ଆକାଶ ପଥରୁ ଓହ୍ଳାଇ ଆସିଲେ ଦେବଦୂତ । ୨ ବର୍ଷର କୁନି ପିଲାକୁ କାଖେଇ ଛାତ ଉପରୁ ହେଲିକପ୍ଟରକୁ ଉଠିଲେ ଗରୁଡ ସ୍ପେଶାଲ ଫୋର୍ସର କମାଣ୍ଡୋ, ଚାରି ଆଡୁ ଛୁଟିଲା ପ୍ରଂଶସାର ସୁଅ
କନକ ବ୍ୟୁରୋ : କେରଳରେ ବନ୍ୟା ସ୍ଥିତି ଯେମିତି ସଂଗୀନ୍ ହୋଇଛି, ତାଠୁ ଅଧିକ ସଂଘର୍ଷପୂର୍ଣ୍ଣ ରହିଛି-ଉଦ୍ଧାର କାର୍ଯ୍ୟ । ଚାରିଆଡେ ପାଣି ଓ ତା ଭିତରେ ବଂଚିବାର ରାହା ଖୋଜୁଥିବା ମଣିଷଙ୍କ ଚିତ୍ର । ଏଭଳି ସ୍ଥିତିରେ ଆଜି କ୍ୟାମେରାରେ କଏଦ୍ ହୋଇଛି ଏମିତି ଏକ ଚିତ୍ର, ଯାହା ଭାରତୀୟ ଯବାନଙ୍କ ସାହାସିକତାର ପ୍ରମାଣ ଦେଉଛି । କିଭଳି ଯବାନ ମାନେ ଏହି ବନ୍ୟା ପୀଡିତଙ୍କ ପାଇଁ ଦେବଦୂତ ଭଳି ଆକାଶ ପଥରୁ ଓହ୍ଲାଇ ଆସିଛନ୍ତି ତାହା ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ବନ୍ୟାର ବିଭିଷିକାରେ ବନ୍ଧା ପଡ଼ିଥିବା ୨ବର୍ଷର କୁନି ପିଲାଟି ହୁଏତ, ଜାଣିନଥିବ ଯେ, ତାସହ କ’ଣ ସବୁ ଘଟୁଛି । କିନ୍ତୁ ଯାହା ବି ଘଟୁଛି-କୌଣସି ଫିଲ୍ମର କାହାଣୀଠାରୁ କମ୍ ନୁହେଁ । ଚାରିଆଡେ ବନ୍ୟା ପାଣି । ଆଉ ଘରର ଛାତ ଉପରେ ୨ବର୍ଷର କୁନି ପିଲାକୁ ଧରି ଜଣେ ଅସହାୟ ମା’ ଜଳବନ୍ଦୀରୁ ମୁକ୍ତିର ବାଟକୁ ଚାହିଁ ରହିବା ଥିବା ବେଳେ ଆକାଶମାର୍ଗରୁ ଆସୁଛନ୍ତି ଦେବଦୂତ । ଆଉ ଏହି ଦେବଦୂତ ଜଣକ ହେଉଛନ୍ତି ୱଙ୍ଗ୍ କମାଣ୍ଡର ପ୍ରଶାନ୍ତ ।
ଯେତେବେଳେ ସବୁ ଆଶା ଛାଡି ଦେଲେ ମା’, ଭଗବାନ ରୁପରେ ପହଂଚିଥିଲେ ଗରୁଡ୍ ସ୍ପେଶାଲ ଫୋର୍ସର କମାଣ୍ଡୋ । କୁନି ପିଲାଟିକୁ କାଖେଇ ଘରର ଛାତ ଉପରୁ ହେଲିକପ୍ଟରକୁ ଉଠିଥିଲେ ପ୍ରଶାନ୍ତ । ଏକ ଦଉଡି ସାହାର୍ଯ୍ୟରେ ବନ୍ୟାରେ ବନ୍ଧା ପଡ଼ିଥିବା କୁନି ପିଲାଟିକୁ ଉଦ୍ଧାର କରିଥିଲେ । ଆଉ ଯେତେବେଳେ ମା’ ଓ କୁନି ପିଲାଟିକୁ ଯବାନ ଉଦ୍ଧାର କରି ହେଲିକପ୍ଟର ଉପରକୁ ପହଂଚିଥିଲେ ମା’ମୁହଁରେ ଫୁଟି ଆସିଥିଲା ହସ । ଏହି ହସ ଥିଲା- ମୁକ୍ତିର । ଏହି ହସ ଥିଲା- ମୃତ୍ୟୁକୁ ମାତ୍ ଦେଇ ତାଚ୍ଛଲ୍ୟ କରିବାର । କେରଳ ଆଲାପୁଆ ଅଂଚଳର ଏହି ଚିତ୍ରକୁ ନେଇ ଏବେ ସାରା ଦେଶରେ ଚର୍ଚ୍ଚା ।