ଗୋବର , ମାଟି ଓ କାଠରେ ପ୍ରସ୍ତୁତ ହେଉଛି ଅଫିସ୍ ଏବଂ ରେଷ୍ଟୁରାଣ୍ଟ୍ ! ଦମ୍ପତୀଙ୍କ ପ୍ରୟାସରେ ସହର ପରିବେଶରେ ଦେଖିବାକୁ ମିଳୁଛି ଗାଁର ଝଲକ ।
ଗୁଜୁରାଟ୍ ଅହମ୍ମଦାବାଦର ସ୍ଥାପତ୍ୟକର ସ୍ନେହଲ୍ ଏବଂ ଭଦ୍ରୀ ସୁଥାର୍ ରିସାଇକେଲ୍ କନଷ୍ଟ୍ରକ୍ସନ୍ ମାଟେରିୟାଲ୍ ମାଧ୍ୟମରେ ନୂଆ ନୂଆ ରେଷ୍ଟୁରାଣ୍ଟ୍ ଏବଂ ଅନ୍ୟ ଭବନ ପ୍ରସ୍ତୁତ କରିବାର କାମ କରୁଛନ୍ତିି । ଏହି ଦମ୍ପତୀ ଗୋବର , ମାଟି ଏବଂ କାଠର ବ୍ୟବହାର କରି ବିଭିନ୍ନ ରେଷ୍ଟୁରାଣ୍ଟ୍ ପ୍ରସ୍ତୁତ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସ୍ନେହଲ୍ ସାନ୍ ଫ୍ରାନ୍ସିସ୍କୋ ଆର୍କିଟେକ୍ଚରରୁ ସସଟେନିବିଲିଟିରେ ପିଜି କରିଥିବା ବେଳେ ଭଦ୍ରୀ ଗୁୁଜୁରାଟ୍ ବିଦ୍ୟାନଗର ଅରବିନ୍ଦଭାଇ ଇନଷ୍ଟିଚ୍ୟୁଟ୍ ଅଫ୍ ଆର୍କିଟେକ୍ଚରରୁ ଇଣ୍ଟିରିୟର୍ ଡିଜାଇନ୍ ରେ ଡିପ୍ଲୋମା କରିଛନ୍ତି । ୨୦୦୨ ମସିହାରେ ଏହି ଦମ୍ପତୀ ଦ ଗ୍ରୀଡ୍ ର ସ୍ଥାପନା କରିଥିଲେ । ତେବେ ଆସନ୍ତୁ ଏହି ଦମ୍ପତୀଙ୍କ ଦ୍ୱାରା ପ୍ରସ୍ତୁତ କରାଯାଇଥିବା ଦ ଗ୍ରୀଡ୍ ର ସ୍ଥାପନା ଶୈଳୀ ଉପରେ ନଜର ପକାଇବା ।
୧ . ଜୈବିକ ଦୋକାନ : ଯେତେବେଳେ ଏହି ଦମ୍ପତୀକୁ ସହରରେ ଏକ ଜୈବିକ ଦୋକାନ ଖୋଲିବାର ପ୍ରୋଜେକ୍ଟ ମିଳିଥିଲା । ସେତେବେଳେ ତାଙ୍କୁ କୁହାଯାଇଥିଲା ଯେ ଏହି ଦୋକାନ ସମ୍ପୁର୍ଣ୍ଣ ରୂପେ ଜୈବିକ ଭଳି ଦେଖାଯିବା ଦରକାର । ତାଙ୍କ ଗ୍ରାହକ ପୂର୍ବରୁ ଜଣେ କୃଷକ ଥିବାରୁ ଏହି ଦମ୍ପତୀ କୃଷିକ୍ଷେତରୁ ଘରକୁ ଆସୁଥିବା ଫସଲ ଭଳି ଡିଜାଇନ୍ ରେ ଦୋକାନ ପ୍ରସ୍ତୁତ କଲେ । ଗାଇର ଗୋବର ଏବଂ ଘାସର ମିଶ୍ରଣରେ ସାମଗ୍ରୀ ,ଚଟାଣରେ କାଠର ପ୍ରୟୋଗ କରାଗଲା । ଲାଇଟ୍ ସ୍ଥାନରେ ଏଲଇଡି ଲଗାଗଲା ।
୨ . ଇକୋ – ଫ୍ରେଣ୍ଡଲି ଅଫିସ୍ : ଗାନ୍ଧୀନଗରରେ ନିଜ ଗ୍ରାହକଙ୍କ ଅଫିସ୍ କୁ ଏକ ଫାର୍ମ ହାଉସ୍ ଭଳି ରୂପ ଦେବାକୁ କମ୍ପାନୀ ମାଟି ଏବଂ ପ୍ରାକୃତିକ ସାମଗ୍ରୀର ପ୍ରୟୋଗ କରିଛି । କାନ୍ଥରେ ହଳଦିଆ ରଙ୍ଗର ପ୍ରସ୍ତର ଖଚିତ ହେଲା ଯେଉଁଥିରେ ବାହାରର କିରଣ ଅଫିସ୍ ଭିତରକୁ ମଧ୍ୟ ଯାଇପାରିବ । ଅଫିସ୍ ବାହାର ସୁନ୍ଦର ଦେଖାଯିବା ପାଇଁ ଏକ ଶଗଡ଼ ଏବଂ କିଛି ମାଟିପାତ୍ର ମଧ୍ୟ ରଖାଯାଇଥିଲା ।
୩ . ଟେରାକୋଟା ରେଷ୍ଟୁରାଣ୍ଟ୍ : ଏହି ଦମ୍ପତୀଙ୍କ ନିଜର ଟେରାକୋଟା ରେଷ୍ଟୁରାଣ୍ଟ୍ ରହିଛି । ଯେଉଁଥିରେ ମାଟି, ଇଟା ,ଟେରାକୋଟା ଏବଂ କଞ୍ଚା କାଠ ଭଳି ସ୍ଥାନୀୟ ବସ୍ତୁକୁ ବ୍ୟବହାର କରାଯାଇଛି । ରେଷ୍ଟୁରାଣ୍ଟ୍ ରେ ୨ ମିଲିମିଟର ମୋଟା ଷ୍ଟିଲ୍ ର ଲେଜର୍ –କଙ୍କ୍ ସ୍କ୍ରୀନ୍ ରହିଛି । ଯାହା ଭିନ୍ନ ରୁପରେ ଜାଲିକୁ ପାରମ୍ପରିକ ଡିଜାଇନ୍ ର ଅନୁଭବ ଦେଉଛନ୍ତି । କାନ୍ଥରେ ପୁରୁଣା ସମୟର ଝରକା ଏବଂ ସାଜସଜ୍ଜା ବି ରେଷ୍ଟୁରାଣ୍ଟ୍ ର ସୁନ୍ଦରତାକୁ ଦ୍ୱିଗୁଣିତ କରୁଛି ।