ଆସନ୍ତା ସେପ୍ଟେମ୍ବର ୧୦ରୁ ଖୋଲିବ ସମଯାଜପୁର ଓଭରବ୍ରିଜ
ପୁରୀ ବ୍ୟୁରୋ, କନକ ନ୍ୟୁଜ୍ : ସମଯାଜପୁର ରେଲୱେ ଓଭରବ୍ରିଜ ସେପ୍ଟେମ୍ବର ୧୦ ସୁଦ୍ଧା ମରାମତି କରାଯାଇ ଯାନବାହନ ଚଳାଚଳ କରିବ । ପୁରୀରେ ଅନୁଷ୍ଟିତ ନବକଳେବର ସମୀକ୍ଷା ବୈଠକରେ ଏଭଳି ପ୍ରତିଶ୍ରୁତି ଦେଇଛନ୍ତି ଭାରତୀୟ ଜାତୀୟ ରାଜପଥ ପ୍ରାଧିକରଣ କର୍ତୃପକ୍ଷ । ୪ ଲେନ୍ ଜାତୀୟ ରାଜପଥ ରାସ୍ତା ବାକିଥିବା କାମର ମଧ୍ୟ ଟେଣ୍ଡର କରାଯାଇଛି ଆଉ ୨ ମାସ ମଧ୍ୟରେ ଆରମ୍ଭ ହେବ ବୋଲି କହିଛନ୍ତି ପ୍ରକଳ୍ପ ନିର୍ଦେଶକ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଜାତୀୟ ରାଜପଥରେ ଦୁର୍ଘଟଣାରେ ମୃତ୍ୟୁବରଣ କରୁଥିବା ଲୋକଙ୍କ ପାଇଁ ବୀମା ବ୍ୟବସ୍ଥା ଓ ରାସ୍ତାର ଉଭୟ ପାଶ୍ୱର୍ରେ ବୃକ୍ଷ ରୋପଣ ଉପରେ ଗୁରୁତ୍ୱ ଦେବାକୁ ଆରଡିସି ଏନଏଚଏଆଇ ଅଧିକାରୀଙ୍କୁ ନିର୍ଦେଶ ଦେଇଛନ୍ତି । ଅନ୍ୟପଟେ ଡ୍ରେନପାଣି ସିଧାସଳଖ ମଙ୍ଗଳାନଦୀରେ ମିଶି ପ୍ରଦୂଷିତ କରୁଥିବାରୁ ତା ନିରାକରଣ ପାଇଁ ପଦକ୍ଷେପ ନେବାକୁ ଡ୍ରେନେଜ୍ ବିଭାଗକୁ ନିର୍ଦେଶ ଦେଇଛନ୍ତି ନବକଳେବର ଭିତିଭୂମି ତଦାରଖ କମିଟିର ଅଧ୍ୟକ୍ଷ ମହେଶ୍ୱର ମହାନ୍ତି ।