କିପରି ଚିହ୍ନିବେ ପ୍ଲାଷ୍ଟିକ୍ ଚାଉଳ ? ଜାଣନ୍ତୁ ଏହି ୫ଟି ଉପାୟ
ସାଧାରଣତଃ ପ୍ଲାଷ୍ଟିକ ଚାଉଳ ଆମେ ବ୍ୟବହାର କରୁଥିବା ନୟମିତ ଚାଉଳ ଭଳି ଦେଖାଯାଇଥାଏ । ପ୍ଲାଷ୍ଟିକ୍ ଚାଉଳରେ ଏକ ପ୍ରକାର ରସାୟନିକ ପଦାର୍ଥର ମିଶ୍ରଣ କରାଯାଇଥାଏ । ଯେଉଁଥିପାଇଁ ତାହା ଅସଲି ଚାଉଳ ଭଳି ଦେଖାଯାଇଥାଏ । ପ୍ଲାଷ୍ଟିକ୍ ଚାଉଳ ଖାଇବାଦ୍ୱାରା ଏହା ଶରୀରର ହର୍ମୋନ ଏବଂ ପ୍ରଜନନ ପ୍ରଣାଳୀକୁ ବଦ୍ଧିତ କରିଥାଏ । ଏଥିସହିତ ପଲିଥିନ୍ ଭଳି ଏହା ପେଟରେ ନା ହଜମ ହୋଇଥାଏ ନା ବାହାରକୁ ବାହାରି ଥାଏ । ଯାହାକି ଶରୀର ପାଇଁ ବହୁତ କ୍ଷତିକାରକ ହୋଇଥାଏ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ଆମେ ଆପଣଙ୍କୁ ୫ଟି ସହଜ ଉପାୟ ଜଣାଇବୁ ଯାହାଦ୍ୱାରା ଆପଣ ଘରେ ବସି ଜାଣିପାରିବେ କି ଆପଣ ଖାଉଥିବା ଚାଉଳ ଅସଲି ନା ନକଲି । ତେବେ ଆସନ୍ତୁ ଜାଣିବା ।
• ଆପଣ ବ୍ୟବହାର କରୁଥିବା ଚାଉଳ ଅସଲ କି ନକଲି ତାହା ଜାଣିବାକୁ ହେଲେ ପ୍ରଥମେ ତାର ପ୍ରକୃତିକୁ ଜାଣିବା । ଅର୍ଥାତ୍ ଅସଲି ଚାଉଳ ରାନ୍ଧିବା ପରେ ତାହା ସାଧାରଣତଃ ସଫ୍ଟ ହୋଇଥାଏ ମାତ୍ର ପ୍ଲାଷ୍ଟିକ୍ ଚାଉଳ କ୍ଷେତ୍ରରେ ସେଭଳି ଦେଖାବାକୁ ମିଳିନଥାଏ କାରଣ ଏହାକୁ ଯେତେ ରାନ୍ଧିଲେ ମଧ୍ୟ ତାହା କଂଚା ରହିଥାଏ ।
• ପ୍ଲାଷ୍ଟିକ୍ ଚାଉଳକୁ ଚିହ୍ନିବାର ସବୁଠାରୁ ସହଜ ତରିକା ହେଲା ଗୋଟିଏ ଗ୍ଲାସ ପାଣି ମଧ୍ୟରେ ଗୋଟିଏ ଗ୍ଲାସ୍ କଂଚା ଚାଉଳ ମିଶାନ୍ତୁ । ଯଦି ଏହା ପ୍ଲାଷ୍ଟିକ୍ ଭଳି ପାଣିରେ ଭାସମାନ ଅବସ୍ଥାରେ ରହେ ତେବେ ଆପଣ ଜାଣିନେବେ କି ଏହା ପ୍ଲାଷ୍ଟିକ୍ ଚାଉଳ ଅଟେ ।
• ହାଲକା ମ୍ୟାଟବକ୍ସ କିମ୍ବା ରଙ୍ଗ ସହିତ ଗୋଟିଏ ମୁଠା ଚାଉଳ ମିଶାଇ ତାକୁ ଜାଳନ୍ତୁ । ଯଦି ଜଳିବା ସମୟରେ ଏହା ମଧ୍ୟରୁ ପ୍ଲାଷ୍ଟିକ୍ ଭଳି ଦୁର୍ଗନ୍ଧ ଆସିଥାଏ । ଯାହାଦ୍ୱାରା ଆପଣ ସ୍ପଷ୍ଟ ହୋଇଯିବେ କି ଏହା ପ୍ଲାଷ୍ଟିକ୍ ଚାଉଳ ଅଟେ ।
• ଅଧିକ ଗରମ ତେଲ୍ ତଥା ପାଖାପାଖି ୨୦୦ ଡିଗ୍ରୀ ତାପ ଥିବା ତେଲରେ କିଛି ପରିମାଣର ଚାଉଳ ଢାଳି ଦିଅନ୍ତୁ । ଯଦି ଏହା ପ୍ଲାଷ୍ଟିକ୍ ଚାଉଳ ହୋଇଥିବା ତେବେ ତାହା ତେଲରେ ପଡିବା କ୍ଷଣି ତରଳି ଯାଇଥାଏ ଏବଂ ଏଥିସହିତ ମଧ୍ୟ ତାହା ଅଠାଭଳି ହାତକୁ ଲାଗିଥାଏ ।
• ଚାଉଳ କିଣିବା ସମୟରେ ଏକଥା ଉପରେ ନିଶ୍ଚୟ ଧ୍ୟାନ ଦିଅନ୍ତୁ କି ଅସଲି ଚାଉଳର ଆକାର ପ୍ରାୟତଃ ସମାନ ହୋଇ ନଥାଏ ମାତ୍ର ନକଲି ତଥା ପ୍ଲାଷ୍ଟିକ୍ ଚାଉଳର ଆକାର ସବୁବେଳେ ସମାନ ହୋଇଥାଏ ।
ଏହାସହ ମଧ୍ୟ ପଢନ୍ତୁ-ସବୁଠାରୁ ବଡ଼ ସତ୍ୟ ! କାହିଁକି ଭାରତରେ ଅଧିକ ପରିମାଣରେ ବିକ୍ରି ହୋଇଥାଏ ସାମସଙ୍ଗ୍ ମୋବାଇଲ୍