କେମିତି କରିବେ ନିଯୁକ୍ତିକର୍ତ୍ତାଙ୍କୁ ଆକର୍ଷିତ ! ଇଂଟରଭିୟୁ ସମୟରେ ପାଂଚଟି କଥା ଉପରେ ନିଶ୍ଚୟ ଦିଅନ୍ତୁ ଧ୍ୟାନ
ଚାକିରି ପାଇଁ ପ୍ରଥମ ସ୍ତର ହେଉଛି ଇଂଟରଭିୟୁ ବା ସାକ୍ଷାତକାର । ତେବେ ସାଧାରଣତଃ ଅଧିକାଂଶ ଯୁବକ-ଯୁବତୀମାନେ ଇଂଟରଭିୟୁ ବା ସାକ୍ଷାତକାର କଥା ଶୁଣିଲେ ଭୟଭୀତ ହୋଇପଡନ୍ତି । କାରଣ ଏହାକୁ ନେଇ ସେମାନଙ୍କ ମନରେ ଅନେକ ଶଙ୍କା ସୃଷ୍ଟି ହୋଇଥାଏ । ତେବେ ଆଜି ଆମେ ଆପଣଙ୍କୁ ଏସଂପର୍କରେ କିଛି ସହଜ ଉପାୟ ଜଣାଇବୁ ଯଦି ଆପଣ ଏହାକୁ ନିଜ କାମରେ ଲଗାଇବେ ତେବେ ଆପଣଙ୍କ ଚାକିରି ସୁନିଶ୍ଚିତ ହୋଇପାରେ । ତେବେ ଆସନ୍ତୁ ଜାଣିବା
Kanak News is now on WhatsApp
Join and get latest news updates delivered to you via WhatsApp
ଡ୍ରେସିଂ ସେନ୍ସ
ଆପଣ ଯେତେବେଳେ କୌଣସି ସାକ୍ଷାତକାର ବା ଇଂଟରଭିୟୁ ଦେବାକୁ ଯାଉଛନ୍ତି ତେବେ ନିଯୁକ୍ତି କର୍ତା ଆପଣଙ୍କ ଡ୍ରେସିଂ ତଥା ପୋଷାକ ପିନ୍ଧା ଶୈଳୀ ଓ ଶାଳୀନତାକୁ ହିଁ ପ୍ରଥମେ ନୋଟିସ୍ କରିଥାନ୍ତି । ଏଥିପାଇଁ ଏହି ସମୟରେ ନିଜ ପୋଷାକପତ୍ରରେ ଧ୍ୟାନ ଦେବା ନିହାତି ଜରୁରୀ ଅଟେ । କାରଣ, ସବୁବେଳେ କୁହାଯାଇଥାଏ, ‘ଫାଷ୍ଟ ଇପ୍ରେସନ ଇଜ୍ ଲାଷ୍ଟ ଇପ୍ରେସନ’ ।
ଠିକ୍ ସମୟରେ ପହଂଚିବା
ଇଂଟରଭିୟୁ ତଥା ସାକ୍ଷାତକାର ପାଇଁ ଠିକ୍ ସମୟରେ ପହଂଚିବା ଜରୁରୀ ହୋଇଥାଏ । ଏଥିପାଇଁ କୌଣସି ସାକ୍ଷାତକାରରେ ଯୋଗଦେବା ପୂର୍ବରୁ ତା’ର ଠିକଣା ଏବଂ ରାସ୍ତା ସଂପର୍କରେ ସଂପୂର୍ଣ୍ଣ ତଥ୍ୟ ଜାଣିବା ଉଚିତ୍ । ସବୁବେଳେ ସାକ୍ଷାତକାର ପାଇଁ ଉର୍ଦ୍ଦିଷ୍ଟ ସମୟର ପାଖାପାଖି ୧୦-୧୫ ମିନିଟ୍ ପୂର୍ବରୁ ଯାଇ ପହଂଚିବା ଆବଶ୍ୟକ । କାରଣ ଏହାଦ୍ୱାରା ସଂସ୍ଥା ବା ନିଯୁକ୍ତି କର୍ତାଙ୍କର ଆପଣଙ୍କ ପ୍ରତି ଭଲ ଦୃଷ୍ଟି ଆସିଥାଏ ।
କଂପାନୀ ସଂପର୍କରେ ପୂର୍ବରୁ ତଥ୍ୟ ରଖିବା
ସାକ୍ଷାତକାରର ଯୋଗ ଦେବା ପୂର୍ବରୁ ସେହି କଂପାନୀ ବା ସଂସ୍ଥା ବିଷୟରେ କିଛି ସୂଚନା ରଖିବାକୁ ଚେଷ୍ଟା କରନ୍ତୁ । କାରଣ ନିଯୁକ୍ତି କର୍ତା ସବୁବେଳେ ଚାହାଁନ୍ତି କି, ସେ ସେହିଭଳି ଲୋକଙ୍କୁ ନିଯୁକ୍ତି ଦେବେ ଯିଏ କି ତାଙ୍କ ସଂସ୍ଥା ସହ ଜଡିତ ଥିବେ ଏବଂ ନିଜ ଚାକିରି ପାଇଁ ଅଧିକ ବ୍ୟଗ୍ର ଥିବେ ।
ସାକ୍ଷାତକାର ସମୟରେ କରାଯାଉଥିବା ପ୍ରଶ୍ନ
ସାକ୍ଷାତକାର ସମୟରେ ସମସ୍ତଙ୍କ ଫୋକସ ଥାଏ କି ସେମାନେ କିଭଳି ପ୍ରଶ୍ନ କରିବେ ଏବଂ ତାର ଉତ୍ତର ଆପଣଙ୍କୁ ଆସିବ ନା ନାହିଁ । କିନ୍ତୁ ସାକ୍ଷାତକାରର ଅର୍ଥ ତାହା ନୁହେଁ । କାରଣ ଯେତେବେଳେ ବି ଆପଣ କୌଣସି ସାକ୍ଷାତକାରକୁ ଯାଉଛନ୍ତି ତେବେ ତାଙ୍କୁ ନିଜର ଜବ୍ ପ୍ରୋଫାଇଲ୍ ଉପରେ ପଚାରି ବୁଝିବାକୁ ଚେଷ୍ଟା କରନ୍ତୁ ଏବଂ କଂପାନୀ ସଂପର୍କରେ ଜାଣିବାକୁ ପ୍ରୟାସ କରନ୍ତୁ ।
ରିଜ୍ୟୁମ ବା ବାୟୋଡାଟାର ଅଲଗା ଏକ କପି ନିଜ ପାଖରେ ରଖନ୍ତୁ
ଯେତେବେଳେ ଆପଣ କୌଣସି ସାକ୍ଷାତକାରକୁ ଯାଉଛନ୍ତି ତେବେ ସେତେବେଳେ ତାଙ୍କୁ ନିଜ ରିଜ୍ୟୁମ ଦେବା ବ୍ୟତୀତ ଅନ୍ୟ ଏକ କପି ନିଜ ପାଖରେ ରଖନ୍ତୁ ।