ସଙ୍କଟରେ ଇଣ୍ଡିଗୋ ବିମାନ କମ୍ପାନୀ । ପାଇଲଟ ଅବାବ ଯୋଗୁଁ ୨ଦିନ ହେବ ବାତିଲ କରୁଛି କେତେ ବିମାନର ଉଡାଣ
ଦେଶର ଅଗ୍ରଣୀ ଘରୋଇ ବିମାନ କମ୍ପାନୀ ଇଣ୍ଡିଗୋ ସଙ୍କଟରେ ପଡିଯାଇଛି
କନକ ବ୍ୟୁରୋ : ସୁଲଭ ଦରରେ ବିମାନ ସେବା ଯୋଗାଇଦେଉଥିବା ଦେଶର ଅଗ୍ରଣୀ ଘରୋଇ ବିମାନ କମ୍ପାନୀ ଇଣ୍ଡିଗୋ ସଙ୍କଟରେ ପଡିଯାଇଛି । ପାଇଲଟ୍ ଅଭାବ ଯୋଗୁଁ ଏହା ଦୁଇ ଦିନ ହେଲାଣି କିଛି ବିମାନର ଉଡାଣ ବାତିଲ କରୁଛି । ମଙ୍ଗଳବାର ଏହାର ୩୦ଟି ବିମାନର ଉଡାଣ ବାତିଲ ହୋଇଥିଲା । ବୁଧବାର ଆଉ ୪୯ଟି ବିମାନର ଉଡାଣ ବାତିଲ ହୋଇଛି । ଫେବୃଆରୀରେ ଏହି ସମସ୍ୟାର ସମାଧାନ ହୋଇପାରିବ ନାହିଁ । ଚଳିତ ମାସରେ ପ୍ରତିଦିନ କମ୍ପାନୀ ୩୦ଟି ବିମାନର ଉଡାଣ ବାତିଲ କରିବ ବୋଲି କହିଛି ।
Kanak News is now on WhatsApp
Join and get latest news updates delivered to you via WhatsApp
ପାଇଲଟ୍ ଅଭାବ ଏକ ସମସ୍ୟା ହୋଇଥିବା ବେଳେ ପାଣିପାଗ ଏବଂ ବିଭିନ୍ନ ବିମାନ ବନ୍ଦରରେ ଚାଲିଥିବା ନୋଟିସ ଟୁ ଏୟାରମ୍ୟାନ୍ ମଧ୍ୟ ଅନ୍ୟତମ କାରଣ ବୋଲି କୁହାଯାଉଛି । ଏଥିପାଇଁ କମ୍ପାନୀ ପାଖରେ ଯେଉଁ ସଦସ୍ୟମାନେ ରହିଛନ୍ତି ସେମାନଙ୍କ ରୋଷ୍ଟରକୁ ବଦଳାଇବାକୁ ପଡୁଛି । ଯାହାର ପ୍ରଭାବରେ ବିମାନ ବାତିଲ ହେଉଛି । ଇନ୍ଧନ ଦର ବୃଦ୍ଧି ବି ବିମାନ ବନ୍ଦ ପଛର ଆଉ ଏକ କାରଣ ବୋଲି ଜଣାପଡିଛି ।