ଲକ୍ଷାଧିକ ଟଙ୍କାର ଚାକିରି ଛାଡି ସେନାରେ ଭର୍ତ୍ତି ହେଲେ ମୁଖ୍ୟମନ୍ତ୍ରୀଙ୍କ ଝିଅ ! ଯବାନ ପୋଷାକରେ ଝିଅକୁ ଦେଖି ଗର୍ବରେ ଫୁଲି ଗଲା ବାପାଙ୍କର ଛାତି
ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଏବଂ ବର୍ତ୍ତମାନର ହରିଦ୍ୱାରର ସାଂସଦ ଡା.ପୋଖରିୟାଲ ନିଶଙ୍କର ଝିଅ ଶ୍ରେୟାସି ନିଶଙ୍କ ଲକ୍ଷ ଲକ୍ଷ ଟଙ୍କାର ଚାକିରି ଛାଡି ସେନା ଅଫିସର ବନିଛନ୍ତି । ଏହି ବିଶେଷ ଅବସରରେ ଲକ୍ଷ୍ନୌରେ ଆୟୋଜିତ ପାସିଂ ଆଉଟରେ ଖୋଦ୍ ଡା. ନିଶଙ୍କ ଉପସ୍ଥିତ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ଦୁନର ସ୍କଲାର୍ସ ହୋମ ସିନିୟର ସେକେଣ୍ଡାରୀ ସ୍କୁଲରୁ ଦ୍ୱାଦଶ ଶ୍ରେଣୀ ପାସ କରିବା ପରେ ଶ୍ରେୟସି ନିଶଙ୍କ ହିମାଳୟନ ମେଡିକାଲ କଲେଜ ଜୋଲିଗ୍ରାଂଟରୁ ଏମବିବିଏସର ପାଠପଢା ଶେଷ କରିଥିଲେ । ଏହାପରେ ତାଙ୍କୁ ବିଦେଶରେ ଏକ ନାମୀ କଂପାନୀରେ ଚାକିରି ମିଳିଥିଲା । ଯେଉଁଠି ତାଙ୍କୁ ମାସକୁ ଲକ୍ଷାଧିକ ଟଙ୍କାର ଦରମା ମିଳୁଥିଲା । ହେଲେ ଏସବୁକୁ ଛି କରି ସେନାରେ ରହି ଦେଶସେବା ପାଇଁ ଦୌଡି ଆସିଥିଲେ ଶ୍ରେୟସି । କାହିଁକି ନା ପିଲାଟି ଦିନରୁ ହିଁ ସେନାରେ ଭର୍ତ୍ତି ହୋଇ ଦେଶସେବା କରିବାର ସ୍ୱପ୍ନ ରହିଥିଲା ଶ୍ରେୟସିଙ୍କର ଆଉ ଏହି ସ୍ୱପ୍ନକୁ ସାକାର କରିବାରେ ସଫଳ ହୋଇଥିଲେ ଶ୍ରେୟସି । ଶ୍ରେୟସି ଭାରତୀୟ ସେନାର ମେଡିକାଲ କୋରରେ ଜଏନ କରିଛନ୍ତି ।
ଶନିବାର ଲକ୍ଷ୍ନୌରେ ଆୟୋଜିତ ହୋଇଥିବା ପାସିଂ ଆଉଟ୍ ପରେଡରୁ ପାସଆଉଟ ହୋଇ ଶ୍ରେୟସି ନିଶଙ୍କ ସେନାରେ କର୍ଣ୍ଣଲ ବନିଗଲେ । ଶ୍ରେୟସିଙ୍କର ବଡ ଭଉଣୀ ଆରୁଷି ନିଶଙ୍କଙ୍କ କହିବା କଥା ହେଲା କି, ଉତରାଖଣ୍ଡରେ ପୂର୍ବରୁ ହିଁ ଯୁବପୀଢିଙ୍କର ସେନାରେ ଭର୍ତ୍ତି ହେବା ନେଇ ପ୍ରବଳ ଉତ୍ସାହ ରହିଛି । ସେହିଭଳି ପିଲାଟି ଦିନରୁ ବି ସେନାରେ ଭର୍ତ୍ତି ହେବାର ଇଚ୍ଛା ରହିଥିଲା । ଯାହାକୁ ସେ ବର୍ତ୍ତମାନ ଚରିତାର୍ଥ କରିବାରେ ସଫଳ ହୋଇଛି ।
ତେବେ ତାଙ୍କର ପୂରା ପରିବାର ଶ୍ରେୟସି ଉପରେ ଗର୍ବିତ । ଆପଣଙ୍କୁ ଏଠାରେ ଆମେ କହି ରଖୁଛୁ କି, ଶ୍ରେୟସିଙ୍କ ବାପା ଡା. ରମେଶ ପୋଖରିୟାଲ ନିଶଙ୍କ ଉତରାଖଣ୍ଡର ପୂର୍ବ ମୁଖ୍ୟମନ୍ତ୍ରୀ ରହିଥିବା ବେଳେ ବର୍ତ୍ତମାନ ସେ ହରିଦ୍ୱାରାର ସାଂସଦ ଅଛନ୍ତି । ଝିଅର ସେନାରେ ଜଏନ କରିବା ଉପରେ ଡା. ନିଶଙ୍କ କହିଛନ୍ତି ଯେ, ମୁଁ ବହୁତ ଗର୍ବ ଅନୁଭବ କରୁଛି କି ମୋର ଝିଅ ସେନାରେ ଭର୍ତ୍ତି ହୋଇ ଦେଶସେବା କରିବ । ସେ ଆହୁରୀ କହିଛନ୍ତି କି, ମୋର ଇଚ୍ଛା ଥିଲା ଆମ ପରିବାରରୁ କେହିଁ ଜଣେ ସେନାରେ ରହୁ ବୋଲି । ଆଉ ମୋର ଏହି ଇଚ୍ଛାକୁ ପୂରଣ କରି ଦେଖାଇଛି ମୋର ଝିଅ । ଶ୍ରେୟସି ପିଲାଟି ଦିନରୁ ହିଁ ସେନାର ଭର୍ତ୍ତି ହୋଇ ଦେଶ ପାଇଁ କିଛି କରିବାକୁ ଚାହୁଁଥିଲା । ଯାହାକୁ ଆଜି ସେ ସଫଳ କରିଦେଖାଇଛି । ଶ୍ରେୟସିଙ୍କ ପାଇଁ ଆମେ ଗର୍ବିତ ବୋଲି କହିଛନ୍ତି ଉତ୍ତାରଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଡା. ରମେଶ ପୋଖରିୟାଲ ।