ଗୋଟିଏ ରାତିରେ ୮ଟି ଦୋକାନରୁ ପିଆଜ ଚୋରୀ । ସାଲେପୁର ରାଇସୁଙ୍ଗୁଡା ବଜାରରୁ ପିଆଜ ଚୋରୀ କରିନେଲେ ଦୁର୍ବୃତ୍ତ
ଥାନାରେ ପହଂଚିଲା ମାମଲା; ଦୋକାନୀ କହିଲେ, ପିଆଜକୁ ଯୋଗାଇ ଦିଆଯାଉ ସୁରକ୍ଷା
କନକ ବ୍ୟୁରୋ: ପିଆଜର ଦାମ୍ ଆକାଶଛୁଆଁ ହେବା ପରେ ଲୋକଙ୍କ ମୁଣ୍ଡବ୍ୟଥା ବଢିବା ସଙ୍ଗେ ସଙ୍ଗେ ଚୋରଙ୍କ ପ୍ରକୃତି ମଧ୍ୟ ବଦଳିଛି । ଏବେ ସୁନା,ଗହଣା ନୁହଁ ଚୋରଙ୍କ ଟ୍ରେଣ୍ଡରେ ଅଛି ପିଆଜ । ତେବେ ପିଆଜ ଚୋରୀ ହେବା ଘଟଣା ବାହାର ରାଜ୍ୟରୁ ଏବେ ଓଡିଶାକୁ ଡେଇଁଛି । ଓଡିଶା ଚୋରଙ୍କୁ ଏବେ ପିଆଜ ଚୋରୀ କରିବାର ନିଶା ଲାଗିଛି । ଗୋଟିଏ ରାତିରେ ୮ ଟି ଦୋକାନରୁ ପିଆଜ ଚୋରୀ । କଟକ ଜିଲ୍ଲା ସାଲେପୁର ରାଇସୁଙ୍ଗୁଡା ବଜାରରୁ ଗତକାଲି ରାତିରେ ଗୋଟିଏ କି ଦୁଇଟି ନୁହେଁ ୮ଟି ଦୋକାନରୁ ଏକାଥରକେ ଚୋରୀ ହୋଇଛି । ତାହା ପୁଣି ପିଆଜ ଚୋରୀ କରିନେଇଛନ୍ତି ଦୁର୍ବୃତ । ପିଆଜ ଦର ହୁ ହୁ ହୋଇ ବଢି ପିଆଜ କିଲୋ ପିଛା ଦର ୧୬୦ଟଙ୍କାରେ ପହଂଚିଲାଣି ।
Kanak News is now on WhatsApp
Join and get latest news updates delivered to you via WhatsApp
ଏପରି ସ୍ଥଳେ ରାଇସୁଙ୍ଗୁଡା ବଜାରର ୮ଟି ଦୋକାନରୁ ପିଆଜ ଚୋରୀ ହେବା ଘଟଣା ସାଧାରଣରେ ଚର୍ଚ୍ଚାର ବିଷୟ ପାଲଟିଛି । ଏପରିକି ଥାନାରେ ପହଂଚିଛି ମାମଲା । ପୋଲିସ ରାଇସୁଙ୍ଗୁଡା ବଜାରରେ ପହଂଚି ତଦନ୍ତ କରି ଫେରିଥିବା ବେଳେ, ପିଆଜକୁ ସୁରକ୍ଷା ଯୋଗାଇ ଦେବା ପାଇଁ ଦାବି ହୋଇଛି । ସେପଟେ ରାତ୍ରୀକାଳିନ ପାଟ୍ରୋଲିଂ ପାଇଁ ଦାବି କରିଛନ୍ତି ସ୍ଥାନୀୟ ଲୋକେ । ତେବେ ମହଙ୍ଗାର ଶୀର୍ଷରେ ଥିବା ପିଆଜ ଲୋକଙ୍କ ରୋଷେଇଘରେ ଆଉ ଦେଖାଯାଉନି । ପିଆଜ ଦର ହୁ ହୁ ହୋଇ ବଢି କିଲୋ ପିଛା ଦର ୧୬୦ଟଙ୍କାରେ ପହଂଚିଲାଣି । ଅନ୍ୟ ରାଜ୍ୟମାନଙ୍କରେ ତ ପିଆଜର ଦାମ୍ ୨୫୦ ଟଙ୍କା ଡେଇଁଲାଣି । ଏଭଳି ସ୍ଥିତିରେ ସାଲେପୁର ବଜାରରୁ ଗୋଟିଏ ରାତିରେ ୮ ଟି ଦୋକାନରୁ ପିଆଜ ଚୋରୀ ହେବା ଘଟଣା ଚାରିଆଡେ ଆଲୋଡନ ସୃଷ୍ଟି କରିଛି ।