ରାମ ମନ୍ଦିର ନିର୍ମାଣ ନେଇ ତେଜିଛି ରାଜନୀତି । ବିଜେପି ନେତା ତଥା ରାଜ୍ୟସଭା ସାଂସଦ ସୁବ୍ରମଣ୍ୟମ ସ୍ୱାମୀ ରାମ ମନ୍ଦିର ନିର୍ମାଣ ନେଇ ମୋଦି ଓ ଯୋଗୀ ସରକାରଙ୍କୁ ଚେତାବନୀ ଦେଇଛନ୍ତି । ଯଦି ରାମ ମନ୍ଦିର ନିର୍ମାଣ ନେଇ ସରକାର ବିରୋଧ କରନ୍ତି ତେବେ ଏହି ସରକାରକୁ ଭାଙ୍ଗିଦେବେ ବୋଲି କହିଛନ୍ତି ସୁବ୍ରମଣ୍ୟମ । ଆଉ ସୁବ୍ରମଣ୍ୟମଙ୍କ ଏଭଳି ବୟାନ ଏବେ ରାଜନୈତିକ ଉଷ୍ମତା ବଢାଇଛି ।
Kanak News is now on WhatsApp
Join and get latest news updates delivered to you via WhatsApp
ଜେଏନୟୁରେ ହେଉଥିବା କାର୍ଯ୍ୟକ୍ରମରେ ଯୋଗ ଦେଇ ସୁବ୍ରମଣ୍ୟମ କହିଛନ୍ତି, ଆଗାମୀ ଜାନୁଆରୀରେ ରାମ ମନ୍ଦିର ନିର୍ମାଣ ନେଇ ଶୁଣାଣି ହେବ । ଆଉ ଏହାକୁ ଆମେ ଦୁଇ ସପ୍ତାହରେ ହିଁ ଜିତିଯିବୁ । କାରଣ କେନ୍ଦ୍ରରେ ମୋଦି ସରକାର ଓ ରାଜ୍ୟରେ ଯୋଗୀ ସରକାର ଥିବାରୁ ରାମ ମନ୍ଦିର ନିର୍ମାଣ ନେଇ ବିଶେଷ ଅସୁବିଧା ହେବ ନାହିଁ । କିନ୍ତୁ ଯଦି ସେମାନେ ରାମ ମନ୍ଦିର ନିର୍ମାଣକୁ ବିରୋଧ କରନ୍ତି ତେବେ ମୁଁ ତାଙ୍କ ସରକାର ଭାଙ୍ଗିଦେବି । କିନ୍ତୁ ସରକାର ଏଭଳି କରିବେନି ବୋଲି ତାଙ୍କର ଆଶା ।
ଏହାପୂର୍ବରୁ ରାମ ମନ୍ଦିର ନିର୍ମାଣ ନେଇ ବିଏଚପି ପକ୍ଷରୁ ହିନ୍ଦୁ ମହାସଭାର ଆୟୋଜନ କରାଯାଇଥିଲା । ଯେଉଁଥିରେ ହଜାର ହଜାର ସଂଖ୍ୟାରେ ସାଧୁ ସନ୍ଥ ଯୋଗ ଦେଇଥିଲେ । ସେତେବେଳେ ବିଏଚପି ସଚିବ ଚମ୍ପତ ରାୟ କହିଥିଲେ, ରାମ ମନ୍ଦିର ନିର୍ମାଣ ପାଇଁ ଆମକୁ ପୂରା ଜମି ଦରକାର । ଏହି ଜମିକୁ ଭାଗ କରିବା ଫର୍ମୁଲା ମଞ୍ଜୁର ନୁହେଁ ବୋଲି ରୋକଠୋକ ଶୁଣାଇଥିଲେ । ଏପରିକି ବିଏଚପି ଏହି ଜମିରେ ନମାଜ ପାଠ କରିବାକୁ ଦେବ ନାହିଁ ବୋଲି ସେ କହିଥିଲେ ।