୧୦ ଟଙ୍କିଆ ମୁଦ୍ରା ହେଲା କାଳ : ଗ୍ରାହକଙ୍କ ଠାରୁ ଟଙ୍କା ନେବାକୁ ମନା କରିବାରୁ କୋର୍ଟ ଦେଲା ଦଣ୍ଡ
ମଧ୍ୟପ୍ରଦେଶର ଜଣେ ଦୋକାନୀକୁ ଗ୍ରାହକଙ୍କ ଠାରୁ ୧୦ ଟଙ୍କିଆ ମୁଦ୍ରା ନେବାକୁ ମନା କରିବା ମହଙ୍ଗା ପଡିଲା । ଏଠାକାର ସ୍ଥାନୀୟ ଅଦାଲତ ସେହି ବ୍ୟକ୍ତିଙ୍କୁ ଜିଲ୍ଲାପାଳଙ୍କ ଆଦେଶ ଅବମାନନା କରିବାରୁ ଅଦାଲତ ତାଙ୍କୁ ଦୋଷୀ ସାବ୍ୟସ୍ତ କରି ଦଣ୍ଡବିଧାନ କଲେ ଓ ୨୦୦ ଟଙ୍କା ଜରିମାନା ଦେବାକୁୁ ଆଦେଶ ଦେଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗ୍ରାହକ ଆକାଶ ଜୈାରା ସହରର ବନିୟାପାରା ସ୍ଥିତ ଦୋକାନୀ ଅରୁଣ ଜୈନଙ୍କ ଦୋକାନରୁ ୧୭ ଅକ୍ଟୋବର ୨୦୧୭କୁ ଦୁଇଟି ରୁମାଲ କିଣିଥିଲେ । ଏହା ବଦଳରେ ସେ ୧୦-୧୦ ଟଙ୍କାର ଦୁଇଟି ମୁଦ୍ରା ଦୋକାନୀ ଦେଲେ । ୧୦ ଟଙ୍କିଆ ମୁଦ୍ରା ବଜାରରେ ଚଳୁନି ବୋଲି କହି ଦୋକାନୀ ଜଣକ ଗ୍ରାହକଙ୍କୁ ଫେରାଇ ଦେଇଥିଲେ ।
ଗ୍ରାହକ ଦୋକାନୀକୁ ଜଣାଇଥିଲେ ଯେ, ଜିଲ୍ଲାପାଳଙ୍କ ଆଦେଶ ଅଛି ଯେ ୧୦ ଟଙ୍କିଆ ମୁଦ୍ରାକୁ କେହି ନେବାକୁ ମନା କରିପାରିବେ ନାହିଁ ଓ ଏହି ମୁଦ୍ରା ବଜାରରେ ଚଳନୀୟ । ଏହାପରେ ବି ଦୋକାନୀ ଜଣକ ମାନି ନଥିଲେ । ଏହାପରେ ଗ୍ରାହକ ଆକାଶ ଜୈାରା ପୁଲିସ ଥାନାରେ ମାମଲା ରୁଜୁ କଲେ । ପୁଲିସ ଦୋକାନୀ ଅରୁଣ ଜୈନଙ୍କ ବିରୁଦ୍ଧରେ କଲେକ୍ଟର ଦ୍ୱାରା ମୁଦ୍ରା ଗ୍ରହଣ କରିବାକୁ ସ୍ୱୀକାର କରିବା ସମ୍ବନ୍ଧରେ ଜାରି ହୋଇଥିବା ଆଦେଶର ଉଲ୍ଲଙ୍ଘନ କରିବା ମାମଲା ରୁଜୁ କରି ଦୋକାନୀକୁ ଗିରଫ କରିନେଲେ ।
ମାମଲାର ଶୁଣାଣି ପରେ ଦୋକାନୀ ଅରୁଣ ଜୈନଙ୍କୁ ଆଇପିସି ଧାରା ୧୮୮ ଅଧିନରେ କଲେକ୍ଟରଙ୍କ ଆଦେଶର ଅବମାନନା କରିବାର ଦୋଷୀ ସାବ୍ୟସ୍ତ ହେଲେ ଓ ତାଙ୍କୁ କୋର୍ଟ ବନ୍ଦ ନହେବା ପର୍ଯ୍ୟନ୍ତ ଦଣ୍ଡ ତଥା ୨୦୦ ଟଙ୍କାର ଜରିମାନାରେ ଦଣ୍ଡିତ କଲେ ।