‘ସାହିତ୍ୟ ଘର’ର ଷଷ୍ଠ ରାଜ୍ୟସ୍ତରୀୟ ସମ୍ମିଳନୀ ଆରମ୍ଭ: କବିତା ପାଠୋତ୍ସବ ସହ ପୁସ୍ତକ ପ୍ରଦର୍ଶନୀ, ମତ ରଖିଲେ ମନୋଜ ଦାସ ଓ ଜୟନ୍ତ ମହାପାତ୍ର
କନକ ବ୍ୟୁରୋ: ସାହିତ୍ୟ ଘରର ଷଷ୍ଠ ରାଜ୍ୟସ୍ତରୀୟ ସମ୍ମିଳନୀ ଆରମ୍ଭ । ଓଡିଶାର ବିଭିନ୍ନ ଅଂଚଳରୁ ଏହି ସମ୍ମିଳନୀରେ ଯୋଗ ଦେଇଛନ୍ତି ଓଡିଶାର ବିଭିନ୍ନ ସାହତ୍ୟ ଘରରୁ ଆସିଥିବା ପ୍ରତିନିଧି । ଏହି ସମ୍ମିଳନୀରେ ଓଡିଶାର ବିଶିଷ୍ଟ ସାହିତ୍ୟକ ଜୟନ୍ତ ମହାପାତ୍ର ଓ ମନୋଜ ଦାସ ଯଥାକ୍ରମେ ଉଦଘାଟକ ଓ ମୁଖ୍ୟ ଅତିଥି ଭାବେ ଯୋଗଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସାହିତ୍ୟଘରର ପ୍ରତିଷ୍ଠାତା ଅଧ୍ୟକ୍ଷ ସୌମ୍ୟରଞ୍ଜନ ପଟ୍ଟନାୟକଙ୍କ ପୌରହିତ୍ୟରେ ତଥା ବିଶ୍ୱବିଦ୍ୟାଳୟର କୂଳପତି ପ୍ରଫେସର ଇସାନ ପାତ୍ରଙ୍କ ଉପସ୍ଥିତିରେ ଏହି ଉଦଘାଟନୀ ସମାରୋହ ଅନୁଷ୍ଠିତ ହୋଇଛି । ରାଜ୍ୟର ମୋଟ ୩୪୦ ସାହିତ୍ୟ ଘର ଶାଖାର ଦୁଇଜଣ ଲେଖାଏଁ ପ୍ରତିନିଧିଙ୍କୁ ନେଇ ହେଉଥିବା ଏହି ସାରସ୍ୱତ ସମାରୋହରେ ଓଡିଆ ସାହିତ୍ୟ ଓ ଲୋକସଂସ୍କୃତିକୁ ନେଇ ଏକ ବୁଲେଟିନ ଉନ୍ମୋଚିତ ହୋଇଛି । ଏହା ସହିତ ଶାଖାଗୁଡିକରେ ବର୍ଷତମାମ କାର୍ଯ୍ୟକ୍ରମକୁ ନେଇ ଏକ ବୃତିଚିତ୍ର ପ୍ରଦର୍ଶିତ ହୋଇଛି ।
ଏହାପରେ ସାହିତ୍ୟ ଓ ରାଜନୀତି ସମ୍ପର୍କୀତ ଆଲୋଚନାଚକ୍ରରେ ଆଲୋଚକ ଭାବେ ବିଶିଷ୍ଟ ସାହିତ୍ୟକ ବିଭୁତି ପଟ୍ଟନାୟକ , ଡ. ଗୌରହରି ଦାସ, ସ୍ତମ୍ବକାର ରଣଜିତ ଗୁରୁ, ଗାଳ୍ପିକ ଓ ଭାଷ୍ୟକାର ଦେବପ୍ରସାଦ ଦାସ, ପ୍ରାଧ୍ୟାପକ ଡ. ସନ୍ତୋଷ ରଥ, ପ୍ରଫେସର ସଂଗୀତା ରଥ ପ୍ରମୁଖ ଯୋଗଦେଇଛନ୍ତି । ତାପରେ କବିତା ପାଠୋତ୍ସବ ଅନୁଷ୍ଠିତ ହେବ । ଏହି ଅବସରରେ ଆମ ଓଡିଶା ପକ୍ଷରୁ ପୁସ୍ତକ ପ୍ରଦର୍ଶନୀ କରାଯାଇଛି । ରେଭେନ୍ସା ବିଶ୍ୱବିଦ୍ୟାଳୟର କନଭେନସନ ସେଂଟରରେ ଏହି ସମ୍ମିଳନୀ ଆୟୋଜନ କରାଯାଇଛି ।