ଆର୍ମି ପରୀକ୍ଷା ପାଇଁ ଆସିଥିବା ଶହ ଶହ ଛାତ୍ରଙ୍କ ଫୁଟପାଥରେ କଟିଲା ରାତି । ନା ଶୋଇବା ପାଇଁ, ନା ପାଣି ପାଇଁ ବ୍ୟବସ୍ଥା, ଅବ୍ୟବସ୍ଥା ନେଇ ଟୁଇଟ କରି ପ୍ରତିକ୍ରିୟା ରଖିଲେ ପୋଲିସ କମିଶନର ।
କନକ ବ୍ୟୁରୋ : ରାଜଧାନୀର ଫୁଟପାଥରେ କଟିଲା ଶହ ଶହ ପରୀକ୍ଷାର୍ଥୀଙ୍କ ରାତି । ନା ଶୋଇବାର ବ୍ୟବସ୍ଥା ଥିଲା ନା ପାଣି ପିଇବାର ବ୍ୟବସ୍ଥା ଥିଲା । ରାତି ପାହିଲେ ମୁଣ୍ଡ ଉପରେ ଆର୍ମୀ ର୍ୟାଲି ପରୀକ୍ଷାର ଚିନ୍ତା ଥିଲା । କିନ୍ତୁ ପରୀକ୍ଷା ଦେବାକୁ ଆସିଥିବା ଛାତ୍ରମାନଙ୍କ ପାଇଁ କୌଣସି ବ୍ୟବସ୍ଥା ହୋଇନଥିଲା । ରାଜ୍ୟ ତଥା ରାଜ୍ୟ ବାହାରୁ ଆସିଥିବା ଏହି ପରୀକ୍ଷାର୍ଥୀମାନେ କିପରି ସମସ୍ୟାର ସମ୍ମୁଖୀନ ହୋଇଥିଲେ, ତାହା ପରଖିଥିଲା କନକ ନ୍ୟୁଜ ।
Kanak News is now on WhatsApp
Join and get latest news updates delivered to you via WhatsApp
ଜୟଦେବ ବିହାର-ଗଭର୍ଣ୍ଣର ହାଉସ ରାସ୍ତାରେ ଥିବା ୧୨୦ ବାଟାଲିୟନ ସମ୍ମୁଖରେ ଶହ ଶହ ସଂଖ୍ୟାରେ ଛାତ୍ର ରୁଣ୍ଡ ହୋଇଥାନ୍ତି । ଆଖିରେ ନିଦ ନଥାଏ । ରାତି ପାହିଲେ ପରୀକ୍ଷା ଦେବାକୁ ପଡିବ । ଶୋଇବେ ତ କେଉଁଠି ଶୋଇବେ । ଘଂଟା ଘଂଟା ଧରି ଏମିତି ରାତି ତମାମ ଅପେକ୍ଷା କରିଥାନ୍ତି ପରୀକ୍ଷାର୍ଥୀ । ୧୨୦ ବାଟାଲିୟନରେ ଆଜି ହେଉଥିବା ଆର୍ମୀ ର୍ୟାଲିରେ ଯୋଗ ଦେବା ପାଇଁ ଦୂରଦୂରାନ୍ତରୁ ଆସିଛନ୍ତି ଏହି ପରୀକ୍ଷାର୍ଥୀମାନେ । ସେମାନଙ୍କ ଅଭିଯୋଗ ହେଲା, ସକାଳେ ପରୀକ୍ଷା ଥିଲେ ମଧ୍ୟ ରାତିରେ ରହିବାର କୌଣସି ବ୍ୟବସ୍ଥା ହୋଇନାହିଁ ।
120 Bn should have done something or taken our help. Finding accommodation for so many people at this late hour will be an issue. But, we will definitely try. Thanks. https://t.co/i5Fslt6mmi
— Dr Sudhanshu Sarangi (@SarangiSudhansu) October 13, 2019
ରାସ୍ତାକଡ ଫୁଟପାଥ ଉପରେ ଶୋଇ ରହିଥିଲେ ପରିକ୍ଷାର୍ଥୀ । ରାଜ୍ୟ ବାହାରୁ ଆସିଥିବା ଏହି ଛାତ୍ରମାନେ ରାତି ଅଧରେ ଯିବେ ତ କୁଆଡେ ଯିବେ । କାରଣ ଭୋର ସାଢେ ଚାରିଟାରେ ସେମାନଙ୍କୁ ପରୀକ୍ଷା କେନ୍ଦ୍ର ୧୨୦ ବାଟାଲିୟନରେ ପ୍ରବେଶ କରିବାର ଅଛି । ତେଣୁ ଖାଇବା, ରହିବା ଏବଂ ଶୋଇବା ପାଇଁ କୌଣସି ବ୍ୟବସ୍ଥା ହୋଇନଥିବାରୁ ଏହିପରି ରାତି କାଟିଛନ୍ତି ପରୀକ୍ଷାର୍ଥୀ ।
ଦେଶ ପାଇଁ ସେବା କରିବାର ମନବୃତି ଏପରି ରହିଛି ଯେ କିଛି ଛାତ୍ର ବସି ରହିଛନ୍ତି । ଏତେ ସବୁ ଅବ୍ୟବସ୍ଥା ଭିତରେ ମଧ୍ୟ ଦେଶମାତୃକାର ସେବା ପାଇଁ ଏପରି ରାତି କଟାଇବାକୁ ପ୍ରସ୍ତୁତ ହୋଇଯାଇଛନ୍ତି । ୧୨୦ ବାଟାଲିୟନ ନିକଟ ରାସ୍ତାର ଦୁଇ ପାଶ୍ୱର୍ରେ ଶହ ଶହ ସଂଖ୍ୟାରେ ଛାତ୍ର ଏହିପରି ରାତି କଟାଇଛନ୍ତି । ପାଣି ପିଇବା ଠାରୁ ଆରମ୍ଭ କରି ଶୌଚ ଏବଂ ବିଶ୍ରାମ ନେବା ପାଇଁ କୌଣସି ବ୍ୟବସ୍ଥା ହୋଇନାହିଁ । ଯାହାର ପ୍ରଭାବ ପରୀକ୍ଷା ଉପରେ ପଡିପାରେ ବୋଲି କିଛି ଛାତ୍ର ଅଭିଯୋଗ ଆଣିଛନ୍ତି ।