କଳି ଯୁଗରେ କଳକୀ ଅବତାର ! ମିଳିଲା ପ୍ରମାଣ, କେବେ ଏବଂ କେଉଁଠି ଜନ୍ମ ନେବେ ଭଗବାନ ବିଷ୍ଣୁ
ଯେ ପର୍ଯ୍ୟନ୍ତ ପୃଥିବୀ ପୃଷ୍ଠରେ ପାପର ଭାର ତଥା ପାପୀଙ୍କ ଦୋରାତ୍ମ୍ୟ ବଢି ଚାଲିଥିବ ସେମାନଙ୍କୁ ବିନାଶ କରିବା ପାଇଁ ସୟଂ ଭଗବାନ ବିଷ୍ଣୁ ଧରା ପୃଷ୍ଠରେ ଜନ୍ମ ନେଇଥାନ୍ତି । ତେବେ ଶାସ୍ତ୍ର ଅନୁସାରେ, କଳି ଯୁଗର ଅନ୍ତିମ ସମୟରେ ଭାଗବାନ ବିଷ୍ଣୁ ପୁଣି ଏକ ଅବତାର ନେବେ ଯାହା କଳକୀ ଅବତାର ନାମରେ ପ୍ରସିଦ୍ଧ ହେବ । ଶ୍ରୀମଦଭଗବତ ମହାପୁରାଣରେ ଭଗବାନଙ୍କ କଳକୀ ଅବତାର ସଂପର୍କରେ ବର୍ଣ୍ଣନା କରାଯାଇଛି । ତେବେ କେବେ କେଉଁଠି ଏବଂ କାହା ଘରେ ଭଗବାନ ବିଷ୍ଣୁ କଳକୀ ଅବତାର ଜନ୍ମ ଗ୍ରହଣ କରିବେ ଆଜି ଆମେ ସେ ସଂପର୍କରେ ଆଲୋଚନା କରିବାକୁ ଯାଉଛୁ ।
Kanak News is now on WhatsApp
Join and get latest news updates delivered to you via WhatsApp
କେଉଁଠି ଆଉ କାହା ଘରେ ଜନ୍ମ ନେବେ କଳକୀ ?
ଶ୍ରୀମଦଭଗବତ ମହାପୁରାଣର ଏକ ସ୍କନ୍ଦରେ ଉଲ୍ଲେଖ ରହିଛି କି, ସମ୍ଭଲ ନାମକ ଗ୍ରାମରେ ବିଷ୍ଣୁ ନାମକ ଜଣେ ବ୍ରାହ୍ମଣ ଅଛନ୍ତି ଯାହାଙ୍କ ହୃଦୟ ବହୁତ ଉଦାର ଏବଂ ଭଗବତ ଭକ୍ତିରେ ପରିପୂର୍ଣ୍ଣ । ଏବଂ ତାଙ୍କ ଘରେ ହିଁ ଭଗବାନ ବିଷ୍ଣୁ କଳକୀ ଅବତାରରେ ଜନ୍ମ ଗ୍ରହଣ କରିବେ । ତେବେ ଏହି ସ୍ଥାନଟି ଉତ୍ତର ପ୍ରଦେଶର ମୋରଦାବାଦସ୍ଥିତ ସମ୍ଭଲ ଗାଁ । ଆଉ ଏହିଠାରେ ହିଁ ଭଗବାନ କଳକୀ ଜନ୍ମ ଗ୍ରହଣ କରିବେ । ତେବେ କଳକୀ ଦେବରତ ନାମକ ଅଶ୍ୱରେ ବସି ସଂସାରରେ ପାପୀଙ୍କ ସଂଘାର କରିବେ ଏବଂ ପୁଣି ଥରେ ଧର୍ମର ସ୍ଥାପନା କରିବେ ।
କଳକୀ ଅବତାର କେବେ ନେବେ ?
ଶାସ୍ତ୍ର ଅନୁସାରେ, ଶ୍ରାବଣ ମାସର ଶୁକ୍ଳ ପକ୍ଷର ଷଷ୍ଠୀ ତୀଥିରେ କଳକୀଙ୍କ ଜନ୍ମ ହେବ । ତେବେ ଅନେକ ସ୍ଥାନରେ ଏହି ଦିନଟିକୁ କଳକୀ ଜୟନ୍ତୀ ନାମରେ ମଧ୍ୟ ପାଳନ କରାଯାଇଥାଏ । କଳକୀ ଅବତାର କଳି ଯୁଗ ଏବଂ ସତ୍ୟ ଯୁଗର ସନ୍ଧି କାଳରେ ହିଁ ହେବ । ଏହି ଅବତାର ସେ ୬୪ କଳାରେ ଲିପ୍ତ ହେବେ । ବର୍ତ୍ତମାନ ଭଗବାନ କଳକୀଙ୍କ ପ୍ରାଚୀନ କାଳର ମନ୍ଦିର ଉତ୍ତର ପ୍ରଦେଶର ସମ୍ଭଲଠାରେ ହିଁ ରହିଛି । ଶାସ୍ତ୍ରରେ ସମ୍ଭଲ ଜିଲ୍ଲାକୁ ସମ୍ବଲ ନାମରେ ଉପସ୍ଥାପନା କରାଯାଇଛି । ସମ୍ଭଲଠାରେ ଅବସ୍ଥାପିତ ପ୍ରାଚୀନ ବିଷ୍ଣଙ୍କ ମନ୍ଦିରର ଇତିହାସ ବହୁତ ରୋଚକ । ଏଠାରେ କଳକୀଙ୍କ ମୂର୍ତ୍ତିକୁ ପୂଜାରୀଙ୍କ ବ୍ୟତୀତ କେହି ଛୁଇଁ ନଥାନ୍ତି । କାରଣ, ଭଗବାନଙ୍କ ମୂର୍ତ୍ତିକୁ ସ୍ପର୍ଶ କରିବା ପାଇଁ ସମସ୍ତ ଭକ୍ତକୁ ଏଠାରେ ବାରଣ କରାଯାଇଥାଏ ।