ଏଣିକି ଆଉ ଆପଣଙ୍କୁ ଆଧାର କାର୍ଡକୁ ସାଥିରେ ଧରି ବୁଲିବାକୁ ପଡିବନି । କାରଣ, ଲୋକମାନଙ୍କର ସମସ୍ୟାକୁ ଦୃଷ୍ଟିରେ ରଖି ଜାରି କରିଛନ୍ତି ଏମଆଧାର ଆପ । ତେବେ ସରକାର ଏହି ଏମଆଧାର ଆପକୁ ଏବେ ଅପଡେଟ କରିଛନ୍ତି । ମୋବାଇଲରେ ଏହି ଆପକୁ ରେଜିଷ୍ଟର କରିବା ପରେ ଆଧାରକାର୍ଡ ସଂପର୍କିତ ଏକ ଓଟିପି (ୱାନ୍ ଟାଇମ୍ ପାସୱାର୍ଡ) ସଂଯୋଗ ହୋଇଥାଏ । ଯାହାଦ୍ୱାରା ଆପଣ ଆଧାରକୁ ନିଜ ମୋବାଇଲରେ ରଖିପାରିବେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସମସ୍ତ ସରକାରୀ ତଥା ବେସରକାରୀ କାର୍ଯ୍ୟ ପାଇଁ କେନ୍ଦ୍ର ସରକାର ଆଧାରକୁ ବାଧ୍ୟତାମୂଳକ ଭାବେ ଘୋଷଣା କରିଛନ୍ତି । ଯେଉଁଥିପାଇଁ ଲୋକଙ୍କୁ ଆଧାର କାର୍ଡକୁ ସବୁବେଳେ ସାଥୀରେ ଧରି ବୁଲିବା ଏକପ୍ରକାରେ ଜରୁରୀ ହୋଇପଡିଛି । କିନ୍ତୁ ଏଣିକି ଆଉ ଏହି ସମସ୍ୟା ରହିବ ନାହିଁ । କାରଣ ଏମଆଧାର ଆପ ମୋବାଇଲରେ ଉପଲବ୍ଧ ହେବା ପରେ ଆଧାରକୁ ସବୁବେଳେ ପାଖରେ ରଖିବା ଆଉ ଆବଶ୍ୟକତା ପଡିବ ନାହିଁ । ଏଥିରେ ଆଧାର କାର୍ଡରେ ଯେଉଁ ସୂଚନା ବା ତଥ୍ୟ ରହିଥାଏ ତାହା ମୋବାଇଲରେ ମଧ୍ୟ ନଜର ଆସିଥାଏ । ଆଉ ସମୟ ଆଧାରିତ ଓଟିପିରେ ବର୍ତ୍ତମାନ ଓଟିପିକୁ ଡାଉନଲୋଡ ହେବା ପାଇଁ ଅପେକ୍ଷା କରିବାକୁ ପଡିବନାହିଁ । କାରଣ ଏହା ମୋବାଇଲରେ ହିଁ ଉପଲବ୍ଧ ରହିବ ।
ୟୁଆଇଡିଏଆଇର ସିଇଓ ଅଜୟ ଭୂଷଣ ପାଣ୍ଡେଙ୍କ ସୂଚନା ମୁତାବକ, ସେଲ୍ଫ ସର୍ଭିସ ଅପଡେଟ୍ ପୋର୍ଟାଲରେ ବର୍ତ୍ତମାନ ଟିଓଟିପିକୁ ସଂଯୋଗ କରି ଦିଆଯାଇଛି । ଉଲ୍ଲେଖନୀୟ କି, ରେଳମନ୍ତ୍ରାଳୟ ମଧ୍ୟ ୮ ସେପ୍ଟେମ୍ବରରୁ ଏମଆଧାରକୁ ବାଧ୍ୟତାମୂଳକ ପରିଚୟ ପତ୍ର ଭାବେ ଗ୍ରହଣ କରିଛି । ଅଜୟଙ୍କ କହିବା ଅନୁସାରେ, ବର୍ତ୍ତମାନ ଏମଆଧାର ଆପ ସମସ୍ତ ଆଣ୍ଡ୍ରଏଡ ଫୋନରେ ଉପଲବ୍ଧ । ଓଟିପିକୁ ନେଇ ଯେଉଁ ସମସ୍ୟାମାନ ସୃଷ୍ଟିହେଉଥିଲା ତାହା ଏବେ ଆଉ ରହିବ ନାହିଁ । ଏଥିସହିତ ଲୋକଙ୍କୁ ଏସଏମଏସ ପାଇଁ ଆଉ ମୋବାଇଲ ନେଟୱାର୍କ ଉପରେ ନିର୍ଭର ମଧ୍ୟ କରିବାକୁ ପଡିବ ନାହିଁ ।
ସୌଜନ୍ୟ: ଦୈନିକ ଜାଗରଣ