ଭୁଲ ମାନିଲେ , ପଶ୍ଚାତାପ କଲେ! ପ୍ରେସ କନଫରେନ୍ସରେ ଭେଁ ଭେଁ ହୋଇ କାନ୍ଦିଲେ ଅଷ୍ଟ୍ରେଲିଆ କ୍ୟାପଟେନ, କହିଲେ, ଜୀବନରେ କରିବିନି ଆଉ ଏମିତି ଭୁଲ

3

ବଲ ଟ୍ୟାମ୍ପରିଂ ମାମଲାରେ ଅଷ୍ଟ୍ରେଲିଆ କ୍ରିକେଟ ଦଳରୁ ଗୋଟିଏ ବର୍ଷ ପାଇଁ ବିଦା ହୋଇଥିବା ଅଧିନାୟକ ଷ୍ଟିଭ ସ୍ମିଥ ସାମ୍ବାଦିକ ସମ୍ମିଳନୀ କରି ନିଜ ଭୂଲ ପାଇଁ କ୍ଷମା ମାଗିଛନ୍ତି । ଏପରିିକି ସାମ୍ବାଦିକ ସମ୍ମିଳନୀରେ କାନ୍ଦିଛନ୍ତି ଷ୍ଟିଭ ସ୍ମିଥ । ଏହି ଭୁଲ ତାଙ୍କର ଜୀବନସାରା ମନେ ରହିବ ବୋଲି କହିଛନ୍ତି ଅଷ୍ଟ୍ରେଲିଆର ଅଧିନାୟକ । ଏପରିକି ଏହି ଭୁଲ ପାଇଁ ତାଙ୍କୁ ଯେଉଁ ଦଣ୍ଡ ମିଳିବ ତାହାକୁ ସେ ଗ୍ରହଣ କରିବେ ବୋଲି କହିଛନ୍ତି ସ୍ମିଥ । ବଲ ଟ୍ୟାମ୍ପରିଂ ମାମଲାର ସମସ୍ତ ଦୋଷକୁ ସେ ନିଜ ମୁଣ୍ଡକୁ ନେଇଛନ୍ତି । ଏହା ତାଙ୍କ ନେତୃତ୍ୱର ବିଫଳତା ଏବଂ ଏଭଳି ଏକ ଭୁଲ ନିଷ୍ପତି ନେଇଥିବାରୁ ସେ ଲଜ୍ଜିତ ବୋଲି କହିଛନ୍ତି ସ୍ମିଥ ।

ପ୍ରେସ କନଫରେନ୍ସ ଚାଲୁଥିବା ବେଳେ ସ୍ମିଥ କାନ୍ଦି କାନ୍ଦି କହିଥିଲେ ଯେ, ଭଲ ଲୋକ ମଧ୍ୟ ଜୀବନରେ କେବେ ଭୁଲ କରିଥାନ୍ତି । ସେ ମଧ୍ୟ ବଲ ଟ୍ୟାମ୍ପରିଂ କରିବାକୁ କହି ବଡ ଭୁଲ କରିଛନ୍ତି । ଏଥିପାଇଁ ସେ ଲଜ୍ଜିତ । କିନ୍ତୁ ଆଗକୁ ଏହାର ପୁନରାବୃତ୍ତି ହେବନାହିଁ ବୋଲି ପ୍ରତିଶୃତି ଦେଇଛନ୍ତି କଙ୍ଗାରୁ କ୍ୟାପଟେନ । ସେ କ୍ରିକେଟକୁ ବହୁତ ଭଲପାଆନ୍ତି କିନ୍ତୁ ଏଭିଳି ଘଟଣା ତାଙ୍କୁ ବ୍ୟଥିତ କରିଛି । ଏହି ଘଟଣା ଅଷ୍ଟ୍ରେଲିଆ କ୍ରିକେଟ ପ୍ରେମୀ ଅଧିକ କଷ୍ଟ ଦେଇଛି ସେଥିପାଇଁ ହୃଦୟରୁ ସେ କ୍ଷମା ପ୍ରାର୍ଥନା କରିଛନ୍ତି ।

ବଲ ଟ୍ୟାମ୍ପରିଂ ମାମଲା ସାମ୍ନାକୁ ଆସିବା ପରେ ଅଷ୍ଟ୍ରେଲିଆ କ୍ରିକେଟ ବୋର୍ଡ ଅଧିନାୟକ ସ୍ମିଥ, ଡେଭିଡ ୱାର୍ଣ୍ଣରଙ୍କୁ ୧ ବର୍ଷ ଲେଖାଏଁ କ୍ରିକେଟରୁ ବାସନ୍ଦ କରିଥିବା ବେଳେ ବେନକ୍ରାଫ୍ଟଙ୍କୁ ୯ ମାସ ପାଇଁ ବାସନ୍ଦ କରିଛି । ଏପରିକି ସ୍ମିଥଙ୍କୁ ଅଧିନାୟକ ପଦରୁ ମଧ୍ୟ ହଟାଇ ଦିଆଯାଇଛି । ଏହାସହ ଉଭୟ ସ୍ମିଥ ଓ ୱାର୍ଣ୍ଣରଙ୍କୁ ଆଇପିଏଲରୁ ମଧ୍ୟ ବିଦା କରିଛି ବିସିସିଆଇ । ତେବେ ତିନି ଖେଳାଳିଙ୍କ ନିଜ ନିଜର ପକ୍ଷ ରଖିବା ପାଇଁ ଗୋଟିଏ ସପ୍ତାହ ସମୟ ଦିଆଯାଇଛି ।

Comments are closed.