୧୯ଟି ସରକାରୀ ବ୍ୟାଙ୍କରେ ନିଯୁକ୍ତି ନେଇ ପ୍ରକାଶ ପାଇଲା ବିଜ୍ଞପ୍ତି ! ତୁରନ୍ତ କରନ୍ତୁ ଆବେଦନ, ଜାଣନ୍ତୁ ପୂରା ପ୍ରକ୍ରିୟା
ନ୍ୟାସନାଲାଇଜଡ ବ୍ୟାଙ୍କମାନଙ୍କରେ ୭୨୭୫ଟି ପଦବୀରେ ନିଯୁକ୍ତି ନେଇ ବିଜ୍ଞପ୍ତି ପ୍ରକାଶ ପାଇଛି । ଯେଉଁଥିରେ ଉତ୍ତରପ୍ରଦେଶରେ ସର୍ବାଧିକ ୯୪୪ଟି ପଦବୀେରେ ନିଯୁକ୍ତି ନେଇ ବିଜ୍ଞପ୍ତି ପ୍ରକାଶ ପାଇଛି । ସେହିପରି ତାମିଲନାଡୁରେ ୭୯୨ଟି ଏବଂ ମହାରଷ୍ଟ୍ରରେ ୭୭୨ଟି, ବିହାରରେ ୧୭୮ଟି ଏବଂ ଝାଡଖଣ୍ଡରେ ୧୧୦ ଟି ପଦବୀରେ ନିଯୁକ୍ତି ନେଇ ବିଜ୍ଞପ୍ତି ପ୍ରକାଶ ପାଇଛି । ଇନଷ୍ଟିଚ୍ୟୁଟ୍ ଅଫ ବ୍ୟାଙ୍କିଂ ପର୍ସନାଲ ସିଲେକ୍ସନ ତଥା ଆଇବିପିଏସ ତରଫରୁ କ୍ଲର୍କ ପାଇଁ ୭୨୭୫ଟି ପଦବୀରେ ନିଯୁକ୍ତି ଲାଗି ଆବେଦନ ପାଇଁ ବିଜ୍ଞପ୍ତି ପ୍ରକାଶ ପାଇଛି । ଏଥିପାଇଁ ଇଚ୍ଛୁକ ତଥା ଯୋଗ୍ୟ ଆଶାୟୀପ୍ରାର୍ଥୀ ଏହି ପଦବୀ ପାଇଁ ୧୮ ସେପ୍ଟେମ୍ବରରୁ ୧୦ ଅକ୍ଟୋବର ୨୦୧୮ ସୁଧା ଅନଲାଇନ ଆବେଦନ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ପଦବୀ ସଂପର୍କିତ ତଥ୍ୟ:
କ୍ଲର୍କ: ୭୨୭୫
ଦରମା: ମାସିକ ଦରମା ୭,୨୦୦ରୁ ୧୯,୩୦୦ ଟଙ୍କା
ଯୋଗ୍ୟତା: କୌଣସି ବି ମାନାତା ପ୍ରାପ୍ତ ବିଶ୍ୱବିଦ୍ୟାଳୟ ବା ସଂସ୍ଥାରୁ କୌଣସି ବି ବ୍ୟାଚଲର ଡିଗ୍ରୀ ପ୍ରାପ୍ତ କରିଥିବାର ଆବଶ୍ୟକ । ଆବେଦନ କରିବାର ଶେଷ ତାରିଖ ସୁଧା ଏହି ଯୋଗ୍ୟତା ହାସଲ କରିବା ନିହାତି ଜରୁରୀ ।
ବୟସସୀମା: ସର୍ବନିମ୍ନ ୨୦ ବର୍ଷରୁ ସର୍ବାଧିକ ୨୮ ବର୍ଷ
ଚୟନ ପ୍ରକ୍ରିୟା: ଯୋଗ୍ୟ ଆଶାୟୀପ୍ରାର୍ଥୀଙ୍କର ଚୟନ ପ୍ରାରମ୍ଭିକ ପରୀକ୍ଷା, ମୁଖ୍ୟ ପରୀ କ୍ଷା ଆଧାରରେ କରାଯିବ । ମେରିଟି ଲିଷ୍ଟ କୁ ପ୍ରସ୍ତୁତ କରିବା ମାତ୍ର ମୁଖ୍ୟ ପରୀକ୍ଷା ଏବଂ ସାକ୍ଷାତକାରରେ ଲାଭ କରିଥିବା ମାର୍କକୁ ମିଶାଯିବ । ତେବେ ପ୍ରାରମ୍ଭିକ ପରୀକ୍ଷାର ଉଦ୍ଦେଶ୍ୟ ହେଲା ମୁଖ୍ୟ ପରୀକ୍ଷା ପାଇଁ ଆଶାୟୀପ୍ରାର୍ଥୀଙ୍କୁ ସର୍ଟଲିଷ୍ଟ କରିବା ।
ଆବେଦନ ଶୁଳ୍କ: ସାଧାରଣ ଏବଂ ଓବିସି ବର୍ଗର ଆଶାୟୀପ୍ରାର୍ଥୀଙ୍କ ପାଇଁ ଆବେଦନ ଶୁଳ୍କ ରଖାଯାଇଛି ୬୦୦ଟଙ୍କା । ଏସସି, ଏସଟି ଏବଂ ଦିବ୍ୟାଙ୍ଦଙ୍କ ପାଇଁ ୧୦୦ ଟଙ୍କା । ତେବେ ଶୁଳ୍କର ପେମେଂଟ ନେଟ ବ୍ୟାଙ୍କିଂ କିମ୍ବା ଡେବିଟ୍/କ୍ରେଡିଟ୍ କାର୍ଡରୁ କରିବାକୁ ପଡିବ ।
ଆବେଦନ ପ୍ରକ୍ରିୟା: ଇଚ୍ଛୁକ ଏବଂ ଯୋଗ୍ୟପ୍ରାର୍ଥୀ ଆଇବିପିଏସର େଓବସାଇଟ ଡବ୍ଲୁଡବ୍ଲୁଡବ୍ଲୁ ଡଟ୍ ଆଇବିପିଏସ ଡଟ୍ ଇନ ମାଧ୍ୟମରେ ଅନଲାଇନ ଆବେଦନ କରିପାରିବେ ।
ଗୁରୁତ୍ୱପୂର୍ଣ୍ଣ ତାରିଖ :
ଅନଲାଇନ ରେଜିଷ୍ଟ୍ରସନ ଆରମ୍ଭ: ୨୮ ସେପ୍ଟେମ୍ବର ୨୦୧୮
ଅନଲାଇନ ଆବେଦନ ଏବଂ ଶୁଳ୍କ ପେମେଂଟ କରିବାର ଶେଷ ତାରିଖ: ୧୦ ଅକ୍ଟୋବର ୨୦୧୮
ପ୍ରାରମ୍ଭୀକ ପରୀକ୍ଷା: ୦୮,୦୯,୧୫ ଏବଂ ୧୬ ଡିସେମ୍ବର ୨୦୧୮
ମୁଖ୍ୟ ପରୀକ୍ଷା: ୨୦ ଜାନୁଆରୀ ୨୦୧୮