ସୁବିଧା ଏବଂ ସୁରକ୍ଷା ଆଳରେ ଲୋକଙ୍କୁ ଲୁଟିପାରିବେନି ବ୍ୟବସାୟୀ। ଗ୍ରାହକଙ୍କଠୁ ପାର୍କିଂ ଚାର୍ଜ ନେଇପାରିବେନି କୌଣସି ବି ମଲ କିମ୍ବା ସିନେମା ହଲର ମାଲିକ

284

ସୁବିଧା ଏବଂ ସୁରକ୍ଷା ଆଳରେ ଏଭଳି କୌଣସି ବି ମଲ କିମ୍ବା ସିନେମା ହଲର ମାଲିକ ମାନେ ଲୋକଙ୍କଠାରୁ ପାର୍କିଂ ଫି ଆଦାୟ କରିପାରିବେ ନାହିଁ । ଏକ ମାମଲାର ଶୁଣାଣି କରି ଏଭଳି ଏକ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି ଗୁଜୁରାଟ ହାଇକୋର୍ଟ । ତେବେ ଅଦାଲତଙ୍କ ନିଷ୍ପତି ଅନୁଯାୟୀ, ଏଣିକି ମଲ କିମ୍ବା କୌଣସି ସିନେମାହଲରେ ଗ୍ରାହକଙ୍କୁ କାର କିମ୍ବା ବାଇକ୍ ପାର୍କିଂ ପାଇଁ ଏକ୍ସଟ୍ରା ଚାର୍ଜ ଦେବାକୁ ପଡିବନି । ଯଦି କୌଣସି ମଲ କିମ୍ବା ସିନେମା ହଲ ପାର୍କିଂ ଶୁଳ୍କ ନିଅନ୍ତି ତେବେ ଏହା ସଂପୂର୍ଣ୍ଣ ରୂପେ  ବେଆଇନ । ଏପରିକି  ଏଥିପାଇଁ ଉକ୍ତ ମଲ ତଥା ସିନେମା ହଲ ବିରୋଧରେ କାର୍ଯ୍ୟାନୁଷ୍ଠାନ ମଧ୍ୟ ନିଆଯାଇପାରେ ।

ସୂଚନା ମୁତାବକ, ଅହମଦାବାଦରେ ଟ୍ରାଫିକ୍ ଏବଂ ପାର୍କିଂ ଅଭିଯାନ ଅନ୍ତର୍ଭୁକ୍ତ ଜୁଲାଇ ୨୧ ତାରିଖ ୨୦୧୮ରେ ଅହମଦାବାଦ ପୁଲିସ କମିଶନର ସୂଚନା ଜାରି କରିଥିଲା କି ମଲ- ମଲ୍ଟିପ୍ଲେକ୍ସରେ ଆସୁଥିବା ପାର୍କିଂ  ଶୁଳ୍କ ଆଦାୟ କରିବା ଅବୈଧ ଅଟେ । ନିୟମର ଉଲ୍ଲଂଘନକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ମଧ୍ୟ ନିଆଯିବ । ତେବେ ନିୟମ ଉଲ୍ଲଂଘନ କରିବା ଅଭିଯୋଗରେ ଟ୍ରାଫିକ୍ ପୁଲିସ ଅଲ୍ଫାୱାନ ନାମକ ଏକ ମଲ ବିରୋଧରେ ନୋଟିସ ବି ଜାରି କରିଥିଲା । ଯାହାର ଶୁଣାଣିରେ କୋର୍ଟ ଏଭଳି ରାୟ ଦେଇଛନ୍ତି ।

ଏକ ଘଂଟା ପର୍ଯ୍ୟନ୍ତ ପାର୍କିଂ ଫ୍ରି

ଟ୍ରାଫିକ୍ ପୁଲିସର ନୋଟିସକୁ ଉକ୍ତ ମଲର ମାଲିକ ହାଇକୋର୍ଟରେ ଚ୍ୟାଲେଂଜ ଦେଇଥିଲେ । ଯେଉଁଥିରେ ହାଇକୋର୍ଟର ସିଙ୍ଗଲ ଜଜ ନିଷ୍ପତି  ଶୁଣାଇଥିଲେ କି ଏକ ଘଂଟା ପର୍ଯ୍ୟନ୍ତ ନିଶୁଳ୍କ ପାର୍କିଂ ପରେ ଶୁଳ୍କ ଆଦାୟ କରିପାରିବେ ମଲ ମାଲିକ । ଏଥିସହିତ ହିଁ ଏକ ଘଂଟା ପରେ ମଲ୍ଟିପ୍ଲେକ୍ସ କର୍ତ୍ତୃପକ୍ଷ ଦୁଇ ଚକିଆ ଯାନର ମାଲିକଙ୍କଠାରୁ ୧୦ ଏବଂ କାର ମାଲିକଙ୍କଠୁ ୩୦ ଟଙ୍କା ଆଦାୟ କରିପାରିବେ ।

Comments are closed.