ସରକାରଙ୍କ ବଡ ନିଷ୍ପତି : ଏଣିକି ବିନା ଟଙ୍କାରେ ଏଟିଏମ କାର୍ଡ ଜରିଆରେ ହେବ ରୋଗୀମାନଙ୍କ ଚିକିତ୍ସା, ଜାଣନ୍ତୁ କିପରି
ଖୁବ୍ ଶୀଘ୍ର ଏହି ସୁବିଧା ରେଳ କର୍ମଚାରୀମାନଙ୍କୁ ମିଳିବାକୁ ଯାଉଛି । ରେଳ କର୍ମଚାରୀମାନେ ଖୁବ୍ ଶୀଘ୍ର ହିଁ ଏଟଏମ କାର୍ଡ ଜରିଆରେ ନିଜର ବେଂ ନିଜ ପରିବାର ଲୋକଙ୍କ ଚିକିତ୍ସା କରିପାରିବେ । ଏଥିରେ ଫରକ କେବଳ ଏତିକି ରହିଛି କି, ଏହି ଏଟିଏମ କାର୍ଡରୁ ଟଙ୍କା ବାହାର କରିପାରିବେ ନାହିଁ । ରେଳ କର୍ମଚାରୀମାନଙ୍କୁ ଜାରି ହେବାକୁ ଯାଉଥିବା ଏହି ମେଡିକାଲ କାର୍ଡରେ ସମାନତା ଆଣିବା ପାଇଁ ଏବେ ରେଳ କର୍ମଚାରୀମାନଙ୍କୁ ଏଟିଏମ କାର୍ଡ ଭଳି ମେଡିକାଲ କାର୍ଡ ପ୍ରଦାନ କରାଯିବ । ଯାହାକି ଦେଖିବାକୁ ଅବିକଳ ଏଟିଏମ କାର୍ଡ ଭଳି ହିଁ ରହିଛି । ଏସଂପର୍କରେ ରେଳ ମନ୍ତ୍ରାଳୟ ନିର୍ଦ୍ଦଶନାମା ବି ଜାରି କରିଦେଇଛି । ଡିଜିଟାଲ ଇଣ୍ଡିଆକୁ ଅଧିକ ପ୍ରାଥମିକତା ଦେବା ଉଦ୍ଦେଶ୍ୟରେ ରେଳମନ୍ତ୍ରାଳୟ ଏଭଳି ନିଷ୍ପତି ନେଇଛି । ଏହାଦ୍ୱାରା ବର୍ଷ ବର୍ଷ ଧରି ଚାଲି ରହିଥିବା ମାନୁଆଲ ସିଷ୍ଟମରେ କିଛିମାତ୍ରାରେ ସୁଧାର ଆସିପାରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରେଳ ମନ୍ତ୍ରାଳୟ ତରଫରୁ କାର୍ଯ୍ୟରତ ଏବଂ ସେବାନିବୃତ ହୋଇସାରିଥିବା କର୍ମଚାରୀମାନଙ୍କ ପାଇଁ ପୃଥକ ପୃଥକ କାର୍ଡ ଜାରି କରାଯିବ । ଏଥିରେ ସବୁକିଛି ଏସମାନ ଭଳି ରହିବ । କିନ୍ତୁ ଉପରୀ ସ୍ତରରେ କିଛି ପରିବର୍ତ୍ତନ କରାଯିବ । ପ୍ରତ୍ୟେକ ରେଳ କର୍ମୀଙ୍କୁ ଅଲ ଇଣ୍ଡିଆ ୟୁନିକ ନମ୍ବର ଯୁକ୍ତ ମେଡିକାଲ କାର୍ଡ ଜାରି କରାଯିବ । ଏହି କାର୍ଡ ସେମାନଙ୍କ ଉପରେ ନିର୍ଭର କରୁଥିବା ଲୋକମାନଙ୍କୁ ବି ମିଳିବ । ତେବେ ଏହି ମେଡିକାଲ କାର୍ଡର ସୁବିଧା କର୍ମଚାରୀଙ୍କ ପଦବୀ ଅନୁସାରେ ମିଳିବ ।
ପଦୋନ୍ନତି ଅନୁସାରେ, ନୂଆ କାର୍ଡ ଜାରି କରାଯିବ । ରେଳ କର୍ମୀଙ୍କ ଆଶ୍ରିତ ବୟସ ଯଦି ୧୫ ବର୍ଷ କିମ୍ବା ଏଠାରୁ କମ ରହିଛି ତେବେ ତାଙ୍କୁ ପାଂଚ ବର୍ଷ ପାଇଁ ଏହି ସୁବିଧା ପ୍ରଦାନ କରାଯିବ । ଏହି ସମୟ ସୀମା ପୂରଣ ହେବା ପରେ ଏହି କାର୍ଡର ନବିକରଣ କରିବାକୁ ପଡିବ । ସେହିପରି ଆଶ୍ରିତଙ୍କ ବୟସ ୧୫ ବର୍ଷରୁ ଅଧିକ ହୋଇଥିଲେ ତାଙ୍କୁୁ ୪୦ ବର୍ଷ ବୟସ ହେବା କ୍ଷଣି ହିଁ କାର୍ଡକୁ ନବୀକରଣ କରିବାକୁ ହେବ ।