୨୫ ବର୍ଷ ପରେ ଖୋଲିବ ମମତାଜ ମହଲ । ସାଧାରଣ ଲୋକ ଦେଖିବେ ଶାହାଜାହାନ-ମମତାଜଙ୍କ ଐତିହାସିକ ଦୁର୍ଗ ।
ମଧ୍ୟପ୍ରଦେଶ ବୁରହାନପୁରର ସେଇ ଦୁର୍ଗ । ଯାହା ବକ୍ଷରେ ଲେଖାହୋଇଛି ଇତିହାସର ଅନେକ ଘଟଣାବଳୀ । ଯେଉଁଦୁର୍ଗର ଖଣ୍ଡିଏ ଖଣ୍ଡିଏ ପଥରରେ ରହିଛି ଭାରତୀୟ ସଂସ୍କୃତି । ମଧ୍ୟପ୍ରଦେଶର ଏହି ପ୍ରସିଦ୍ଧ ରୟାଲଫୋର୍ଟକୁ ଲୋକଲୋଚନରୁ ଅନ୍ଧାରରେ ରଖାଯାଇଥିଲା । ଅନେକ ସ୍ମାରକୀ ବହନକରୁଥିବା ଏହି ବିଲିଂଡକୁ ଦେଖାଶୁଣା ଅଭାବରୁ ଗତ ୨୫ ବର୍ଷ ଧରି ଲୋକଙ୍କୁ ଦେଖିବାକୁ ମିଳିନଥିଲା । ଏବେ ମଧ୍ୟପ୍ରଦେଶ ସରକାର ପୁଣିଥରେ ଖୋଲିବାକୁ ନିଷ୍ପତ୍ତି ନେଇଛନ୍ତି । ପୁଣି ଏଠି ପର୍ଯ୍ୟଟକଙ୍କ ଭିଡ ଦେଖିବାକୁ ମିଳିବ ।
Kanak News is now on WhatsApp
Join and get latest news updates delivered to you via WhatsApp
ଏହି ଦୁର୍ଗକୁ ଖ୍ରୀଷ୍ଟାବ୍ଦ ୧୬ଶହରେ ନିର୍ମାଣ କରିଥିଲେ ରାଜା ଆଦିଲ ଶାହା ଫାରୁକି ।ଏହା ଏପରି ଏକ ଦୁର୍ଗ ଯେଉଁଠି ଆପଣ ବୁଢିଆଣୀ ଜାଲ ପରି ଛନ୍ଦି ହୋଇଯିବେ । ଏହି ଦୁର୍ଗ ଭିତରକୁ ପଶିଲେ ଆପଣ ବାଟବଣା ହୋଇଯିବେ । ଥରେ ପଶିଲେ ଆପଣ କେଉଁପଟେ ବାହାରିବେ ଆପଣ ଭୁଲିଯିବେ । କିନ୍ତୁ ଏବେ ଏହି ଦୁର୍ଗର କିଛି ଅଂଶ ଭାଙ୍ଗିଯାଇଛି ।
ତେବେ ଏହି ଦୁର୍ଗ ସହ ଯୋଡି ହୋଇଛି ଇତିହାସ । ମୋଗଲ ବାଦଶାହ ଶାହଜାହାନଙ୍କର ଅନେକ ସ୍ମୃତି ବହନ କରେ ଏହି ଦୁର୍ଗ । ୧୬୦୩ଏ.ଡି.ରେମୋଗଲ ବାଦଶାହ ଏଠାକୁ ଆସିଥିଲେ ।
ବେଗମ ମମତାଜ ୧୪ତମ ସନ୍ତାନକୁ ଜନ୍ମ ଦେଇଥିଲେ । ୧୬୩୧ ଜୁନ ୬ରେ ନିଜର ଶାହାଜାହାନଙ୍କ କୋଳରେ ଶେଷ ନିଃଶ୍ୱାସ ତ୍ୟାଗ କରିଥିଲେ ମମତାଜ । ଦେୱାନ-ଇ-ଆମ, ଦି ୱାନ-ଇ-ଖାସ, ଶାହି ହମାମ,ଲାଙ୍ଗାନି ମସଜିଦ ମଧ୍ୟ ଏହି ଦୁର୍ଗର ଆକର୍ଷଣର କେନ୍ଦ୍ରବିନ୍ଦୁ । ଏହା ପରିସରରେ ମ୍ୟୁଜିୟମ ନିର୍ମାଣ ସରିଛି । ଏଥିରେ ଅନେକ ପୁରାଣ ବର୍ଣ୍ଣିତ ସାମଗ୍ରୀ ଏଠାରେ ସ୍ଥାନ ପାଇଛି ।