ରଥ ଉପରେ ସୁନାବେଶରେ ଝଟକିଲେ ମହାପ୍ରଭୁ ! ଦର୍ଶନ ପାଇଁ ବଡଦାଣ୍ଡରେ ପ୍ରବଳ ଭିଡ, ୧୨ ଲକ୍ଷ ଭକ୍ତଙ୍କ ସମାଗମ
ମଥାରେ ସୁନାର କିରୀଟ। କାନରେ ସୁନାର କୁଣ୍ଡଳ, ତଳଗି
Kanak News is now on WhatsApp
Join and get latest news updates delivered to you via WhatsApp
ରତ୍ନବେଦୀକୁ ଫେରିବାର ଦିନକ ପୂର୍ବରୁ ପବିତ୍ର ଗରୁଡ଼ ଶୟନ ଦ୍ବାଦଶୀ ତିଥିରେ ସିଂହଦ୍ୱାର ଆଗରେ ଦଣ୍ଡାୟମାନ ତିନି ରଥରେ ତିନି ଠାକୁରଙ୍କ ଏହି ସୁନାବେଶ ଦେଖି ଭକ୍ତବୃନ୍ଦ ଆତ୍ମ ବିଭୋର ହୋଇଥିଲେ। ହରିବୋଲ, ହୁଳହୁଳି ସାଙ୍ଗକୁ ଜୟ ଜଗନ୍ନାଥ ଧ୍ବନିରେ ପ୍ରକମ୍ପିତ ହେଉଥିଲା ସମଗ୍ର ବଡ଼ଦାଣ୍ଡ। ଭାବପ୍ରବଣତା ଓ ଆବେଗରେ କିଛି ଭକ୍ତ କାନ୍ଦି ପକାଉଥିଲେ। ମହାପ୍ରଭୁଙ୍କ ଏହି ଦୁର୍ଲଭ ବେଶକୁ ଦେଖିବା ପାଇଁ ବଡ଼ଦାଣ୍ଡ ଜନସମୁଦ୍ର ପାଲଟିଥିଲା। ଅନୁକୂଳ ପାଗ ଯୋଗୁ ୧୨ ଲକ୍ଷରୁ ଅଧିକ ଭକ୍ତ ବିଳମ୍ବିତ ରାତି ପର୍ଯ୍ୟନ୍ତ ମହାପ୍ରଭୁଙ୍କୁ ସୁନାବେଶରେ ଦର୍ଶନ କରି କୋଟି ପୁଣ୍ୟ ଲାଭ କରିଥିଲେ।