କଣାସରେ ଇଭିଏମ ମେସିନ ଭଙ୍ଗା ମାମଲା: ପୁରୀ ଏସପି କହିଲେ, ବିଧାୟକ ପ୍ରାର୍ଥୀଙ୍କୁ ଖୋଜୁଛି ପୁଲିସ;ଆତ୍ମସମର୍ପଣ ନକଲେ ଘୋଷଣା କରାଯିବ ପଳାତକ
କନକ ବ୍ୟୁରୋ: ସତ୍ୟବାଦୀ ନିର୍ବାଚନମଣ୍ଡଳୀରେ କଣାସ ବୁଥରେ ଆକ୍ରମଣ ଘଟଣାକୁ ନେଇ ସତ୍ୟବାଦୀ ବିଜେପି ପ୍ରାର୍ଥ ଓମ୍ ପ୍ରକାଶ ମିଶ୍ରକୁ ଖୋଜୁଛି ପୋଲିସ । ଏହି ଘଟଣାରେ ସେ ଫେରାର ହୋଇଯାଇଛନ୍ତି । ତେବେ ତାଙ୍କୁ ଖୋଜିବା କାମ ଜାରି ରହିଛି । ଖୁବଶୀଘ୍ର ସେ ଆତ୍ମସମର୍ପଣ ନ କଲେ ତାଙ୍କୁ ପଳାତକ ଘୋଷଣା କରାଯିବ ବୋଲି ପୁରୀ ଏସପି କହିଛନ୍ତି । ଏହି ଘଟଣାରେ ପୋଲିସ ଗତକାଲି ଓମ୍ ପ୍ରକାଶଙ୍କ ୨ ଜଣ ସମର୍ଥକଙ୍କୁ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ଦିନ ମତଦାନ ବେଳେ କଣାସ ବ୍ଲକ୍ ବୀରକିଶୋରପୁର ଗାଁର ୭୮ ନମ୍ବର ବୁଥ ଭିତରେ ନିଜ ସମର୍ଥକଙ୍କ ସହ ଓମପ୍ରକାଶ ଧସେଇ ପସି ପ୍ରିଜାଇଣ୍ଡିଂ ଅଫିସରଙ୍କୁ ମାଡ ମାରିବା ସହ ଇଭିଏମ ଭାଙ୍ଗି ଦେଇଥିଲେ ବୋଲି ଅଭିଯୋଗ ହୋଇଥିଲା । ବିଜେପି ପ୍ରାର୍ଥୀଙ୍କ ବିରୋଧ ଗଡିଶାଗୋଦା ଥାନାରେ ଏକ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଛି । ତାଙ୍କ ବିରୋଧରେ ପୋଲିସ ଅପରାଧିକ ମାମଲା ରୁଜୁ କରିଛି । ଏହି ଘଟଣାରେ ୨ ଜଣ ଗିରଫ ବି ହୋଇସାରିଛନ୍ତି । ଓମପ୍ରକାଶଙ୍କ ବିରୋଧରେ ପୋଲିସ ବହୁ ସଂଗୀନ ଦଫାରେ ମାମଲା ରୁଜୁ କରିଛି ।