ଗୁଣି ଗାରେଡି ସନ୍ଦେହରେ ଗାଁରୁ ବାସନ୍ଦ କଲେ ଗ୍ରାମବାସୀ ! ଖୋଲା ଆକାଶ ତଳେ ପଡି ରହିଛନ୍ତି ଜୟପାଟଣାର ବିଦ୍ୟାଧର ନାୟକଙ୍କ ପରିବାର
କନକ ବ୍ୟୁରୋ : ଅନ୍ଧବିଶ୍ୱାସର ଅନ୍ଧ ଗଳିରେ ମଣିଷ । ଏବେ ବି ଗୁଣିଗାରେଡି ସନ୍ଦେହରୁ ଗାଁରୁ କରାଯାଉଛି ବାସନ୍ଦ । ଫଳରେ ଅନ୍ଧବିଶ୍ୱାସର ଶିକାର ହୋଇ ଗଛ ମୂଳେ ପଡିରହିଛନ୍ତି ବିଦ୍ୟାଧର ନାୟକ ପରିବାର । ଆଧୁନିକ ଯୁଗରେ ବି ଲୋକଙ୍କ ମନରୁ ଦୂରେଇନାହିଁ ଅନ୍ଧବିଶ୍ୱାସ । ଅନ୍ଧବିଶ୍ୱାସ ଯୋଗୁ ଗୁଣି ଗାରେଡି ସନ୍ଦେହରେ କଳାହାଣ୍ଡି ଜୟପାଟଣା ବ୍ଲକ ଧୂଟିଗୁଡା ଗାଁର ବିଦ୍ୟାଧର ନାୟକଙ୍କ ପରିବାରକୁ ଗାଁରୁ ବାସନ୍ଦ କଲେ ଗ୍ରାମବାସୀ । ଫଳରେ ଶରଧାପୁର ଗାଁରେ ଖରା ବର୍ଷାରେ ଖୋଲା ଆକାଶ ତଳେ ପଡିରହିଛନ୍ତି ବିଦ୍ୟାନାୟକଙ୍କ ପରିବାର । ଏନେଇ ପରିବାର ବାରମ୍ବାର ଥାନାରେ ଦ୍ୱାରସ୍ଥ ହୋଇଥିଲେ ବି ଫଳ ଶୂନ ।
Kanak News is now on WhatsApp
Join and get latest news updates delivered to you via WhatsApp
ବିଦ୍ୟାଧରଙ୍କ କହିବା କଥା, ତାଙ୍କ ମା ନାଁରେ ୩୨ଏକର ଜମି ଥିବା ବେଳେ ତାକୁ ଅକ୍ତିଆର କରିବା ପାଇଁ ଗୁଣିଗାରେଡି ସନ୍ଦେହରେ ଗ୍ରାମବାସୀ ବାସନ୍ଦ କରିଛନ୍ତି । ଏନେଇ ଦୀର୍ଘଦିନରୁ ମାମଲା ରୁଜୁ କରାଯିବା ସହ ଏସପି ଓ ଜିଲ୍ଳାପାଳଙ୍କ ଦ୍ୱାରସ୍ଥ ହୋଇଛନ୍ତି ପରିବାର । କିନ୍ତୁ ଏନେଇ କୌଣସି କାର୍ଯ୍ୟାନୁଷ୍ଠାନ ନିଆଯାଇନଥିବା ଅଭିଯୋଗ ହୋଇଛି ।
ଅନ୍ଧବିଶ୍ୱାସ ଦୂରେଇବା ପାଇଁ ପ୍ରଶାସନ କୌଣସି ସଚେତନ କାର୍ଯ୍ୟକ୍ରମ ହାତକୁ ନେଉନାହିଁ । ଓଲଟା ଅନ୍ଧବିଶ୍ୱାସର ଶିକାର ବ୍ୟକ୍ତିଙ୍କୁ ସହଯୋଗ ବି କରୁପାରୁନାହିଁ ।