ରୀତାଙ୍କ ପରିବାରକୁ ସାହା ହେଲେ ସରକାର । କନକ ନ୍ୟୁଜରେ ଖବର ପରେ ମନ୍ତ୍ରୀ ନେଲେ ପଦକ୍ଷେପ, ମିଳିଲା ବକେୟା ଟଙ୍କା, ଖାଦ୍ୟ ସୁରକ୍ଷା ଯୋଜନାରେ ପରିବାର ହେଲା ସାମିଲ ।

କନକ ନ୍ୟୁଜରେ ଖବର ପରେ ଖାଦ୍ୟ ଯୋଗାଣ ମନ୍ତ୍ରୀଙ୍କ ତ୍ୱରିତ କାର୍ଯ୍ୟାନୁଷ୍ଠାନ । ବିଭାଗୀୟ ଅଧିକାରୀଙ୍କୁ ତଦନ୍ତ ପାଇଁ ନିର୍ଦ୍ଦେଶ ଦେବା ସହ ଅସହାୟ ରୀତା ନାୟକଙ୍କୁ ସହଯୋଗର ହାତ ବଢାଇ ଉଦାହରଣ ସୃଷ୍ଟି କରିଛନ୍ତି ରଣେନ୍ଦ୍ର ପ୍ରତାପ ସ୍ୱାଇଁ । ଟ୍ୱିଟ କରି ସୂଚନା ଦେଇଛନ୍ତି, ରୀତାଙ୍କୁ ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ସାମିଲ କରାଯାଇଥିବା ବେଳେ ତାଙ୍କ ଭଙ୍ଗା ଘର ପାଇଁ ପଲିଥିନ ଓ ଅନ୍ୟ ସୁବିଧା ସୁଯୋଗ ଯୋଗାଇ ଦିଆଯାଇଛି ।

After getting the news from @kanak_news I had urged our @Food_Odisha dept officials to look into the matter. Smt Rita Naik has been included under SFSS along with polythene to cover her thatched house and other benefits. The details have been attached herewith. https://t.co/q8PZjM1sJF pic.twitter.com/wC3lBgNdQP

— Ranendra Pratap Swain (@rajaaswain) December 2, 2019

ଗତ ସପ୍ତାହରେ କନକ ନ୍ୟୁଜର ଡିଜିଟାଲ ଡେସ୍କ ଏହି ଘଟଣାକୁ ସାମ୍ନାକୁ ଆଣିବା ପରେ ବିଭାଗୀୟ ଅଧିକାରୀ ତନାଘନା ଆରମ୍ଭ କରିଥିଲେ । ଖାଲି ପଲିଥିନ ଯୋଗାଇବା ଏବଂ ଖାଦ୍ୟ ସୁରକ୍ଷା ଯୋଜନାରେ ସାମିଲ କରିବାରେ ସହାୟତା ସୀମିତ ରହିନାହିଁ । ବରଂ ତାଙ୍କୁ ଘର ଯୋଗାଇବାକୁ ଓ ବିଧବା ପେନସନ ପ୍ରଦାନ କରିବାକୁ ମଧ୍ୟ କାମାକ୍ଷାନଗର ବିଡିଓଙ୍କୁ କୁହାଯାଇଛି । କାମାକ୍ଷାନଗର ବିଇଓଙ୍କ ରିପୋର୍ଟ ଆଧାରରେ ରୀତାଙ୍କ ସ୍ୱାମୀଙ୍କ ବକେୟା ପିଏଫ ବାବଦ ଅର୍ଥ ୧୫ ହଜାର ୮୯୪ ଟଙ୍କା ପ୍ରଦାନ କରାଯାଇଛି ।

ଢେଙ୍କାନାଳ କାମାକ୍ଷାନଗର ବ୍ଲକ ଶ୍ରୀମୁଲା ଗାଁର ଶିକ୍ଷକ ମନୋହର ନାୟକଙ୍କ ଛାତିରେ ଯନ୍ତ୍ରଣା ହେବା ପରେ ଗତବର୍ଷ ତାଙ୍କର ମୃତ୍ୟୁ ହୋଇଥିଲା । ଗାଙ୍ଗିଯୋଡି ୟୁ.ପି ସ୍କୁଲରେ ବ୍ଲକଗ୍ରାଣ୍ଡ ଶିକ୍ଷକ ଭାବେ ଚାକିରି କରୁଥିବା ମନୋହରଙ୍କ ହଠାତ ବିୟୋଗ ପରେ ତାଙ୍କ ପରିବାର ଉପରେ ଦୁଃଖର ପାହାଡ ଅଜାଡି ହୋଇ ପଡିଥିଲା । ସ୍ୱାମୀ ଗଲା ପରେ ଦୁଇ ପିଲାଙ୍କ ମୁହଁରେ ଦାନା ଗଣ୍ଡେ ଯୋଗାଡ କରିବା ମନୋହରଙ୍କ ପତ୍ନୀ ରୀତାଙ୍କ ପାଇଁ ଏକଦମ ଅସମ୍ଭବ ହୋଇପଡିଥିଲା ।

ବାପା ଗଲା ପରେ ପିଲାଙ୍କ ଦାୟିତ୍ୱ ମାଆ ମୁଣ୍ଡରେ ଥିବାରୁ ସାହି ପଡିଶାରୁ ମାଗିଯାଚି ଦୁଇ ପୁଅଙ୍କ ମୁହଁରେ ଦାନା ଦେଉଥିଲେ ରୀତା । ପରଘରୁ ମିଳୁଥିବା ଦୁଇ ମୁଠା ଦାନାରେ ସିନା ସେ ପିଲାଙ୍କ ପେଟ ପୂରାଇ ଦେଉଛନ୍ତି ହେଲେ ନିଜ ପାଇଁଟ୍ଟ? କିଛି ବଳିଲେ ତ ନିଜେ ଖାଇବେଟ୍ଟ ସେଇଥିପାଇଁ ତ ଅନେକ ସମୟରେ ପାଣି ପିଇ ଶୋଇ ଯାଆନ୍ତି ରୀତା ।

ବିଡମ୍ବନାର କଥା ଥିଲା, ଦାରିଦ୍ର୍ୟ ସୀମାରେଖା ତଳେ ଥିବା ସତ୍ତେ୍ୱ କୈାଣସି ବି ସରକାରୀ ସୁବିଧା ସୁଯୋଗ ତାଙ୍କ ନିକଟରେ ଉପଲବ୍ଧ ନଥିଲା । ଆଉ ଏନେଇ ଖବର ସାମ୍ନାକୁ ଆଣିବା ପରେ ଖାଦ୍ୟ ଯୋଗାଣ ମନ୍ତ୍ରୀଙ୍କ କାର୍ଯ୍ୟାନୁଷ୍ଠାନ ରୀତାଙ୍କ ପରିବାର ମୁହଁରେ ହସ ଆଣିଛି ।