କେବୁଲ ଅପରେଟର ଦେଉନାହଁନ୍ତି କି ଆପଣଙ୍କୁ ମନପସନ୍ଦର ଚ୍ୟାନେଲର ସର୍ଭିସ । ତେବେ ଏହି ନମ୍ବରରେ କରନ୍ତୁ ମାତ୍ର ଗୋଟିଏ ମିସଡ୍ କଲ, ତୁରନ୍ତ ନିଆଯିବ କାର୍ଯ୍ୟାନୁଷ୍ଠାନ

ଟ୍ରାଇ ତରଫରୁ ଜାରି କରାଯାଇଛି ଫୋନ ନମ୍ବର ଏବଂ ଇମେଲ ଆଇଡି

160

ଭାରତୀୟ ଦୂରସଂଚାର ନିୟାମକ ପ୍ରାଧିକରଣ ତଥା ଟ୍ରାଇ କେବୁଲ ଟିଭିର ଦରଦାମରେ ପରିବର୍ତ୍ତନ ଆଣି ନୂଆ ନିୟମ ଜାରି କରିଛି । ଏହି ନିୟମ ଅନୁସାରେ ଗ୍ରାହକଙ୍କ ନିକଟରେ ନିଜ ମନ ପସନ୍ଦର ଚ୍ୟାନେଲ ବାଛିବା ପାଇଁ ୩୧ ଜାନୁଆରୀ ପର୍ଯ୍ୟନ୍ତ ସମୟ ସୀମା ଧାର୍ଯ୍ୟ କରାଯାଇଛି । ଯାହା ଦ୍ୱାରା ବର୍ତ୍ତମାନ ଉପଲବ୍ଧ ଥିବା ସମସ୍ତ ପ୍ୟାକେଜ ଏବଂ ପ୍ଲାନ ବିନା କୌଣସି ବାଧାରେ ୩୧ ଜାନୁଆରୀ ୨୦୧୯ ପର୍ଯ୍ୟନ୍ତ ଚାଲୁ ରହିବ । ଟ୍ରାଇ ଉଭୟ କେବୁଲ ଏବଂ ଅନ୍ୟାନ୍ୟ ଚ୍ୟାନେଲ ଅପରେଟର୍ସଙ୍କୁ ନୂଆ ନିୟମରେ ସିଫ୍ଟ ହେବା ପାଇଁ ୩୧ ଜାନୁଆରୀ ଯାଏଁ ସମୟ ଦେଇଛି । ତେବେ ଏହି ଅବସରରେ ଯଦି ଆପଣଙ୍କର କେବୁଲ ଅପରେଟର୍ସ ଆପଣଙ୍କୁ ମନପସନ୍ଦର ଚ୍ୟାନେଲଗୁଡିକର ସର୍ଭିସ ଦେବାରେ କୁଣ୍ଠାବୋଧ କରନ୍ତି କିମ୍ବା ମନା କରିଦିଅନ୍ତି ତେବେ ଆପଣ ସିଧା ସଳଖ ଟ୍ରାଇ ନିକଟରେ ଏସଂପର୍କରେ ଅଭିଯୋଗ କରିପାରିବେ ।

ଏକ ବିଜ୍ଞପ୍ତି ଜାରି କରି ଟ୍ରାଇ ପକ୍ଷରୁ କୁହାଯାଇଛି କି, ନୂଆ ଫ୍ରେମୱାର୍କ ୨୯ ଡିସେମ୍ବର,୨୦୧୮ରୁ କାର୍ଯ୍ୟକାରୀ ହୋଇସାରିଛି । ତେବେ ଉପଭୋକ୍ତାମାନଙ୍କୁ ନିଜ ପସନ୍ଦର ଚ୍ୟାନେଲ ବାଛିବା ପାଇଁ ୩୧ ଜାନୁଆରୀ ପର୍ଯ୍ୟନ୍ତ ସମୟ ଦିଆଯାଇଛି । ଟ୍ରାଇ ସୂଚିତ କରିଛି କି, ଏଭଳି ଗୁଜବ ଖେଳା ଯାଉଛି କି, ନୂଆ ଫ୍ରେମୱାର୍କ ପୋଷ୍ଟପନ କରିଦିଆଯାଇଛି, କିନ୍ତୁ ଏହା ବାସ୍ତବରେ ସତ୍ୟ ନୁହେଁ । ସମସ୍ତ ସର୍ଭିସ ପ୍ରୋଭାଇଡର୍ସଙ୍କୁ ନିର୍ଦ୍ଦେଶ ଦିଆଯାଇଛି କି, ସେମାନେ ଉପଭୋକ୍ତାଙ୍କ ସହ ଆଲୋଚନା କରନ୍ତୁ ଏବଂ ସେମାନଙ୍କଠାରୁ ସେମାନଙ୍କ ପସନ୍ଦ ସଂପର୍କରେ ପଚାରି ବୁଝନ୍ତୁ । ଟ୍ରାଇ ତରଫରୁ ଜାରି ହୋଇଥିବା ବିଜ୍ଞପ୍ତିରେ କୁହାଯାଇଛି କି, ଏହି ମାଇଗ୍ରେସନ ପ୍ଲାନରେ ଦିଆଯାଇଥିବା ଟାଇମଲାଇନର ପାଳନ କରିବା ସମସ୍ତ ସର୍ଭିସ ପ୍ରୋଭାଇଡର୍ସ ବାଧ୍ୟ ଅଟନ୍ତି ।

ଏହି ନମ୍ବରରେ କରିପାରିବେ ଇନକ୍ୱାରି ଏବଂ ଅଭିଯୋଗ

ଟ୍ରାଇ ପକ୍ଷରୁ ସମସ୍ତ ଗ୍ରାହକଙ୍କ ପାଇଁ ଫୋନ ନମ୍ବର ଏବଂ ଇ-ମେଲ ଆଇଡି ଜାରି କରାଯାଇଛି । ଯାହା ଜରିଆରେ ଗ୍ରାହକମାନଙ୍କ ମଧ୍ୟରେ ଥିବା ସମସ୍ତ ଦ୍ୱନ୍ଦ୍ୱ ସଂପର୍କରେ ପଚାରି ବୁଝିପାରିବେ । ଏଥି ସହିତ ହିଁ ଯଦି ସେମାନଙ୍କ ସର୍ଭିସ ପ୍ରୋଭାଇଡର ସେମାନଙ୍କୁ ସେବା ପ୍ରଦାନ କରିପାରିବାରେ ଅବହେଳା କରୁଛନ୍ତି ତେବେ ତାର ଅଭିଯୋଗ ମଧ୍ୟ ଏଠାରେ କରିପାରିବେ । ଆପଣ ବ୍ରୋଡକାଷ୍ଟିଂ ଏବଂ କେବୁଲ ସର୍ଭିସେସ୍ ଡିଭିଜନର ଏହି ଅଧିକାରୀଙ୍କ ସହ ଯୋଗାଯୋଗ କରିପାରିବେ ।

ଅନୀଲ କୁମାର ଭରଦ୍ୱାଜ, ଆଡଭାଇଜର

ଫୋନ ନମ୍ବର-୦୧୧-୨୩୨୩୭୯୨୨

ଇ-ମେଲ- [email protected]

ମତାମତ

Your email address will not be published.