କମିଲାନି ସବୁଠାରୁ ମୋଟା ମହିଳାଙ୍କ ଓଜନ ! ଡାକ୍ତରଙ୍କୁ ଦୋଷ ଦେଲେ ପରିବାର
ଦୁନିଆର ସବୁଠାରୁ ମୋଟା ମହିଳାଙ୍କ ଓଜନ କମିନି । ଡାକ୍ତର ମିଛ କହୁଛନ୍ତି । କିଛି ଏଭଳି ଢଙ୍ଗରେ ଆରୋପ ଲଗାଇଛନ୍ତି ସବୁଠାରୁ ଓଜନଦାର ମହିଳା ଇମାନ ଅହମ୍ମଦଙ୍କ ଭଉଣୀ । କହିଛନ୍ତି, ହସ୍ପିଟାଲ କର୍ତ୍ତୃପକ୍ଷ ମିଛ ପ୍ରଚାର କରୁଛନ୍ତି । ଆମକୁ ବୋକା ବନଉଛନ୍ତି । ୫୦୦ କେଜି ଓଜନର ଇଜିପ୍ଟର ଇମାନ ଅହମ୍ମଦ ଗତ ଫେବୃୟାରୀ ୧୧ ତାରିଖରେ ମୁମ୍ବାଇର ସୈଫି ହସ୍ପିଲରେ ଭର୍ତି ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହାରି ଭିତରେ ତାଙ୍କ ଓଜନ ୧୭୩ କେଜିକୁ ଖସି ଆସିଥିବା ହସ୍ପିଟାଲ କର୍ତ୍ତୃପକ୍ଷ କହିବା ସହ ଇମାନ ଘରକୁ ଫେରିପାରିବେ ବୋଲି ସୂଚନା ଦେଇଥିଲେ । ହେଲେ ଏହି ଘଟଣା ଏବେ ବିବାଦୀୟ ହୋଇଛି । ତେବେ ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ, ଚିକିତ୍ସା କରୁଥିବା ଡାକ୍ତର ଅଭିଯୋଗକୁ ଖଣ୍ଡନ କରିଛନ୍ତି । କହିଛନ୍ତି, ଇମାନଙ୍କ ସ୍ୱାସ୍ଥ୍ୟାବସ୍ଥା ବିଲକୁଲ ଠିକ ଅଛି, ଆଉ ଲଗାତର ଭାବେ ଏଥିରେ ସୁଧାର ଆସିବାରେ ଲଗିଛି ।
ଗତ ଦୁଇ ମାସରେ ଇମାନଙ୍କ ଓଜନ ୩୨୭ କିଲ କମ ହୋଇଥିବା କୁହାଯାଉଛି । ଏବେ ତାଙ୍କର ଓଜନ ରହିଛି ୧୭୩ କିଲୋ । ସୋମବାର ସୈଫି ହସ୍ପିଟାଲ ପକ୍ଷରୁ ଦିଆଯାଇଥିବା ବୟାନରେ ଏହି ତଥ୍ୟ ଦିଆଯାଇଥିଲା । ଆଗାମୀ କିଛି ଦିନ ମଧ୍ୟରେ ସେ ନିଜ ଘରକୁ ଫେରିପାରିବେ ବୋଲି ହସ୍ପିଟାଲ ର୍ତ୍ତୃପକ୍ଷ କହିଛନ୍ତି ।