ସରକାରୀ ଚାକିରିଆଙ୍କ ପାଇଁ ଖୁସି ଖବର ! ପୁଣି ଥରେ ବଢି ପାରେ କର୍ମଚାରୀଙ୍କ ଦରମା
ମୋଦି ସରକାର ଦେଶର ୪୮ ଲକ୍ଷ କେନ୍ଦ୍ରୀୟ କର୍ମଚାରୀମାନଙ୍କୁ ପୁଣି ଏକ ବଡ଼ ଉପହାର ଦେବାକୁ ଯୋଜନା ଚଳାଇଛନ୍ତି । ତେବେ କେନ୍ଦ୍ର ସରକାର ସପ୍ତମ ବେତନ ଆୟୋଗରେ କେନ୍ଦ୍ରୀୟ କର୍ମଚାରୀଙ୍କ ମାସିକ ସର୍ବନିମ୍ନ ଦରମାକୁ ୧୮,୦୦୦ ଟଙ୍କାରୁ ୨୧,୦୦୦ଟଙ୍କାକୁ ବୃଦ୍ଧି କରିବାକୁ ଯୋଜନା ପ୍ରସ୍ତୁତ ଚଳାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯଦିଓ କର୍ମଚାରୀମାନେ ଏହାକୁ ୨୬,୦୦୦ଟଙ୍କାକୁ ବୃଦ୍ଧି କରିବାକୁ ଦାବି କରିଛନ୍ତି ତେବେ ଗଣମାଧ୍ୟମରେ ପ୍ରକାଶିତ ଖବର ମୁତାବକ, ରାଷ୍ଟ୍ରିୟ ପରାମର୍ଶଦାତା (ଏନଏସି) ଆଗାମୀ ମାସର ବେସିକ୍ ପେ ସ୍ଟ୍ରକ୍ଚରର ରିଭ୍ୟୁ ବାବଦକୁ ଦେଇପାରନ୍ତି । ଯାହାଦ୍ୱାରା କି ସପ୍ତମ ବେତନ ଆୟୋଗ, କର୍ମଚାରୀମାନଙ୍କର ଦରମା ୨.୫୭ ଗୁଣା ବୃଦ୍ଧି କରିବାକୁ ସୁପାରିଶ କରିଥିବାବେଳେ ତାକୁ ୩ଗୁଣା ବୃଦ୍ଧି କରିବାକୁ ସାଧାରଣରେ ଦାବି କରାଯାଇଛି । ସୂଚନା ମୁତାବକ, କେନ୍ଦ୍ର ସରକାର ପକ୍ଷରୁ କିଛି ମାସ ପୂର୍ବରୁ ସର୍ବନିମ୍ନ ବେସିକ୍ ପେକୁ ୭,୦୦୦ ଟଙ୍କାରୁ ବୃଦ୍ଧି କରଯାଇ ତାକୁ ୧୮,୦୦୦ଟଙ୍କା କରିବା ଏବଂ ସର୍ବାଧିକ ବେସିକ୍ ପେକୁ ୮୦,୦୦୦ରୁ ୨,୫୦,୦୦୦ ଟଙ୍କା କରିବାକୁ ଅନୁମତି ଦେଇଥିଲେ । ଯାହାକୁ ନେଇ ଏବେ ଅସନ୍ତୋଷ ଦେଖା ଦେଇଛି । କାରଣ କେନ୍ଦ୍ରୀୟ କର୍ମଚାରୀ ୟୁନିୟନ ଏହି ବୃଦ୍ଧିକୁ ନେଇ ସେତେଟା ଖୁସି ହୋଇପାରି ନାହାଁନ୍ତି । ସେମାନେ ଏଥିରେ ଅତି କମରେ ୨୬,୦୦୦ଟଙ୍କା କରିବାକୁ ଦାବି କରିଛନ୍ତି ।
ସେ ଯାହା ହେଉନା କାହିଁକି, କେନ୍ଦ୍ରୀୟ କର୍ମଚାରୀମଙ୍କ ପାଇଁ ସରକାରଙ୍କର ଏଭଳି ପଦକ୍ଷେପ ଅତ୍ୟନ୍ତ ଲାଭଜନକ ଅଟେ । ତେବେ ସେ ସର୍ବନିମ୍ନ ବେତନ ୨୧,୦୦୦ଟଙ୍କା ପର୍ଯ୍ୟନ୍ତ ବୃଦ୍ଧି ପାଇ ଥାଉ ନା କାହିଁକି । ସପ୍ତମ ସିପିସିର ଆଧାରରେ ପେ ବ୍ୟାଣ୍ଡ ଏବଂ ଗ୍ରେଡ୍ ପେର ପୁରୁଆ ସିଷ୍ଟମକୁ ଏବେ ହଟାଇ ଦିଆଯାଇଛି ଏବଂ ଏକ ନୂଆ ପେ ମ୍ୟାଷ୍ଟ୍ରିକ୍ସ ଆରମ୍ଭ କରି ଦିଆଯାଇଛି ।
ଯାହାର ପରିସରରେ ନାଗରିକ, ରକ୍ଷା କର୍ମଚାରୀ ଏବଂ ସୈନିକ ନିର୍ସିଂ ସେବା ପାଇଁ ପୃଥକ ପୃଥକ ଭାବେ ପେମେଂଟ୍ କ୍ରାଇଟେରିଆ ପ୍ରସ୍ତୁତ କରାଯାଇଛି । ଅର୍ଥ ମନ୍ତ୍ରାଳୟର ସୂଚନା ମୁତାବକ, ସିୟାଚିନରେ କାର୍ଯ୍ୟରତ ଯବାନମାନଙ୍କୁ ମିଳୁଥିବା ଭତ୍ତାକୁ ୧୪,୦୦୦ଟଙ୍କାରୁ ୩୦,୦୦୦ ଟଙ୍କାକୁ ବୃଦ୍ଧି କରିଦିଆଯାଇଛି । ସେହିପରି ଅଧିକାରୀମାନଙ୍କୁ ହାଇ ରିସ୍କ ଏରିଆରେ କାମକରିବା ଉପରେ ମିଳୁଥିବା ଭତ୍ତାକୁ ୨୧,୦୦୦ଟଙ୍କାରୁ ୪୨,୫୦୦ଟଙ୍କାକୁ ବଢାଇ ଦିଆଯାଇଛି ।
ଅନ୍ୟପଟେ, ସରକାର ନର୍ସିଂ ଭତ୍ତାର ଦରକୁ ମଧ୍ୟ ପ୍ରତି ମାସ ହିସାବରେ ୪,୮୦୦ଟଙ୍କାରୁ ୭,୨୦୦ଟଙ୍କାକୁ ବୃଦ୍ଧି କରିଦିଆଯାଇଛି । ସେହିପରି ଅପରେସନ ଥିଏଟର ପାଇଁ ମିଳୁଥିବା ଭତ୍ତାକୁ ବି ମାସିକ ହିସାବରେ ୩୬୦ଟଙ୍କାରୁ ୫୪୦ଟଙ୍କାକୁ ବୃଦ୍ଧି କରାଯାଇଛି । ଏହାବ୍ୟତୀତ ମରିନ କମାଣ୍ଡୋଙ୍କ ଭତ୍ତାରେ ମଧ୍ୟ ବୃଦ୍ଧି କରିଦିଆଯାଇଛି । ଏବେ ସେମାନଙ୍କୁ ମାସିକ ୧୦,୫୦୦ଟଙ୍କାରୁ ୧୭,୩୦୦ଟଙ୍କାକୁ ବୃଦ୍ଧି କରିଦିଆଯାଇଛି ।
ସୌଜନ୍ୟ: ଜନସତ୍ତା