ଘରେ ବସି ମୋବାଇଲରୁ ବନାଇପାରିବେ ଡ୍ରାଇଭିଂ ଲାଇସେନ୍ସ…ମାତ୍ର ଚାରି ଦିନ ଭିତରେ ଘରେ ଆସି ଦେଇଯିବେ ଡାକବାଲା
ଆଜ୍ଞା ହଁ ! ଘରେ ବସି ବନାଇପାରିବେ ନିଜ ଡ୍ରାଇଭିଂ ଲାଇସେନ୍ସ ଆଉ ବଡ କଥା ହେଲା ଡିଏଲ ପାଇଁ ଆବେଦନ କରିବାର ମାତ୍ର ୪ ଦିନ ଭିତରେ ଡାକବାଲା ଆସି ଆପଣଙ୍କ ଘରେ ଦେଇଯିବେ ଡ୍ରାଇଭିଂ ଲାଇସେନ୍ସ । ସାଧାରଣତଃ ଗାଡି ଚଲାଇବାକୁ ହେଲେ ଚାଳକଙ୍କ ନିକଟରେ ଡ୍ରାଇଭିଂ ଲାଇସେନ୍ସ ରହିବା ନିହାତି ଜରୁରୀ । ସେହିପରି ପୂର୍ବରୁ ଡିଏଲ ବନାଇବା ପାଇଁ ଲୋକଙ୍କୁ ଆଟିଓ ଅଫିସର ବାରମ୍ବାର ଚକ୍କର କାଟିବାକୁ ପଡୁଥିଲା ହେଲେ ଆଜିର ଦିନରେ ଏହି କାମ ଏବେ ବହୁତ ସହଜ ହୋଇପଡିଛି । ଲୋକେ ଘରେ ବସି ବି ଡିଏଲ ପ୍ରସ୍ତୁତ କରିପାରୁଛନ୍ତି । ତେବେ ଉତ୍ତର ପ୍ରଦେଶର ପରିବହନ ବିଭାଗ ଡ୍ରାଇଭିଂ ଲାଇସେନ୍ସ ଜାରି କରିବା ବ୍ୟବସ୍ଥାରେ ଏକ ବଡ ଧରଣର ପରିବର୍ତ୍ତନ କରିବାକୁ ଯାଉଛନ୍ତି । ଯାହା ଆସନ୍ତା ବର୍ଷ ପହିଲାରୁ ହିଁ ସାରା ରାଜ୍ୟରେ ଲାଗୁ କରିଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୟୁପିରେ ଡିଏଲ ଆବେଦନର ତଦାରଖ କାମ ଆରଟିଓ କର୍ମୀ ନୁହେଁ ବରଂ ଏଜେନ୍ସିର କର୍ମଚାରୀମାନେ କରିବେ । ବାରାଣାସୀର ସ୍ମାର୍ଟ କାର୍ଡରୁ ଡିଏଲ ଜାରି କରିବାର କାମ ନେକ୍ସି କଂପାନୀ ନିକଟରେ ରହିଛି । ତାକୁ ନୂତନ ତରିକାରେ ଅନୁବନ୍ଧ କରାଯାଉଛି । ଦ୍ୱିତୀୟ ଦିନ ଡିଏଲ ଅଲ ଇଣ୍ଡିଆ ରେଜିଷ୍ଟରରେ ଦାଖଲ କରାଯିବ । ତୃତୀୟ ଦିନ ଡିଏଲ ଆରିଟିଓ ମୁଖ୍ୟାଳୟରୁ ଜାରି କରାଯିବ । ଏବଂ ଆଗାମୀ ଚାରି ଦିନ ଭିତରେ ଡ୍ରାଇଭିଂ ଲାଇସେନ୍ସ ଆବେଦକଙ୍କ ଘର ଠିକଣାରେ ପହଂଚାଇଦିଆଯିବ ।
ତେବେ ମୋଟ ଉପରେ ଡ୍ରାଇଭିଂ ଲାଇସେନ୍ସ ଆବେଦକଙ୍କ ଘରେ ପହଂଚିବାକୁ ଗୋଟିଏ ସପ୍ତାହ ଲାଗିବ ବୋଲି ୟୁପି ପରିବହନ ବିଭାଗର ଅଧିକାରୀମାନେ ଯୁକ୍ତି ବାଢିଛନ୍ତି । ସେହିପରି, ଯଦି ଆବେଦନକାରୀଙ୍କ ଠିକଣା ବଦଳି ଯାଏ ତେବେ ସେ ହେଲପଲାଇନ ନମ୍ବରରେ ଡିଏଲର ନମ୍ବର ସହିତ ନୂଆ ଠିକଣା ଦେବା ଦ୍ୱାରା ତାଙ୍କୁ ଡିଏଲ ଉପଲବ୍ଧ କରିଦିଆଯିବ ।