କ୍ରିକେଟର ଗମ୍ଭୀରଙ୍କ ମହାନତା ! ଶହୀଦ ଏଏସଆଇ ଅବଦୁଲ୍ ରଶିଦଙ୍କ ଝିଅଙ୍କୁ ପଢାଇବେ ପାଠ
ଭାରତୀୟ କ୍ରିକେଟ ଦଳର ଓପନର ବ୍ୟାଟ୍ସମ୍ୟାନ ଗୈାତମ ଗମ୍ଭୀର । ନିଜ ଖେଳକୁ ନେଇ ଯେମିତି ଚର୍ଚ୍ଚାରେ । ସେମିତି ଏବେ ଆଉ ଏକ ମହତ କାମ ପାଇଁ ଖୁବ୍ ଚର୍ଚ୍ଚିତ । ଜମ୍ମୁ-କଶ୍ମୀରର ଅନନ୍ତନାଗ ଅଂଚଳରେ ଆତଙ୍କବାଦୀ ହମଲା , ଯାହା ସମସ୍ତ ଦେଶବାସୀଙ୍କୁ କରିଛି ବ୍ୟଥିତ । ଏଥିରେ ଶହୀଦ୍ ହୋଇଥିବା ଏଏସଆଇ ଅବଦୁଲ୍ ରଶିଦ୍ ଙ୍କ ଝିଅ ଜୋହରାଙ୍କ ସାହାଯ୍ୟ ପାଇଁ ଆଗେଇ ଆସିଛନ୍ତି ଗମ୍ଭୀର । ଜୋହରାଙ୍କ ସମସ୍ତ ପଢା ଖର୍ଚ୍ଚ ବହନ କରିବେ ଏହି ଭାରତୀୟ କ୍ରିକେଟର । ଏହି ଖବର ଏବେ ସାମ୍ନାକୁ ଆସିଛି । ଗମ୍ଭୀର ଏକ ଟ୍ୱିଟ୍ ମାଧ୍ୟମରେ ଜୋହରାଙ୍କର ସମସ୍ତ ପଢା ଖର୍ଚ୍ଚ ବହନ କରିବେ ବୋଲି ଜଣାଇଛନ୍ତି । ଗମ୍ଭୀରଙ୍କର ଏହି ମହତ ଉଦ୍ଦେଶ୍ୟକୁ ସମସ୍ତେ ପ୍ରଶଂସା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନବଭାରତ ଟାଇମ୍ସରେ ପ୍ରକାଶିତ ସୂଚନା ଅନୁସାରେ, ଗମ୍ଭୀର ନିଜର ଏକ ଟ୍ୱିଟରେ କହିଛନ୍ତି, ‘ଜୋହରା, ମୁଁ ଲୋରି ଗାଇ ତୁମକୁ ଶୁଆଇ ପାରିବିନି, କିନ୍ତୁ ତୁମର ସ୍ୱପ୍ନକୁ ସାକାର କରିବାକୁ ସାହାଯ୍ୟ କରିପାରିବି । ତୁମର ଶିକ୍ଷାର ଉନ୍ନତି ପାଇଁ ସାହାଯ୍ୟ କରିବି ।’ ସୂଚନା ଏହିଯେ, ଗୈାତମ ଗମ୍ଭୀର ସୁକମାରେ ଚଳିତ ବର୍ଷ ଅପ୍ରେଲ ମାସରେ ହୋଇଥିବା ନକ୍ସଲ ହମଲାରେ ଶହୀଦ ସିଆରପିଏଫ୍ ଜବାନଙ୍କ ପରିବାରକୁ ସାହାଯ୍ୟ ପାଇଁ ଆଗେଇ ଆସିଥିଲେ । ସେ ୨୫ ଜଣ ଶହୀଦ ଜବାନଙ୍କ ପିଲାଙ୍କ ପଢା ଖର୍ଚ୍ଚ ବହନ କରିବେ ବୋଲି କହିଥିଲେ । ସେ ଗୈାତମ ଗମ୍ଭୀର ଫାଉଣ୍ଡେସନ ଜରିଆରେ ସାହାଯ୍ୟ କରିବାକୁ ଘୋଷଣା କରିଥିଲେ ।
ଉଲ୍ଲେଖନୀୟ ଯେ, ରଶିଦଙ୍କ ଅନ୍ତିମ ସଂସ୍କାର ସମୟରେ ଜୋହରାର ଦୁଃଖଦ ଫଟୋ ସମସ୍ତଙ୍କୁ ବ୍ୟଥିତ କରିଦେଇଥିଲା । ସୋସିଆଲ୍ ମିଡିଆରେ ଲୋକେ ଜୋହରା ପ୍ରତି ନିଜର ସମ୍ବଦନା ବ୍ୟକ୍ତ କରିଥିଲେ । ଦକ୍ଷିଣ କଶ୍ମୀର ର ଡିଆଇଜି ଏସପି ପାଣି ଜୋହରାଙ୍କ ଫଟୋ ସେୟାର କରି ଭାବୁକ ଭରା ସନ୍ଦେଶ ଲେଖିଥିଲେ । ଏହି ସନ୍ଦେଶ ସୋସିଆଲ ମିଡିଆରେ ଭାଇରାଲ୍ ହୋଇଥିଲା । ଛୋଟ ଶିଶୁ ଜୋହରା ନାମରେ ସନ୍ଦେଶ ଜାରି କରି ଡିଆଇଜି ଲେଖିଥିଲେ , ‘ ମୋର ପ୍ରିୟ ଜୋହରା, ତୁମର ଲୁହ ଆମ ହୃଦୟକୁ ଦୁଃଖିତ କରିଦେଇଛି । ତୁମ ପିତା ଦେଇଥିବା ବଳିଦାନକୁ ସବୁଦିନ ମନେରଖାଯିବ । ଏହା କାହିିଁକି ହେଲା ତୁମେ ଏହାକୁ ବୁଝିବାରେ ବହୁତ ଛୋଟ ଅଛ । ଏହି ଭଳି ହିଂସା ପାଇଁ ଦାୟି ଲୋକ , ଯେଉଁମାନେ ରାଜ୍ୟର ପ୍ରତୀକ ଉପରେ ଆକ୍ରମଣ କରିଛନ୍ତି । ସେମାନେ ପାଗଳ । ମଣିଷସମାଜର ଶତ୍ରୁ । ’
ଡିଆଇଜି ଲେଖିଛନ୍ତି, ‘ତୁମ ପିତା ବି ଆମ ସମସ୍ତଙ୍କ ଭଳି ଜମ୍ମୁ-କଶ୍ମୀର ପୁଲିସର ପ୍ରତିନିଧିତ୍ୱ କରୁଥିଲେ । ଯାହା ବୀରତ୍ୱ ଓ ବଳିଦାନର ପ୍ରତୀକ ଅଟେ ।’ ନିରୀହ ଶିଶୁକୁ ସାନ୍ତ୍ୱନା ଦେଇ ଡିଆଇଜି ଲେଖିଛନ୍ତି, ‘ ଆମ ଲୋକମାନଙ୍କ ଭିତରେ ଅନେକ ପରିବାର ସମାଜର ସୁରକ୍ଷା ଓ ହିତ ପାଇଁ ଅପୂରଣୀୟ କ୍ଷତି ସହିଛନ୍ତି । ଏମିତି କାହାଣୀ ଓ ବ୍ୟକ୍ତି ଆମକୁ ଗର୍ବିତ କରିଥାନ୍ତି । ଆମେ ଆମର ନାୟକଙ୍କୁ ଭୁଲି ପାରିବା ନାହିଁ । ନିଜର ପ୍ରିୟଜନ ଯାହାଙ୍କ ସହ ଆମେ ରହିଛେ ଓ ବର୍ଷ ବର୍ଷ ଧରି କାମ କରିଛୁ । ’ ଡିଆଇଜି କହିଛନ୍ତି, ଏ ସବୁ ପରିବାର ଜମ୍ମୁ-କଶ୍ମୀର ପୁଲିସର ଗୈାରବମୟ ଯାତ୍ରାର ଅଂଶ ଅଟେ । ଏମିତି ମୁସ୍କିଲ୍ ସମୟରେ ଏହା ମନେରଖିବା ଯେ ଆମେ ସବୁ ଗୋଟିଏ ପରିବାରର ସଦସ୍ୟ । (ସୌଜନ୍ୟ-ନବଭାରତ ଟାଇମ୍ସ)