ପାକିସ୍ତାନକୁ ସେନାମୁଖ୍ୟଙ୍କ ଚେତାବନୀ । କହିଲେ, ଏଲଓସିରେ ପଶିଲେ ହେବ କଡା କାର୍ଯ୍ୟାନୁଷ୍ଠାନ, କାଶ୍ମୀରର ବର୍ତମାନ ସ୍ଥିତି ନେଇ ମଧ୍ୟ ରଖିଲେ ପ୍ରତିକ୍ରିୟା ।
କନକ ବ୍ୟୁରୋ : ପାକିସ୍ତାନକୁ ସେନାମୁଖ୍ୟଙ୍କ ଚେତାବନୀ । ପାକିସ୍ତାନ ସୀମା ଉଲ୍ଲଙ୍ଘନ କଲେ ସାଂଘାତିକ ପରିଣାମ ହେବ ବୋଲି ଚେତାଇ ଦେଇଛନ୍ତି ସେନାମୁଖ୍ୟ ବିପିନ ରାୱତ । ଯଦି ପାକିସ୍ତାନ ଏଲଓସିକୁ ଆସିବାକୁ ଚାହୁଁଛି ତାହେଲେ ଆସୁ, ହେଲେ ତାକୁ ଉଚିତ ଜବାବ ମିଳିବ ବୋଲି ସେ କହିଛନ୍ତି । ସେହିପରି ଜମ୍ମୁକାଶ୍ମୀରର ବର୍ତମାନର ସ୍ଥିତିକୁ ନେଇ ସେନାମୁଖ୍ୟ ଜେନେରାଲ ବିପିନ ରାୱତ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ପୂର୍ବ ଅପେକ୍ଷା କାଶ୍ମୀର ଲୋକଙ୍କ ସହ ଆମର କଥାବାର୍ତା ସାମାନ୍ୟ ହୋଇଛି । ବିନା ବନ୍ଧୁକରେ ଆମେ ତାଙ୍କୁ ଭେଟିଛୁ । ଆଶା କରୁଛୁ ଆଗକୁ ବି ବିନା ବନ୍ଧୁକରେ ସେମାନଙ୍କୁ ଭେଟୁଥିବୁ ।
Kanak News is now on WhatsApp
Join and get latest news updates delivered to you via WhatsApp
ଧାରା ୩୭୦ ଉଚ୍ଛେଦ ପରେ ଏବେ ଲଦାଖ ସୀମାର ବିପରୀତ ପାଶ୍ୱର୍ରେ ପାକିସ୍ତାନ ସୈନ୍ୟ ଠୁଳ କରୁଥିବା ଗୁଇନ୍ଦା ସୂଚନା ମିଳିଥିଲା । ପାକିସ୍ତାନ ପତ୍ରକାର ଦାବି କରିଥିଲେ ଯେ ଭାରି ଅସ୍ତ୍ରଶସ୍ତ୍ର ସହ ପାକିସ୍ତାନ ସେନା ଏଲଓସି ଆଡକୁ ଆସୁଛି । ଆଉ ସେମାନଙ୍କୁ ପିଓକେ ଲୋକ ସ୍ୱାଗତ କରୁଥିବା ମଧ୍ୟ ସେ ଦାବି କରିଥିଲେ । ଏହାସହ ଲଦାଖ ନିକଟରେ ପାକିସ୍ତାନ ବାୟୁସେନା ଯୁଦ୍ଧ ବିମାନ ମୁତୟନ କରିଥିବା ଖବର ମଧ୍ୟ ସାମ୍ନାକୁ ଆସିଥିଲା । ତେଣୁ ଲଦାଖ ସୀମା ଉପରେ ଭାରତୀୟ ସେନା ତୀକ୍ଷଣ ନଜର ରଖିବା ସହ ପାକିସ୍ତାନ ସୈନ୍ୟଙ୍କ ଗତିବିଧୀ ଉପରେ ମଧ୍ୟ ଅନୁଧ୍ୟାନ କରୁଛି । ଆଉ ଏଭଳି ଚର୍ଚ୍ଚା ଭିତରେ ଆଜି ବିପିନ ରାୱତ ପୁଣି ପାକିସ୍ତାନକୁ ଚେତାବନୀ ଦେଇଛନ୍ତି ।