ଦେଶର ସବୁଠାରୁ ବଡ ବ୍ୟାଙ୍କ ତଥା ଭାରତୀୟ ଷ୍ଟେଟ୍ ବ୍ୟାଙ୍କ ଏସବିଆଇ ନିଜର ଗ୍ରାହକଙ୍କ ପାଇଁ ଏକ ବିଶେଷ ସୁବିଧା ଭେଟି ଦେଇଛି । ଯେଉଁଥିରେ ବ୍ୟାଙ୍କ ତା’ର ୧୪୩ ଶାଖାଗୁଡିକୁ ଆଧୂନିକ ଜ୍ଞାନ କୌଶଳରେ ଅନ୍ତର୍ଭୁକ୍ତ କରିଛି । ଯାହାଦ୍ୱାରା ଯେଉଁ ସବୁ କାମ ପାଇଁ ସପ୍ତାହେ କିମ୍ବା ମାସେ ଲାଗିଯାଉଥିଲା । ତାହା ବର୍ତ୍ତମାନ ମାତ୍ର କେଇ ମୁହୂର୍ତ୍ତ ରେ ହୋଇଯିବ । ବ୍ୟାଙ୍କିଂ ସେବାଗୁଡିକର ଅତିରିକ୍ତ ଏମବିଆଇର ସହଯୋଗୀ କଂପାନୀ ଲାଇଫ ଇନସ୍ୟୁରାନ୍ସ, ଜେନେରାଲ ଇନସ୍ୟୁରାନ୍ସ, ମ୍ୟୁଚୁଆଲ ଫଣ୍ଡ ,କ୍ରେଡିସ ଏବଂ ଏସବିଆଇ କ୍ୟାପ ସିକ୍ୟୁରିଟି ଜରିଆରେ ଇନଲାଇନ ଟ୍ରେଡିଂ ସଂପର୍କରେ କାମ କରିପାରିବେ । ତେବେ ଏସବିଆଇରର ଏହି ସୁବିଧାର ନାଁ ରହିଛି ‘ଏସବିଆଇଇନଟଚ’ ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କର ଜାଣିବା ପାଇଁ ଏଠାରେ ଆମେ କହିରଖୁଛୁ କି, ଏସବିଆଇଇନଟଚ ଶାଖା ଜରିଆରେ ସଂଚୟ ଖାତା, କରେଂଟ ଖାତା, ପିପିଏଫ ଖାତା ଆଦି ସହଜରେ ଖୋଲି ପାରିବେ । ଆକାଉଂଟ ଓପନିଂ କିୟୋସ୍କ (ଏସକେ) ମାଧ୍ୟମରେ ସବୁକାମଗୁଡିକ ଟଚ ମାଧ୍ୟମରେ ସଂପନ୍ନ କରାଯାଇପାରିବ । ତେବେ ଏହାର ସବୁଠାରୁ ବିଶେଷ ବୈଶିଷ୍ଟ୍ୟ ହେଲା କି ଡେବିଟ କାର୍ଡ ପ୍ରିଟିଂ କିୟୋସ୍କ ଜରିଆରେ ଗ୍ରାହକ ମାତ୍ର ୧୫ ମିନିଟରେ ଡେବିଟ୍ କାର୍ଡ ଉପରେ ନିଜର ଫଟୋ ଲଗାଇ ପାରିବେ । ଏଥିପାଇଁ ଖୋଲାଯାଇଥିବା ଉକ୍ତ ବିଶେଷ ଶାଖାରେ ଆପଣଙ୍କର ଖାତା ରହିଥିବା ଜରୁରୀ ନୁହେଁ । ବ୍ୟାଙ୍କର ଏହି ଶାଖାଗୁଡିକରେ ଗ୍ରାହକ ୨୪ ଘଂଟା ଚେକ୍ , ପାସବୁକ୍ ପ୍ରିଂଟ ଏବଂ କ୍ୟାସ ଜମା କରିପାରିବେ ।
‘ଏସବିଆଇଇନଟଚ ଟ୍ୟାପ ଆଣ୍ଡ ଗୋ କନେକ୍ଲେସ’ ଟେକନିକର ବ୍ୟବହାର କରିଥାଏ । ଏହାବ୍ୟତୀତ ଏହି ଗ୍ରାହକ କୌଣସି ବି ମଚେଟଙ୍କ ନିକଟରେ କନେକ୍ଟ ଲେସ ସିମ୍ବଲ ଦେଖିବା କ୍ଷଣି କନେକ୍ଟଲେସ ଡେବିଟ କାର୍ଡ ଜରିଆରେ ପେମେଂଟ କରିପାରିବେ । ଏହାଦ୍ୱାରା ଗ୍ରାହକଙ୍କୁ କେବଳ ପିଓଏସ ମେସିନ ଆଗରେ କାର୍ଡକୁ ୱେଭ କରିବାକୁ ପଡିବ ।
ଗ୍ରାହକଙ୍କୁ କଣ କରିବାକୁ ପଡିବ
ଏଥିପାଇଁ ନୂଆ ଗ୍ରାହକଙ୍କୁ ଭାରତରେ ଏସବିଆଇରେ ଖାତା ଖୋଲିବାକୁ ହେବ ଯିଏକି ଏସବିଆଇଇନଟଚ ଟ୍ୟାପ ଆଣ୍ଡ ଗୋ ଜାରି କରିପାରିବେ । ବର୍ତ୍ତମାନର ଗ୍ରାହକ ବ୍ୟାଙ୍କକୁ ଏଥିପାଇଁ ରିକ୍ୱେଷ୍ଟ କରିପାରିବେ । କାରଣ ଏହାଦ୍ୱାରା ଉପଲବ୍ଧ ଡେବିଟ କାର୍ଡକୁ ଏସବିଆଇଇନଟଚ ଟ୍ୟାପ ଆଣ୍ଡ ଗୋ ଉପରେ ଅପଗ୍ରେଡ୍ କରିଦିଆଯିବ ।