ତେଲ କରିଦେଲା ଗୃହ ଅଚଳ: ତୈଳ ଦର ବୃଦ୍ଧି ପ୍ରତିବାଦରେ ବିଧାନସଭାରେ ହଟ୍ଟଗୋଳ, ଦୁଇ ଦିନ ଛୁଟି ଥିବାରୁ ସୋମବାର ଯାଏଁ ଗୃହ ମୁଲତବି
କନକ ବ୍ୟୁରୋ: ତେଲ ପାଇଁ ବାରମ୍ବାର ଅଚଳ ହୋଇଛି ବିଧାନସଭା । ୩ଟା ଯାଏଁ ଗୃହ ମୁଲତବୀ ଘୋଷଣା ପରେ ସୋମବାର ଯାଏଁ ଗୃହ ମୁଲତବି ଘୋଷଣା କରିଛନ୍ତି ବାଚସ୍ପତି । ତେବେ ଦୁଇ ଦିନ ଛୁଟି ଥିବାରୁ ଗୃହ କାର୍ଯ୍ୟ ସୋମବାର ଯାଏଁ ମୁଲତବି କରାଯାଇଛି । ବାହାରେ ତେଲତାତି ଦେଖା ଦେଇଥିବାବେଳେ ଆଜି ବିଧାନସଭା ଭିତରେ ବି ତେଲତାତି ଦେଖିବାକୁ ମିଳିଥିଲା । ତୈଳଦର ବୃଦ୍ଧି ପ୍ରତିବାଦରେ ଆଜି ଗୃହରେ ପ୍ରବଳ ହଟ୍ଟଗୋଳ ହୋଇଥିଲା । ଫଳରେ ବିଧାନସଭାର ଗୃହକାର୍ଯ୍ୟକୁ ଦିନ ୩ଟା ଯାଏଁ ମୁଲତବି ଘୋଷଣା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଆଜି ଦିନ ୧୦ଟା ୩୦ରେ ଗୃହକାର୍ଯ୍ୟ ଆରମ୍ଭ ହେବା ମାତ୍ରେ ତୈଳଦର ବୃଦ୍ଧି ପ୍ରସଙ୍ଗକୁ ନେଇ ବିଜେଡି ସଦସ୍ୟମାନେ ହୋହଲ୍ଲା ସହ ନାରାବାଜି କରିଥିଲେ । ବିଜେଡିର ହୋହଲ୍ଲା ମଧ୍ୟରେ ଶିକ୍ଷକ ସମସ୍ୟାକୁ ନେଇ ବିରୋଧୀ ସଦସ୍ୟମାନେ ହୋହଲ୍ଲା କରିଥିଲେ । ହଟ୍ଟଗୋଳ ଜାରି ରହିବାରୁ ବାଚସ୍ପତି ଗୃହକୁ ପ୍ରଥମେ ଦିନ ୩ଟା ଯାଏଁ ମୁଲତବୀ ଘୋଷଣା କରିଥିଲେ ପରେ ଦୁଇ ଦିନ ଛୁଟି ଥିବାରୁ ସୋମବାର ଯାଏଁ ଗୃହ ମୁଲତବୀ ଘୋଷଣା କରିଛନ୍ତି ।