନ୍ଧ ଲେଖିଥିଲେ । ଏହାକୁ ନେଇ ବେଶ୍ ସରଗରମ ହୋଇଥିଲା ରାଜ୍ୟ ରାଜନୀତି । ଏହି ସମୟରେ ଦିଲ୍ଲୀରେ ନବୀନ ଓ ତଥାଗତଙ୍କ ଭେଟକୁ ନେଇ ବହୁ କଳ୍ପନାଜଳ୍ପନା ପ୍ରକାଶ ପାଇଥିଲା । ତେବେ ମୁଖ୍ୟମନ୍ତ୍ରୀଙ୍କ ସହ କୌଣସି ରାଜନୈତିକ ବିଷୟରେ ଆଲୋଚନା ହୋଇନାହିଁ । କେବଳ ଭଦ୍ରକରେ ସୃଷ୍ଟି ହୋଇଥିବା ଅଶାନ୍ତ ପରିବେଶ ନେଇ ଆଲୋଚନା ହୋଇଥିଲା ବୋଲି କହିଛନ୍ତିି ସାଂସଦ ତଥାଗତ ସତପଥୀ । କିନ୍ତୁ ଟ୍ୱିଟ୍ ବିବାଦ ନେଇ ନବୀନଙ୍କ ସହ ଆଲୋଚନା ନେଇ ଗଣମାଧ୍ୟମ ପ୍ରତିନିଧିଙ୍କ ପ୍ରଶ୍ନକୁ ଆଡେଇଯାଇଥିଲେ ତଥାଗତ ।
ଏହା ସହ ଦେଖନ୍ତୁ ଏହି ଭିଡିଓ-